Habari Kamili

MAMIA ya wafanyikazi wa Korea Kusini wamezuiliwa kufuatia uvamizi wa wahamiaji wiki iliyopita nchini Marekani, na kuzua wasiwasi miongoni mwa makampuni ya Korea Kusini kuhusu uwekezaji nchini Marekani. Wafanyakazi waliozuiliwa walitarajiwa kurejea nyumbani kwa ndege ya kukodi baadaye wiki hii, shirika la habari la Yonhap lilisema Jumatatu, likimnukuu mwanadiplomasia wa Korea Kusini. Kwa ushirikiano na mashirika ya kutekeleza sheria ya serikali, serikali na mitaa, maajenti wa Idara ya Uhamiaji na Utekelezaji wa Forodha ya Marekani (ICE) walitekeleza hati ya utafutaji ya serikali mnamo Septemba 4 katika kampuni kwa sababu ya madai mazito ya utendakazi kinyume cha sheria na uhalifu mwingine wa shirikisho, ICE ilisema kwenye tovuti yake. Uvamizi huo wa wahamiaji ulitokea katika eneo la ujenzi wa kiwanda cha betri za magari ya umeme linaloendeshwa na ubia kati ya Hyundai Motor Group na LG Energy Solution. Waliokamatwa ni watu 475, wakiripotiwa kujumuisha takriban raia 300 wa Korea Kusini a...

 MASHAMBULIZI ya ndege zisizo na rubani yameripotiwa mapema Jumanne karibu na mji mkuu wa Sudan, Khartoum, yakilenga miundombinu muhimu na maeneo ya kijeshi.  Kwa mujibu wa mashuhuda na maafisa wa jeshi waliozungumza na shirika la habari la AFP, mashambulizi hayo yalilenga kituo cha kusafisha mafuta cha Al-Jaili, kituo cha umeme cha Al-Markhiyat kilichoko Omdurman, na kiwanda cha silaha cha Yarmuk.  Hili linakuja miezi kadhaa baada ya jeshi kuwatimua wanamgambo wa RSF kutoka eneo hilo, na wakati serikali inayoungwa mkono na jeshi ikiendeleza juhudi za ujenzi upya katika mji wa Khartoum, ambako mapigano makali yalizua wimbi la wakimbizi tangu Aprili 2023. #sudan #sudanese #khartoumattack #Khartoum #umdurman #Yarmuk #RSF

ETHIOPIA imejiandaa kuzindua mradi mkubwa zaidi wa umeme wa maji barani Afrika leo Jumanne, mradi ambao umeahidi kuleta mapinduzi katika sekta ya nishati ya nchi hiyo. Nchi hiyo inatarajia kuanza kuuza umeme kwa mataifa mengine lakini pia kuongeza magari ya umeme hadi zaidi ya 500,000 katika kipindi cha miaka 10 ijayo.  Kwa Ethiopia, Bwawa la Grand Renaissance (GERD) ni mradi wa kitaifa wa kiwango cha kihistoria na ishara adimu ya umoja katika nchi inayokumbwa na migogoro ya ndani inayoendelea. Hata hivyo mradi huo umeibua mvutano wa kidiplomasia na majirani wa mto Nile walioko chini ya mkondo hasa Misri na Sudan.

