ASMA MWINYI FOUNDATION YAADHIMISHA SIKU YA MTOTO WA AFRIKA KWA WATOTO WENYE MAHITAJI MAALUMU

 



Na Jasmine Shamwepu, Dodoma. 

MWANZILISHI na Mkurugenzi wa Taasisi ya Asma Mwinyi Foundation, ambaye pia ni Mbunge wa Welezo, Unguja, Asma Ally Hassan Mwinyi, ameungana na watoto wenye usonji (Autism), ugonjwa wa Down Syndrome na mtindio wa ubongo (Cerebral Palsy), pamoja na wazazi wao, kuadhimisha Siku ya Mtoto wa Afrika kwa kuwapa fursa ya kusikika na kujadili changamoto zinazowakabili.

Katika maadhimisho hayo ya Juni 16, Asma Mwinyi Foundation kwa kushirikiana na Hospitali ya Taifa ya Afya ya Akili Mirembe iliandaa ziara maalumu ya watoto hao na wazazi wao katika Bunge la Jamhuri ya Muungano wa Tanzania jijini Dodoma, ambapo walipata nafasi ya kuzungumza na viongozi na kueleza changamoto wanazokabiliana nazo katika maisha ya kila siku.

Akizungumza wakati wa shughuli hiyo, Asma alisema lengo la kuwakutanisha watoto hao na wazazi wao ni kuendelea kutoa elimu kwa jamii, kuondoa unyanyapaa na kuhamasisha upatikanaji wa huduma bora za afya na matibabu kwa watoto wenye mahitaji maalumu.

Alisema watoto wenye usonji, Down Syndrome na mtindio wa ubongo bado wanakabiliwa na changamoto nyingi za kijamii na kiuchumi, ikiwemo kutengwa, kukosa uelewa kutoka kwa jamii na gharama kubwa za matibabu.

“Maadhimisho ya Siku ya Mtoto wa Afrika ni fursa ya kuwakumbusha Watanzania kuwa watoto hawa wana haki sawa na watoto wengine. Wanahitaji kupendwa, kulindwa, kuelimishwa na kupewa nafasi ya kufikia ndoto zao,” alisema Asma.

Mbali na kupata nafasi ya kuzungumza na viongozi, watoto hao na wazazi wao pia walipata chakula cha mchana kama sehemu ya kuenzi na kusherehekea Siku ya Mtoto wa Afrika.

Wakati huo huo, wawakilishi kutoka Hospitali ya Taifa ya Afya ya Akili Mirembe walipongeza ushirikiano uliopo kati ya hospitali hiyo na Asma Mwinyi Foundation katika kusaidia watoto wenye usonji, Down Syndrome na mtindio wa ubongo.

Walisema ushirikiano huo umechangia kuongeza uelewa wa jamii kuhusu mahitaji ya watoto hao na kuwasaidia kupata huduma muhimu za afya na matibabu.

Baadhi ya wazazi walioshiriki katika maadhimisho hayo walieleza changamoto wanazokumbana nazo, ikiwemo unyanyapaa, gharama kubwa za matibabu na ukosefu wa huduma maalumu katika baadhi ya maeneo.

Wametoa wito kwa jamii kuacha mitazamo hasi dhidi ya watoto wenye mahitaji maalumu na badala yake kushiriki katika kuwajumuisha katika shughuli za kijamii na maendeleo.

Maadhimisho ya mwaka huu yamekuwa jukwaa la kuibua sauti za watoto wenye mahitaji maalumu na familia zao, huku wadau wakisisitiza umuhimu wa kujenga jamii jumuishi inayolinda haki za kila mtoto bila kujali hali yake ya kiafya au maendeleo








.

Maoni

Chapisha Maoni

Machapisho maarufu kutoka blogu hii

MWENYEKITI NAMALULU AWEKWA PEMBENI KUPISHA UCHUNGUZI

Picha
  Na Mwandishi wetu, Simanjiro MWENYEKITI wa kijiji cha Namalulu Wilayani Simanjiro, Mkoani Manyara, Marumai Kirikai amepumzishwa kazi kwa muda wa siku 28 ili kupisha uchunguzi wa matumizi mabaya ya madaraka katika kijiji hicho. Mkuu wa Wilaya ya Simanjiro, Fakii Raphael Lulandala ameunda kamati ya watu saba itakayofanya uchunguzi kwa muda wa siku 24 na baada ya siku 28 endapo  Mwenyekiti huyo atabainika hausiki na tuhuma hizo atarejea kwenye nafasi yake. Lulandala ameyasema hayo wakati akizungumza na wakazi wa kijiji cha Namalulu, baada ya kusikiliza kero, malalamiko na changamoto zao. Ameeleza kwamba hamsimamishi kazi Mwenyekiti huyo ila anapisha uchunguzi kwa muda wa siku 28 na endapo hatakuwa na makosa atarejea tena kwenye nafasi hiyo. "Hausimamishwi kaz ila unakaa pembeni kwa muda wa siku 28 ili kupisha uchunguzi na ofisa mtendaji wa kijiji cha Namalulu Sarafina Olotu ataongoza kijiji kwa kipindi hiki," amesema DC Lulandala. DC Lulandala amewataja wajumbe saba wa kamati ...
Read more »

IGUNGA YAIBUKA MSHINDI WA KWANZA NANENANE TABORA.

Picha
Na Mwandishi Wetu, Tabora.  HALMASHAURI ya Wilaya ya Igunga imeibuka mshindi wa kwanza katika kundi la Mamlaka za Serikali za Mitaa (Tabora na Kigoma) wakati wa Maonesho ya Nanenane mwaka 2025 ngazi ya kanda yaliyofanyika Uwanja wa Maonesho Ipuli - Tabora. Aidha, imeshika nafasi ya pili katika kundi la washindi wa jumla wa mikoa ya Tabora na Kigoma wakati wa Maonesho hayo. Akizungumza baada ya Halfa hiyo, Katibu Tawala wa Wilaya hiyo, Ndug. Elizabeth Rwegasira amempongeza Mkurugenzi wa Halmashauri hiyo, Selwa Hamid kwa ushirikiano mzuri na Mkuu wa Idara ya Kilimo, Mifugo na Uvuvi, Grace Nyamwanji kwa kufanikisha ushindi huo. Kwa upande wa Mkuu wa Idara ya Kilimo, Mifugo na Uvuvi wa Halamshauri hiyo, Grace Nyamwanji amewashukuru na kuwapongeza, Wakuu wa Idara na Vitengo, Watumishi na  Wadau wote waliyoshiriki maonesho hayo kwa sababu wao ndio chachu ya ushindi huo.
Read more »