Habari Kamili

MWANAMKE mmoja amekamatwa nchini Marekani kwa tuhuma za kujifanya muuguzi aliyesajiliwa. Uchunguzi wa polisi ulianzishwa baada ya wakuu wa hospitali kukatisha kandarasi ya Autumn Bardisa kutokana na wasiwasi kuhusu sifa zake za kikazi. Wachunguzi waligundua kuwa mwanamke huyo mwenye umri wa miaka 29 alikuwa ametoa huduma za matibabu kwa wagonjwa 4,486 kati ya Juni 2024 na Januari 2025. "Hii ni moja ya kesi za kutatanisha zaidi za udanganyifu wa kimatibabu ambazo tumewahi kuchunguza," Mkuu wa Kaunti ya Flagler Rick Staly alisema. Bardisa aliajiriwa na AdventHealth Palm Coast Parkway huko Palm Coast kuanzia Julai 2023 hadi Januari 2025. Anadaiwa kuwasilisha hati za uwongo na kutoa nambari ya leseni ya muuguzi aliye na jina moja la kwanza ambaye aliajiriwa na AdventHealth katika hospitali tofauti. Ofisi ya Kaunti ilisema alielezea tofauti hiyo kwa kudai kwamba alikuwa ameolewa hivi majuzi na amebadilisha jina lake la ukoo. Aliombwa kutoa leseni yake ya ndoa lakini hakufanya hivy...

RAIS Donald Trump wa Marekani amedokeza kuwa atakutana na na rais wa Urusi Vladimir Putin ana kwa ana hivi karibuni ili kujadili usitishwaji wa vita vinavyoendelea nchini Ukraine. Trump amesema mkutano wake na Putin ni matokeo ya mazungumzo yenye tija kubwa yaliyofanyika mjini Moscow kati ya mjumbe wake maalum Steve Witkoff na Rais Putin. Urusi tayari imethibitisha kuhusu mkutano huo huku Rais wa Ukraine Volodymyr Zelensky nae akitoa wito wa kukutana ana kwa ana na Putin ili kuzungumza namna ya kuvimaliza vita hivyo vilivyodumu kwa zaidi ya miaka mitatu.  #USA #Trump #Russia 

KUMBUKUMBU KATIKA MICHEZO..  ZANZIBAR :- Kabla ya kuanza ujenzi wa viwanja vya michezo na maeneo rasmi ya mazoezi, Mgombea Urais wa CCM Zanzibar mwaka 2020, Dkt. Hussein Ali Mwinyi, alikutana na wanamichezo katika maeneo mbalimbali ya Unguja na Pemba kwa lengo la kusikiliza changamoto sugu walizokuwa wakikabiliana nazo na kufahamu mazingira halisi ya michezo Zanzibar. Kipindi cha kampeni za Urais za mwaka 2020, Dkt. Hussein Ali Mwinyi hakutilia mkazo hotuba ndefu majukwaani, bali aliamua kushuka mitaani, kukutana na wanamichezo, makocha na mashabiki. Aliahidi si tu kuboresha mazingira ya michezo, bali pia kuwezesha ndoto za wanamichezo wa Zanzibar kutimia. Picha hii ni ushahidi wa Uongozi Unaoacha Alama. Kwa bashasha na ukaribu, Dkt. Hussein Ali Mwinyi alikutana na wadau mbalimbali wa michezo, akashiriki nao mchezo wa mpira wa mikono, na hatimaye kuwaahidi kuwa siku za matumaini kwa maendeleo ya sekta ya michezo Zanzibar zinakuja.

 

#HabarikamiliTvupdate #SMZ 

ALIYEWAHI kuwa Spika wa Bunge la Tanzania na Mbunge wa Kongwa, Job Yustino Ndugai amefariki Dunia leo August 06,2025 akiwa anaendelea kupatiwa matibabu Hospitalini baada ya kuugua ghafla. Ndugai amekuwa Spika wa Bunge tangu November 17,  2015 hadi Januari 06, 2022 alipojiuzulu na kuendelea kuwa Mbunge wa Kongwa  nafasi ambayo ameendelea kuitetea kwa kuchukua fomu tena mwaka huu ambapo ameshinda kwenye kura za maoni. Ndugai ambaye amezaliwa January 22,1960 alishinda kura za maoni za Ubunge wa Jimbo la Kongwa kwa kupata kura 5690.