  RAIS wa Urusi Vladimir Putin Jumatatu ametunukiwa Tuzo ya ujasiri kwa Jenerali wa Jeshi Valery Gerasimov, mkuu wa wafanyakazi wakuu wa vikosi vya jeshi la Urusi na kamanda mkuu wa vita vya Urusi nchini Ukraine. Gerasimov, mmoja wa watu wenye nguvu zaidi katika jeshi la Urusi na ambaye Mahakama ya kimataifa ya uhalifu ilitoa waranti dhidi yake ya kukamatwa kwa madai ya uhalifu nchini Ukraine, anatajwa kuwa msanifu mkuu wa mkakati wa kisasa wa vita vya Urusi. Alitimiza umri wa miaka 70 Jumatatu. Gerasimov alipewa Tuzo ya ujasiri na mapambo ya kifahari ya serikali, "kwa ujasiri, ushujaa, na jitolea katika kutimiza wajibu wa kijeshi," kulingana na amri iliyochapishwa kwenye tovuti rasmi ya sheria ya Urusi mwishoni mwa Jumatatu. Gerasimov anadhaniwa kushikilia mojawapo ya mikoba mitatu ya nyuklia inayoweza kutuma maagizo ya shambulio la nyuklia. Alitekeleza jukumu muhimu katika wakati Urusi ilipoitwaa Crimea kutoka kwa Ukraine mnamo 2014 na katika uungaji mkono wa kijeshi wa Uru...

WAZIRI Mkuu wa Norway Jonas Gahr Store atasalia madarakani kwa muhula mwingine wa miaka minne, baada ya chama chake cha Labour kuibuka mshindi katika uchaguzi wa Bunge uliofanyika siku ya Jumatatu. Chama cha Labour kimeongoza kwa kupata asilimia 28 ya kura, na kwa kushirikiana na vyama vingine vinne vya mrengo wa kushoto, kimefanikiwa kupata wingi wa kutosha wa viti bungeni kuunda serikali ya muungano. Katika hotuba yake baada ya kutangazwa kwa matokeo, Store amesema ushindi huo ni uthibitisho wa imani ya wananchi kwa sera za kijamii na kiuchumi ambazo serikali yake imekuwa ikitekeleza. #norway #LabourParty #gahrstore #winner

  RAIS wa Ufaransa Emmanuel Macron leo atakubali kujiuzulu kwa waziri mkuu Francois Bayrou baada ya serikali yake kukataliwa katika kura ya imani.  Macron yuko mbioni kutafuta waziri mkuu wa saba kujaza pengo lililojitokeza kuepusha mgogoro mpya wa kisiasa Ufaransa baada ya hapo jana Bayrou kupoteza kura ya imani aliyoiitisha yeye mwenyewe.  Matokeo ya kura iliyopigwa jana katika bunge la kitaifa, yanaonesha wabunge 364 walipiga kura kusema hawana imani na serikali huku 194 pekee wakisema wana imani nayo.  Macron atakutana na Bayrou leo Jumanne "kukubali kujiuzulu kwa serikali yake. Credit :DW. 

*Ni kiunganishi cha wafanyabiashara wa Rwanda, Burundi na Uganda* Na Mwandishi Wetu, Muleba.  UJENZI wa barabara ya lami ya Katembe -Mwaloni inayounganisha Barabara kuu ya kutoka nchi za Uganda, Rwanda na Burundi katika wilaya ya Muleba  Mkoani Kagera  uliogharimu zaidi ya shilingi Milioni 400 umeleta ahueni kwa wakazi wa eneo hilo pamoja na wafanyabiashara wa samaki kutoka katika visiwa vilivyopo ndani ya ziwa Victoria kwenda ndani na nje ya Nchi. Kiongozi wa mbio za Mwenge  wa uhuru Kitaifa Ndugu Ismail  Ussi ameridhisha na viwango vya mradi huo na kuwapongeza TARURA kwa utekelezaji wa mradi wenye viwango ambao unaendeleaa kuwasaidia wananchi . Alisema kuwa Ili wanachi wapate huduma bora na nguvu ya kuzalisha wanahitaji Barabara nzuri zenye viwango na kupitia umma wa wananchi ameshukuru usimamizi wa mradi huo na namna Halmashauri ya Muleba ulivyotoa mapato ya ndani kujenga Barabara imara inayoweza  kuchochea uchumi na kuvutia wawekezaji na wafanyabiashara...

