Habari Kamili

Na mwandishi wetu, Tabora. Jeshi la Polisi mkoani Tabora linawashikilia watu watano kwa tuhuma za kuhusika na wizi wa shilingi milioni 40 kutoka kwa mfanyabiashara Fatuma Nasoro, mkazi wa Wilaya ya Kaliua, katika tukio lililotikisa wakazi wa eneo hilo. Kwa mujibu wa taarifa za awali, watuhumiwa hao walinaswa kufuatia msako maalum ulioendeshwa kwa nyakati tofauti ndani ya mkoa huo, baada ya kubainika kuwa walikuwa wakijihusisha na vitendo vya utapeli huku wakiendelea na maisha yao ya kawaida bila wasiwasi wowote. Akizungumzia tukio hilo, Mkuu wa Mkoa wa Tabora, Paul Matiko Chacha, amesema miongoni mwa waliokamatwa, wawili wanaotambulika kwa majina ya Marseli Gwasima na Fred Ricardo walitumia mbinu za udanganyifu kwa kujifanya wahudumu wa kampuni ya mawasiliano ya YAS (zamani Tigo). Ameeleza kuwa kwa kutumia ujanja huo, watuhumiwa walimshawishi mfanyabiashara huyo, anayejihusisha na biashara ya khanga na vitenge wilayani Kaliua, kuwasajili laini yake, hatua iliyowapa mwanya wa kuhamisha ...

Na Mwandishi Wetu, Iwambi-Mbeya.  WAKALA wa Nishati Vijijini (REA) imeendelea kutoa elimu ya matumizi ya nishati safi kwa wananchi katika Tamasha la Kilimo linalofanyika katika viwanja vya Iwambi, mkoani Mbeya. Akizungumza wakati wa tamasha hilo, Mhandisi wa Miradi kutoka REA, Ramadhani Mganga, amesema kuwa lengo la ushiriki wao ni kuwahamasisha wananchi kutumia nishati safi na salama kwa kupikia ili kulinda afya zao na mazingira. Ameeleza kuwa REA inaendelea kusambaza na kuhamasisha matumizi ya teknolojia mbalimbali za nishati safi ikiwemo majiko ya umeme, majiko ya gesi pamoja na majiko banifu, ambayo yanasaidia kupunguza matumizi ya kuni na mkaa. “Ni muhimu kwa wananchi kuelewa faida za nishati safi, si tu katika kulinda mazingira bali pia katika kuboresha afya kwa kupunguza athari za moshi unaotokana na nishati zisizo salama,” amesema Mganga. Aidha, amebainisha kuwa kupitia miradi mbalimbali inayoendelea, upatikanaji wa umeme vijijini umeimarika kwa kiwango kikubwa, hatua inayo...

Na Jasmine Shamwepu Dodoma  WANAFUNZI wa vyuo vikuu na vyuo vya kati nchini wametakiwa kujitoa kwa ajili ya kutumikia jamii kwa kujifunza sheria na kutoa msaada wa sheria kwa wananchi ili kukabiliana dhidi ya dhulma, uonevu, ukatili wa kijinsia, na migogoro ya ardhi inayoongezeka kila kukicha. Akizungumza katika Mdahalo  maalum lililofanyika katika Ukumbi wa Chimwaga uliopo katika Chuo Kikuu cha Dodoma, Mkurugenzi wa Huduma  za msaada wa Sheria  Ester Msambazi  kutoka Wizara ya Katiba na Sheria, amesema watu wengi wanapoteza haki zao nchini kwa kutojua sheria.  Msambazi amesema lengo la Mdahalo huo ni kuwajengea uwezo wanachuo hao kuelewa masula ya kisheria na kutambua haki zao pamoja na kufahamu wapi pa kupata huduma za msaada wa kisheria wanakupambana na changamoto." "Wizara ya katiba na sheria una Jukumu la kratibu na kusimamia upatikanaji wa haki nchini hivyo inaendelea kutumia mbinu mbalimbali ikiwemo Tehama ili kuhakikisha HUDUMA hizo zinawafikia wana...

