SERIKALI YAWEKA MKAZO SEKTA YA MADINI KUPITIA VIPAUMBELE NANE 2026/2027

 


Na Hamida Ramadhan,

DODOMA

WIZARA ya Madini imeweka bayana mkakati wa vipaumbele nane kwa mwaka wa fedha 2026/2027, hatua inayolenga kuifanya sekta hiyo kuwa chachu ya ukuaji wa uchumi, kuongeza ajira na kuhakikisha rasilimali zinasimamiwa kwa ufanisi zaidi.

Akiwasilisha mpango wa bajeti bungeni, Waziri wa Madini, Anthony Mavunde, alisema serikali imejipanga kuimarisha utafiti wa madini ili kubaini maeneo mapya yenye utajiri na kuongeza upatikanaji wa takwimu sahihi zitakazovutia wawekezaji zaidi.

Alieleza kuwa mkazo pia utawekwa kwenye uongezaji thamani wa madini kwa kuyachakata ndani ya nchi, jambo litakaloongeza mapato ya taifa, kufungua ajira mpya na kuinua thamani ya mauzo ya nje.

Katika kuhakikisha Watanzania wananufaika zaidi, wizara inalenga kuongeza ushiriki wao katika mnyororo mzima wa thamani wa madini, hususan kwa kuwawezesha wachimbaji wadogo na wa kati kupitia mafunzo na uwezeshaji wa kitaalamu.

Aidha, serikali itaendelea kuwaendeleza wachimbaji wadogo kwa kuwapatia maeneo rasmi ya uchimbaji, mitaji pamoja na teknolojia za kisasa ili kuongeza uzalishaji na kupunguza shughuli zisizo rasmi.

Kwa upande wa mapato, Waziri Mavunde alisisitiza kuwa juhudi zitaongezwa kudhibiti utoroshaji wa madini na kuhakikisha kodi na tozo zote zinalipwa ipasavyo, hatua itakayoongeza mapato ya serikali.

Sambamba na hilo, masoko ya madini yataimarishwa ili kuweka mazingira ya biashara yenye uwazi na ushindani wa haki, huku jitihada zaidi zikifanywa kuvutia uwekezaji kwa kuboresha sera na kurahisisha taratibu za utoaji wa leseni.

Katika kulinda mazingira na maisha ya wachimbaji, wizara pia imepanga kuimarisha usimamizi wa usalama migodini na kuhakikisha sheria na kanuni za mazingira zinafuatwa kikamilifu.

Mpango huo unaonesha dhamira ya serikali ya kuiimarisha sekta ya madini ili iwe mhimili muhimu wa maendeleo ya uchumi wa taifa.


Maoni

Chapisha Maoni

Machapisho maarufu kutoka blogu hii

MWENYEKITI NAMALULU AWEKWA PEMBENI KUPISHA UCHUNGUZI

Picha
  Na Mwandishi wetu, Simanjiro MWENYEKITI wa kijiji cha Namalulu Wilayani Simanjiro, Mkoani Manyara, Marumai Kirikai amepumzishwa kazi kwa muda wa siku 28 ili kupisha uchunguzi wa matumizi mabaya ya madaraka katika kijiji hicho. Mkuu wa Wilaya ya Simanjiro, Fakii Raphael Lulandala ameunda kamati ya watu saba itakayofanya uchunguzi kwa muda wa siku 24 na baada ya siku 28 endapo  Mwenyekiti huyo atabainika hausiki na tuhuma hizo atarejea kwenye nafasi yake. Lulandala ameyasema hayo wakati akizungumza na wakazi wa kijiji cha Namalulu, baada ya kusikiliza kero, malalamiko na changamoto zao. Ameeleza kwamba hamsimamishi kazi Mwenyekiti huyo ila anapisha uchunguzi kwa muda wa siku 28 na endapo hatakuwa na makosa atarejea tena kwenye nafasi hiyo. "Hausimamishwi kaz ila unakaa pembeni kwa muda wa siku 28 ili kupisha uchunguzi na ofisa mtendaji wa kijiji cha Namalulu Sarafina Olotu ataongoza kijiji kwa kipindi hiki," amesema DC Lulandala. DC Lulandala amewataja wajumbe saba wa kamati ...
Read more »

IGUNGA YAIBUKA MSHINDI WA KWANZA NANENANE TABORA.

Picha
Na Mwandishi Wetu, Tabora.  HALMASHAURI ya Wilaya ya Igunga imeibuka mshindi wa kwanza katika kundi la Mamlaka za Serikali za Mitaa (Tabora na Kigoma) wakati wa Maonesho ya Nanenane mwaka 2025 ngazi ya kanda yaliyofanyika Uwanja wa Maonesho Ipuli - Tabora. Aidha, imeshika nafasi ya pili katika kundi la washindi wa jumla wa mikoa ya Tabora na Kigoma wakati wa Maonesho hayo. Akizungumza baada ya Halfa hiyo, Katibu Tawala wa Wilaya hiyo, Ndug. Elizabeth Rwegasira amempongeza Mkurugenzi wa Halmashauri hiyo, Selwa Hamid kwa ushirikiano mzuri na Mkuu wa Idara ya Kilimo, Mifugo na Uvuvi, Grace Nyamwanji kwa kufanikisha ushindi huo. Kwa upande wa Mkuu wa Idara ya Kilimo, Mifugo na Uvuvi wa Halamshauri hiyo, Grace Nyamwanji amewashukuru na kuwapongeza, Wakuu wa Idara na Vitengo, Watumishi na  Wadau wote waliyoshiriki maonesho hayo kwa sababu wao ndio chachu ya ushindi huo.
Read more »