Na Mwandishi Wetu, Zanzibar.  WAZIRI wa Habari, Vijana, Utamaduni na Michezo Mh: Tabia Maulid Mwita, amenunua Tiketi 100, kwa ajili ya Mashabiki, Kushuhudia Mchezo Kati ya Timu ya Taifa ya Tanzania dhidi ya Niger. #tabiamwita #r.hmwinyi #wizara_ya_habari_zanzibarz #Tanzania #Niger

Na Mwandishi Wetu, Kilimanjaro.  MAMLAKA ya Mapato Tanzania (TRA) mkoa wa Kilimanjaro imealikwa kutoa elimu ya kodi kwa Wanachama wa ELCT SACCOS katika kikao cha mwaka cha taasisi hiyo.  Mafunzo hayo yamefanyika jana tarehe 06.09.2025 katika Kanisa  la KKKT ushirika wa Majengo , katika manispaa ya Moshi, Mwika na Hai  mkoani Kilimanjaro ambapo mada  zilizowasilishwa ni pamoja na Usajili wa biashara mtandaoni, Dawati maalumu la uwezeshaji biashara na uwasilishaji wa ritani za kodi na ulipaji wa kodi kwa hiari. Akiwasilisha mada, Afisa Msimamizi wa Kodi Mwandamizi, Bw. Odupoi Papaa amewasisitiza wanachama kuwasilisha ritani za kodi na kufanya ya kodi kwa wakati pamoja na kutoa na kudai risiti za kielektroniki.

MAKAMU Mwenyekiti ACT Wazalendo   Bara, Ndugu Isihaka Mchinjita   amekamatwa na Polisi muda huu akiwa Lindi baada ya uzinduzi wa kampeni. Ukamatwaji wake ulihusisha na upigwaji wa mabomu ya machozi ili kusambaratisha watu.

Na Mwandishi Wetu, Zanzibar.  RAIS wa Zanzibar na Mwenyekiti wa Baraza la Mapinduzi, Alhaj Dk. Hussein Ali Mwinyi, amejumuika na waumini wa Kiislamu katika Maulid Makuu ya Kitaifa ya Kuzaliwa kwa Mtume Muhammad (S.A.W) yaliyofanyika Mnazi Mmoja. Maadhimisho hayo yametimiza miaka 99 tangu kuanzishwa mwaka 1926, yakihusisha wananchi na waumini kutoka sehemu mbalimbali za Zanzibar. Hafla hiyo pia imehudhuriwa na viongozi mbalimbali wa Serikali, akiwemo Mama Mariam Mwinyi, pamoja na viongozi wa dini.

  RAIS wa Zanzibar, Dkt. Hussein Ali Mwinyi, amezindua soko la kisasa la wafanyabiashara Chuini, lililopo Wilaya ya Magharibi A. Soko hilo limejengwa kwa gharama ya shilingi bilioni 43 na lina uwezo wa kutoa ajira kwa wananchi 4000 na kuchangia ukuaji wa uchumi wa eneo hilo. Akizungumza wakati wa hafla fupi ya ufunguzi wa soko hilo, Rais Mwinyi amesema malengo makuu ya serikali ni kuhakikisha wafanyabiashara wanapata mazingira mazuri ya kufanya biashara, huku wakichangia maendeleo ya kiuchumi na kutengeneza fursa za ajira kwa jamii.  Ameahidi kuwa serikali itaendelea kuwekeza katika miradi inayoongeza tija na ustawi wa wananchi.

