TANZANIA IPO TAYARI KUPOKEA AFCON 2027

 


Na Jasmine Shamwepu, Dodoma. 

NAIBU Spika wa Bunge la Jamhuri ya Muungano wa Tanzania, Daniel Sillo, amesema maandalizi ya kuelekea Mashindano ya Mataifa ya Afrika (AFCON) 2027 yanaendelea vizuri, huku akibainisha kuwa Tanzania ipo katika nafasi nzuri ya kupokea na kuandaa mashindano hayo kwa mafanikio.

Sillo ametoa kauli hiyo wakati wa Bonanza la Bunge (Bunge Grand Bonanza) lililofanyika jijini Dodoma, ambapo amesema kaulimbiu ya bonanza hilo inayohusiana na AFCON 2027 ni ishara ya namna Watanzania wanavyoendelea kuhamasika na kujiandaa kwa tukio hilo kubwa la kimichezo.

Amesema maandalizi yanayoendelea kufanywa na Serikali, ikiwemo uboreshaji wa miundombinu ya michezo na huduma nyingine muhimu, yanaonyesha dhamira ya dhati ya kuhakikisha Tanzania inakuwa mwenyeji bora wa mashindano hayo ya kihistoria.

“AFCON 2027 ni fursa kubwa kwa Tanzania kujitangaza kimataifa kupitia sekta ya michezo. Sisi kama Bunge tutaendelea kutoa ushirikiano unaohitajika ili kuhakikisha maandalizi yanaenda kama yalivyopangwa na mashindano yanafanyika kwa mafanikio,” amesema Sillo.

Ameongeza kuwa bonanza hilo limekuwa sehemu ya juhudi za kuhamasisha wananchi kujenga utamaduni wa kufanya mazoezi, kushiriki michezo na kuimarisha afya zao, sambamba na kukuza mshikamano wa kijamii.

Kwa upande mwingine, ametoa pongezi kwa CRDB Bank kwa mchango wake katika kudhamini bonanza hilo kwa miaka kadhaa, jambo ambalo limechangia kuongezeka kwa ushiriki wa wadau mbalimbali na mafanikio ya tukio hilo.

Sillo amesema ushirikiano kati ya taasisi za umma, sekta binafsi na wadau wa maendeleo ni muhimu katika kukuza michezo nchini na kuleta manufaa mapana ya kijamii na kiuchumi kwa Taifa.

Maoni

Chapisha Maoni

Machapisho maarufu kutoka blogu hii

MWENYEKITI NAMALULU AWEKWA PEMBENI KUPISHA UCHUNGUZI

Picha
  Na Mwandishi wetu, Simanjiro MWENYEKITI wa kijiji cha Namalulu Wilayani Simanjiro, Mkoani Manyara, Marumai Kirikai amepumzishwa kazi kwa muda wa siku 28 ili kupisha uchunguzi wa matumizi mabaya ya madaraka katika kijiji hicho. Mkuu wa Wilaya ya Simanjiro, Fakii Raphael Lulandala ameunda kamati ya watu saba itakayofanya uchunguzi kwa muda wa siku 24 na baada ya siku 28 endapo  Mwenyekiti huyo atabainika hausiki na tuhuma hizo atarejea kwenye nafasi yake. Lulandala ameyasema hayo wakati akizungumza na wakazi wa kijiji cha Namalulu, baada ya kusikiliza kero, malalamiko na changamoto zao. Ameeleza kwamba hamsimamishi kazi Mwenyekiti huyo ila anapisha uchunguzi kwa muda wa siku 28 na endapo hatakuwa na makosa atarejea tena kwenye nafasi hiyo. "Hausimamishwi kaz ila unakaa pembeni kwa muda wa siku 28 ili kupisha uchunguzi na ofisa mtendaji wa kijiji cha Namalulu Sarafina Olotu ataongoza kijiji kwa kipindi hiki," amesema DC Lulandala. DC Lulandala amewataja wajumbe saba wa kamati ...
Read more »

IGUNGA YAIBUKA MSHINDI WA KWANZA NANENANE TABORA.

Picha
Na Mwandishi Wetu, Tabora.  HALMASHAURI ya Wilaya ya Igunga imeibuka mshindi wa kwanza katika kundi la Mamlaka za Serikali za Mitaa (Tabora na Kigoma) wakati wa Maonesho ya Nanenane mwaka 2025 ngazi ya kanda yaliyofanyika Uwanja wa Maonesho Ipuli - Tabora. Aidha, imeshika nafasi ya pili katika kundi la washindi wa jumla wa mikoa ya Tabora na Kigoma wakati wa Maonesho hayo. Akizungumza baada ya Halfa hiyo, Katibu Tawala wa Wilaya hiyo, Ndug. Elizabeth Rwegasira amempongeza Mkurugenzi wa Halmashauri hiyo, Selwa Hamid kwa ushirikiano mzuri na Mkuu wa Idara ya Kilimo, Mifugo na Uvuvi, Grace Nyamwanji kwa kufanikisha ushindi huo. Kwa upande wa Mkuu wa Idara ya Kilimo, Mifugo na Uvuvi wa Halamshauri hiyo, Grace Nyamwanji amewashukuru na kuwapongeza, Wakuu wa Idara na Vitengo, Watumishi na  Wadau wote waliyoshiriki maonesho hayo kwa sababu wao ndio chachu ya ushindi huo.
Read more »