  Na. Mwandishi Wetu- Sumbawanga ALIYEKUWA Mbunge wa Kwela mkoani Rukwa, Mhe.Deus Sangu ambaye pia ni Naibu Waziri, Ofisi ya Rais, Menejimenti ya Utumishi wa Umma na  Utawala Bora ameongoza kura za maoni jimboni humo na kuwaacha mbali wapinzani wake wanne  katika mchakato huo. Matokeo yaliyotangazwa mapema leo  Jumanne  Agosti 6, 2025 Mhe.Sangu  amepata kura 9,957,  dhidi ya Justin Hiari aliyepata kura 2,973,  Derick Sikale kapata 507,  Walter Simsokwe kapata 112  na Yuster Bahati  kaambulia kura  102 Taarifa za matokeo hayo zinaeleza kuwa jumla ya Wajumbe 13,496 walipiga  kura   ambapo kura halali zilikuwa 13,278 na kura 218  ziliharibika.

 

IDADI YA WAPIGA KURA JIMBO LA BUKOMBE - GEITA NI 7,845.  = Wajumbe waliohudhuria 7456.  = Wajumbe wasiohudhuria 389.  Idadi ya kura zilizopigwa 7456.  = Idadi ya kura zilizoharibika 15.  = Idadi ya kura halali 7441.  ✅ KURA ZA NDIO 7441.  = KURA ZA HAPANA 00.  *WASTANI WA WAPIGA KURA WALIOJITOKEZA NI ASILIMIA 95.04.  *WASTANI WA USHINDI NI ASILIMIA 99.8. @BUKOMBE @BITEKO @CCMTAIFA

Na Mwandishi Wetu, Igunga.  MSIMAMIZI wa Uchaguzi Jimbo la Igunga na Manonga wilayani Igunga mkoani Tabora, Hamisi Hamisi amewaasa Wasimamizi Wasaidizi ngazi ya kata kuendeleza utendaji wao wa kiuadilifu, uaminifu, uzalendo, uchapakazi na uaminifu. Hamisi ametoa rai hiyo wakati wa mafunzo kwa Wasimamizi hao yaliyofanyika katika ukumbi wa Maxweli mjini Igunga. “Nyinyi mliopo hapa mmeteuliwa kwa mujibu wa sheria, hivyo mnaowajibu wa kikatiba na sheria kusimamia na kuratibu uendeshaji wa uchaguzi wa Rais, Wabunge na Madiwani katika maeneo yenu’’ amesisitiza. Aidha, amewakumbusha wamebeba dhamana kubwa, nyeti na muhimu kwa mustakabali wa Tanzania Bara, hivyo wanategemewa kuzingatia utendaji wao na kuwajibika ipasavyo kipindi chote cha utumishi wao katika Tume Huru ya Uchaguzi.

 Wajumbe wa CCM Kata ya Igunga wakiwa katika zoezi la upigaji kura ya maoni kwa nafasi ya Ubunge na Udiwani linalo endelea  katika ukumbi wa Sakao Igunga mjini .

 Katibu wa Jumuia ya Wazazi CCM Wilaya ya Igunga Bi. Aziza Kiyabo ambaye ni Msimamizi wa Uchaguzi Kura za Maoni Kata ya Igunga akitoa maelekezo kwa Wajumbe kabla ya ziezi la upigaji kura za maoni kuanza.

  WAJUMBE KUTOKA MATAWI 9 YA KATA YA IGUNGA WAKIWA TAYARI KUPIGA KURA YA MAONI KUPATA MBUNGE NA MADIWANI KWA TIKETI YA CCM JIMBO LA IGUNGA. 

