WAKAZI USUNGA WAMPONGEZA RAIS SAMIA













Na Allan Kitwe, Tabora. 

WAKAZI wa Kijiji Cha Usunga, Kata ya Usunga Wilayani Sikonge Mkoani Tabora wameishukuru Serikali ya Awamu ya Sita inayoongozwa na Rais Dkt Samia Suluhu Hassan kwa kuwapelekea mradi wa maji safi na salama ya kunywa.

Wametoa pongezi hizo jana kwenye shamra shamra za kilele cha Maadhimisho ya Miaka 58 tangu kuanzishwa kwa Kijiji hicho ambacho kimekuwa mfano wa kuigwa kwa kudumisha mila, utamaduni, mshikamano na ulinzi wa jadi.

Akizungumza na wananchi kwenye shamrashamra hizo zilizopambwa na ngoma, burudani, chakula cha asili na vinywaji, Mwenyekiti wa Serikali ya Kijiji hicho James Mgulu ameishukuru serikali kwa kumaliza kero ya maji katika Kata hiyo.

Amefafanua kuwa tangu kuanzishwa kwake wakazi wa Kijiji hicho wameendeelea kunufaika na mambo mengi mazuri yanayofanywa na serikali yao ya Chama Cha Mapinduzi (CCM) ikiwemo kudumisha umoja, amani na mshikamano.  

Akielezea kiini cha sherehe hiyo, Diwani wa Kata hiyo Jackson Mbasha amesema kuwa utaratibu huo ulianzishwa na wazee waasisi, lengo likiwa kudumisha mila, tamaduni, umoja na mshikamano wao, ulinzi shirikishi na kuenzi mazuri yanayofanywa na serikali.

Amepongeza kazi nzuri iliyofanywa na Rais Samia na watangulizi wake kwa kuhakikisha Kata hiyo yenye vijiji 4 vya Usunga, Urafiki, Isanjandugu na Mwanamkata na vitongoji 16 inapata huduma bora ikiwemo maji safi na umeme.

‘Tunaishukuru sana serikali kwa kuboresha huduma za kijamii katika Kata yetu, wananchi sasa wanapata huduma bora za afya, maji, umeme na miundombinu ya elimu katika shule zote imeendelea kuboreshwa, tunamshukuru sana,’ ameeleza.

Akifunga sherehe hizo Mwenyekiti wa CCM Wilaya ya Sikonge Anna Chambala amepongeza Serikali ya Awamu ya Sita chini ya Uongozi wa Rais Samia kwa kupeleka mamilioni ya fedha za miradi ya maendeleo katika Kata hiyo.

Amewataka kulinda miundombinu ya miradi yote inayotekelezwa na serikali ili iwanufaishe wao na vizazi vyao na kuendelea kudumisha amani, upendo, umoja na mshikamano wao ili kuenzi maono mazuri ya wazee wao na kudumisha ulinzi wa jadi








Maoni

Chapisha Maoni

Machapisho maarufu kutoka blogu hii

MWENYEKITI NAMALULU AWEKWA PEMBENI KUPISHA UCHUNGUZI

Picha
  Na Mwandishi wetu, Simanjiro MWENYEKITI wa kijiji cha Namalulu Wilayani Simanjiro, Mkoani Manyara, Marumai Kirikai amepumzishwa kazi kwa muda wa siku 28 ili kupisha uchunguzi wa matumizi mabaya ya madaraka katika kijiji hicho. Mkuu wa Wilaya ya Simanjiro, Fakii Raphael Lulandala ameunda kamati ya watu saba itakayofanya uchunguzi kwa muda wa siku 24 na baada ya siku 28 endapo  Mwenyekiti huyo atabainika hausiki na tuhuma hizo atarejea kwenye nafasi yake. Lulandala ameyasema hayo wakati akizungumza na wakazi wa kijiji cha Namalulu, baada ya kusikiliza kero, malalamiko na changamoto zao. Ameeleza kwamba hamsimamishi kazi Mwenyekiti huyo ila anapisha uchunguzi kwa muda wa siku 28 na endapo hatakuwa na makosa atarejea tena kwenye nafasi hiyo. "Hausimamishwi kaz ila unakaa pembeni kwa muda wa siku 28 ili kupisha uchunguzi na ofisa mtendaji wa kijiji cha Namalulu Sarafina Olotu ataongoza kijiji kwa kipindi hiki," amesema DC Lulandala. DC Lulandala amewataja wajumbe saba wa kamati ...
Read more »

IGUNGA YAIBUKA MSHINDI WA KWANZA NANENANE TABORA.

Picha
Na Mwandishi Wetu, Tabora.  HALMASHAURI ya Wilaya ya Igunga imeibuka mshindi wa kwanza katika kundi la Mamlaka za Serikali za Mitaa (Tabora na Kigoma) wakati wa Maonesho ya Nanenane mwaka 2025 ngazi ya kanda yaliyofanyika Uwanja wa Maonesho Ipuli - Tabora. Aidha, imeshika nafasi ya pili katika kundi la washindi wa jumla wa mikoa ya Tabora na Kigoma wakati wa Maonesho hayo. Akizungumza baada ya Halfa hiyo, Katibu Tawala wa Wilaya hiyo, Ndug. Elizabeth Rwegasira amempongeza Mkurugenzi wa Halmashauri hiyo, Selwa Hamid kwa ushirikiano mzuri na Mkuu wa Idara ya Kilimo, Mifugo na Uvuvi, Grace Nyamwanji kwa kufanikisha ushindi huo. Kwa upande wa Mkuu wa Idara ya Kilimo, Mifugo na Uvuvi wa Halamshauri hiyo, Grace Nyamwanji amewashukuru na kuwapongeza, Wakuu wa Idara na Vitengo, Watumishi na  Wadau wote waliyoshiriki maonesho hayo kwa sababu wao ndio chachu ya ushindi huo.
Read more »