Wahamasisha Nishati Safi ya Kupikia.  Na Mwandishi Wetu, Iwambi- Mbeya.  WAKALA wa Nishati Vijijini (REA) unashiriki katika tamasha la kilimo linalofanyika katika  viwanja vya Iwambi jijini Mbeya kuanzia tarehe 25 mpaka 29 Aprili 2026, ambapo zaidi ya watu 100,000 wakiwemo vijana kutoka mikoa mbalimbali ya kanda ya nyanda za juu kusini wanatarajiwa kushiriki. Wakala unatumia jukwaa hilo kuelimisha na kuhamasisha matumizi ya nishati safi ya kupikia kwa wananchi pamoja na kueleza hali ya upatikanaji wa huduma ya umeme katika maeneo ya vijijini. Kupitia banda lake, REA imeonesha bidhaa mbalimbali za nishati safi ya kupikia, ambapo bidhaa kuu zinazohamasishwa ni pamoja na matumizi ya majiko ya umeme, majiko ya gesi pamoja na majiko banifu. Teknolojia hizo zimebainishwa kuwa suluhisho muhimu katika kupunguza matumizi ya nishati chafu kama kuni na mkaa, kulinda mazingira na kuboresha afya za watumiaji. Akifungua rasmi maonesho hayo, Kaimu mkuu wa wilaya ya Mbeya ambae pia ni Mk...

  Yalenga kuchangia trilioni 1.4/- za maduhuli, Makusanyo yafikia Trilioni 1 na Milioni 156, Jumla ya tani 23.8 za dhahabu zakusaywa ndani ya miezi 18, Ni Juhudi za Rais.Dkt.Samia Suluhu Hassan.  Na Hamida Ramadhan, Dodoma.  Bunge la Jamhuru ya Muungano wa Tanzania, limeridhia na kupitisha bajeti ya Wizara ya Madini ya shilingi bilioni 174.9 kwa Mwaka wa Fedha 2026/2027 ili kuiwezesha Wizara ya Madini kufanikisha ukusanyaji wa maduhuli ya shilingi trilioni 1.4. Akiwasilisha Bungeni makadirio ya Mapato na Matumizi leo Aprili 27, 2026, Waziri wa Madini, Mhe. Anthony Mavunde amesema fedha hizo zitawezesha kufanikisha utekelezaji wa majukumu ya Wizara pamoja na taasisi zilizo chini yake, huku zikilenga kuendeleza kasi ya ukuaji wa sekta ya madini kwa kufanya tafiti za jiosayansi nchini. Akifafanua mgawanyo wa Bajeti hiyo, Waziri Mavunde amesema kiasi cha  shilingi bilioni 71.5 sawa na asilimia 40.9 zimetengwa kwa ajili ya miradi ya maendeleo, wakati shilingi bilioni 103....

  Na Hamida Ramadhan, Dodoma KAMATI ya Kudumu ya Bunge ya Nishati na Madini imeitaka Serikali kuongeza ufanisi katika utekelezaji wa miradi yote ya sekta ya madini ili kuhakikisha inaleta manufaa ya moja kwa moja kwa wananchi na kuimarisha mchango wake katika uchumi wa taifa. Akiwasilisha maoni ya Kamati hiyo bungeni Aprili 27, 2026, Makamu Mwenyekiti wa Kamati, Simon Lusengekile, alisema Serikali inapaswa kuhakikisha miradi ya maendeleo inapatiwa rasilimali za kutosha pamoja na usimamizi madhubuti ili ikamilike kwa wakati na kwa viwango vinavyotakiwa. Alibainisha kuwa usimamizi imara wa miradi hiyo utaongeza tija katika sekta ya madini na kuboresha huduma kwa wananchi kupitia miradi ya kimkakati inayolenga kuongeza thamani ya rasilimali za madini. Kamati imeishauri Wizara kuhakikisha miradi yote inatekelezwa kwa kuzingatia mipango ya taifa, viwango vya ubora na muda uliopangwa ili kuepuka ucheleweshaji na kupunguza changamoto za utekelezaji. Aidha, imeitaka Serikali kuimarisha usi...