Na Mwandishi Wetu, Dodoma.  WIZARA ya Fedha imeandaa Mfumo wa Kielektroniki wa utoaji Leseni za Udalali na Uendeshaji minada ya hadhara unaowezesha uombaji na upatikanaji wa Leseni kwa njia ya kielektroniki kwa kutumia simu za mkononi au kompyuta mpakato ili kuwaondolea wananchi adha na gharama ya kufuata leseni hizo jijini Dodoma. Akizungumza wakati akitoa elimu kwa wananchi waliotembelea Banda la Wizara ya Fedha kwenye Maonesho ya Nanenane Kitaifa katika Viwanja vya Nanenane, Jijini Dodoma, Msimamizi wa Mali za Serikali wizarani hapo, Bw. George Killo, alisema Mfumo huo utamuwezesha mwananchi kufanya usajili popote alipo hivyo kupata leseni yake kwa wakati. ‘‘Mwombaji wa leseni ya udalali anapaswa kujisajili kupitia Tovuti ya Wizara ya Fedha (www.mof.go.tz) na kisha kubonyeza kipengele cha GAMIS na kujisajili, kujaza taarifa zinazohitajika, kujaza fomu za maombi kikamilifu na kuwasilisha kwa Katibu Tawala wa Wilaya husika kwa ajili ya uhakiki na Saini,’’ alieleza Bw. Killo. Alise...

FT’ Madagascar 0️⃣ - 0️⃣ Mauritania

 

Na Lubango Mleka, Mwanza. MGENI rasmi Mhe. Hashimu Abdallah Komba, Mkuu wa Wilaya ya Geita akimuwakilisha Mkuu wa Mkoa wa Geita Ndg. Martin Shigela leo tarehe 03 Agosti 2025, amefungua rasmi maonesho ya Nanenane kanda ya ziwa Magharibi yanayofanyika viwanja vya Nyamhongolo Wilaya ya Ilemela ambapo amesema kila mmoja anao wajibu wa kutembelea maonesho haya ya nane nane kwa ajili ya kujifunza lakini pia kujioatia bidhaa mbalimbali.  “Kama ni mkulima utapata fursa ya kujifunza kilimo cha kisasa na Chenye tija na kama ni mvuvi pia unaweza kujifunza shughuli za uvuvi kwa teknolojia ya kisasa hivyo msiache kutembelea mabanda mbali mbali kujipatia elimu na uzoefu ” Alilisitiza muwakilishi huyo wa mgeni rasmi Mhe Komba.  Akifafanua kauli mbiu ya maonyesho ya Nanenane Mwaka huu “Chagua viongozi bora kwa maendeleo endelevu ya kilimo, mifugo na uvuvi 2025” amewataka wananchi kushiriki uchaguzi mkuu kwa amani na utulivu na kuchagua viongozi bora watakaowaletea maendeleo.

 Na Mwandishi Wetu, Dodoma.  MAMLAKA ya Rufani ya Zabuni za Umma (PPAA) inashiriki Maonesho ya NaneNane Kitaifa yanaendelea katika Viwanja vya Maonesho vya Nzuguni Jijini Dodoma kutoa elimu kuhusu ununuzi wa Umma kwa wazabuni, hususan elimu kuhusu Moduli ya kupokea na kushughulikia Malalamiko na Rufaa katika mfumo wa NeST.  Akiongea kwa niaba ya Katibu Mtendaji wa PPAA, James Sando, Kaimu Mkuu wa Kitengo cha Uhusiano na Mawasiliano kwa Umma, Nelson Kessy amesema PPAA imejipanga kutoa elimu kwa wadau wa ununuzi wa umma na wananchi kwa ujumla ili kutoa wigo mpana zaidi kwa wazabuni na wadau wa sekta hiyo.  Pamoja na mambo mengine, Kessy amewasihi wadau wa ununuzi na wananchi kwa ujumla kutembelea Banda la PPAA linalopatikana ndani ya Banda la Wizara ya Fedha katika viwanja vya Nzuguni, Dodoma. Maonesho haya kwa mwaka 2025 yamebeba kauli mbiu “Chagua Viongozi Bora kwa Maendeleo Endelevu ya Kilimo, Mifugo na Uvuvi 2025”. Maonesho ya NaneNane Kitaifa yalifunguliwa rasmi t...