*Majiko banifu 8,424 kusambazwa na kuuzwa kwa bei ya ruzuku mkoani Kigoma *Wilaya Sita kunufaika na mradi.  *Kila Wilaya kupata majiko 1,404.  Na Mwandishi Wetu, Kigoma.  WAKAZI wa Kigoma waaswa kuunga mkono jitihada za Serikali katika utunzaji wa mazingira kwa kutumia nishati safi na salama ya kupikia Wito huo umetolewa leo Septemba 04, 2025 na Mkuu wa Mkoa wa Kigoma Mhe. Simon Nyakoro Sirro wakati akipokea mradi wa uuzaji na usambazaji wa majiko banifu unaosimamiwa na kuratibiwa  na Wakala wa Nishati Vijijini (REA) . "Kinachofanyika leo ni kuunga mkono jitihada za Mhe. Rais Dkt. Samia Suluhu Hassan za matumizi ya nishati safi na salama katika kutunza mazingira na kuboresha Afya za wananchi" amesema Mkuu wa mkoa Mhe. Sirro, alipokuwa akipokea mradi huo. Akiwasilisha taarifa ya mradi kwa mkuu wa mkoa, Mhandisi wa Miradi kutoka wakala wa Nishati Vijijini (REA), Raya Majallah amesema, “Mradi huu unalenga kusambaza majiko banifu ili kukuza upatikanaji wa Nishati safi na...

Sekta ya uvuvi nayo yaguswa.  Na Mwandishi Wetu, Mwanza.  UJENZI wa Barabara ya Buhongwa-Igoma yenye urefu wa Km 14 kwa kiwango cha lami inayojengwa katika Halmashauri ya Jiji la Mwanza inatajwa kuwa ndio mwarobaini wa changamoto ya msongamano wa magari jijini humo.  Hayo yamesemwa na Mkurugenzi wa Jiji la Mwanza Wakili Kiomoni Kibamba wakati akielezea hali ya utekelezaji wa miradi mbalimbali inayotekelezwa katika Jiji la Mwanza kupitia Mradi wa Uendelezaji Miji na Majiji Tanzania (TACTIC)  na manufaa yake kwa wananchi. Amesema barabara hiyo inayounganisha Kata nne ambazo ni Buhongwa, Lwanhima, Kishiri na Igoma ilikuwa na changamoto kubwa hali iliyopelekea magari yote yaliyokuwa yakitoka Buhongwa kwenda Igoma au Igoma kwenda Buhongwa kulazimika kuingia katikati ya jiji hivyo kuongeza msongamano wa magari.  Wakili Kibamba ameongeza kuwa  ujenzi wa barabara hiyo utasaidia kupunguza msongamano huo kwa kiasi kikubwa kwani magari yote yaliyokuwa yanatoka maeneo ...

HELKOPTA yenye watu wanane imepotea kwenye kisiwa cha Borneo, Indonesia, na juhudi za uokoaji zimeanza, kwa mujibu wa maafisa wa uokoaji. Kiongozi wa shirika la uokoaji Banjarmasin, I Putu Sudayana, amesema helikopta hiyo ilikuwa na marubani wawili na abiria sita, na wanatarajia kuwapata wote wakiwa salama ndani ya siku saba za utafutaji. #indonesia #borneo #banjarmasin #indonesiahelicopter

  Na Hamida Ramadhan, Dodoma CHAMA cha Mapinduzi (CCM) kimesema mafanikio ya utekelezaji wa miradi mikubwa ya kimkakati nchini ni kielelezo cha dhamira yake ya kweli katika kuwaletea wananchi maendeleo ya kweli, na kwamba kinaendelea kujipanga kuimarisha huduma muhimu za kijamii katika kila sekta. Akizungumza wakati wa uzinduzi wa kampeni za CCM katika Jiji la Dodoma, Mgombea Ubunge wa Jimbo la Mtumba, Anthony Mavunde, amesema pamoja na mafanikio ya miradi kama ujenzi wa reli ya kisasa (SGR), usambazaji wa umeme vijijini kupitia REA, na barabara kuu za lami, CCM ina mpango kabambe wa kuwekeza zaidi katika elimu, maji, miundombinu ya afya na kukuza vipaji vya vijana. “Huduma bora kwa wananchi ndiyo msingi wa maendeleo ya kweli. Tutaendelea kupeleka umeme kwenye vijiji vilivyobaki, kuboresha miundombinu ya shule na zahanati, na kuhakikisha kila kijiji kinapata maji safi na salama,” amesema Mavunde. Ameeleza kuwa serikali kupitia CCM inaendelea kutekeleza programu maalum za kuibua na ...