  Na Hamida Ramadhan, DODOMA WIZARA ya Madini imeweka bayana mkakati wa vipaumbele nane kwa mwaka wa fedha 2026/2027, hatua inayolenga kuifanya sekta hiyo kuwa chachu ya ukuaji wa uchumi, kuongeza ajira na kuhakikisha rasilimali zinasimamiwa kwa ufanisi zaidi. Akiwasilisha mpango wa bajeti bungeni, Waziri wa Madini, Anthony Mavunde, alisema serikali imejipanga kuimarisha utafiti wa madini ili kubaini maeneo mapya yenye utajiri na kuongeza upatikanaji wa takwimu sahihi zitakazovutia wawekezaji zaidi. Alieleza kuwa mkazo pia utawekwa kwenye uongezaji thamani wa madini kwa kuyachakata ndani ya nchi, jambo litakaloongeza mapato ya taifa, kufungua ajira mpya na kuinua thamani ya mauzo ya nje. Katika kuhakikisha Watanzania wananufaika zaidi, wizara inalenga kuongeza ushiriki wao katika mnyororo mzima wa thamani wa madini, hususan kwa kuwawezesha wachimbaji wadogo na wa kati kupitia mafunzo na uwezeshaji wa kitaalamu. Aidha, serikali itaendelea kuwaendeleza wachimbaji wadogo kwa kuwapatia...

  Na Hamida Ramadhan, Dodoma WIZARA ya Madini imewasilisha ombi bungeni la kuidhinishiwa jumla ya shilingi bilioni 174.98 kwa ajili ya mwaka wa fedha 2026/2027, fedha zitakazotumika kutekeleza majukumu mbalimbali ya sekta hiyo. Akiwasilisha makadirio hayo Aprili 27, 2026, Waziri wa Madini, Anthony Mavunde, alieleza kuwa sehemu ya fedha hizo, takribani shilingi bilioni 71.51 sawa na asilimia 40.87, imepangwa kuelekezwa kwenye miradi ya maendeleo. Kwa upande mwingine, kiasi cha shilingi bilioni 103.47, sawa na asilimia 59.13 ya bajeti yote, kimetengwa kwa matumizi ya kawaida ya wizara pamoja na taasisi zilizo chini yake. Ndani ya fungu hilo, shilingi bilioni 27.36 zitatumika kulipa mishahara ya watumishi, huku shilingi bilioni 76.11 zikigharamia shughuli nyingine za kiutendaji. Waziri Mavunde alisisitiza kuwa utekelezaji wa bajeti hiyo utachangia kuimarika kwa ukusanyaji wa mapato ya serikali, yakilenga kufikia shilingi trilioni 1.4, sambamba na kuboresha usimamizi na uendelezaji wa ...

Na Hassan Ali Ghazaly, Misiri.  KILA mwaka  25 Aprili, Misri huadhimisha kumbukumbu ya uhuru wa Sinai, baada ya uondoaji wa majeshi ya Israel kutoka eneo hilo mwaka 1982. Siku hii huenzi tukio muhimu katika historia ya kisasa ya taifa la Misri. Pia inaakisi mafanikio ya juhudi za kisiasa katika kurejesha ardhi. Uhuru wa Sinai ulitokana na mazungumzo na makubaliano ya kimataifa, pamoja na mchango wa jeshi la Misri katika Vita vya Oktoba 1973. Pia, Serikali inaendelea kuadhimisha kumbukumbu hii kila mwaka kupitia shughuli rasmi na kuelimisha vizazi vipya. #NasserForum #nasseryouthmovement   #NLF #hassanghazaly #NasserNet #habarikamilitv #uzalendokwanza

Na Mwandishi Wetu, Sikonge-Tabora.  UPUNGUFU wa madawati katika shule za msingi Wilayani Sikonge umechukua sura mpya baada ya Mkuu wa Wilaya hiyo, Mheshimiwa Thomas Myinga, kutoa agizo kali kwa viongozi wa vijiji na kata kuhakikisha wanatumia rasilimali zilizopo kumaliza changamoto hiyo kwa haraka. Akizungumza katika kikao kazi kilichowakutanisha viongozi wa serikali za vijiji, kata pamoja na walimu, kilichofanyika katika ukumbi wa Halmashauri ya Wilaya ya Sikonge, Mheshimiwa Myinga alisisitiza kuwa hakuna sababu ya wanafunzi kuendelea kukaa chini ilhali maeneo yao yana rasilimali za kutosha, ikiwemo misitu inayoweza kutumika kutengeneza madawati. Alielekeza viongozi hao kupanga na kutekeleza bajeti zao kwa kuzingatia kipaumbele cha elimu, akibainisha kuwa ushirikiano kati ya serikali, wananchi na wadau wa maendeleo ni muhimu katika kuhakikisha wanafunzi wanapata mazingira bora ya kujifunzia. Kwa upande wake, Kaimu Mkurugenzi Mtendaji wa Halmashauri ya Wilaya ya Sikonge, Seif Salum...