RC TABORA APEWA TUZO MAALUMU




Na Allan Kitwe, Tabora

CHAMA Cha Mapinduzi (CCM) Mkoani Tabora kimetoa tuzo maalumu kwa Mkuu wa Mkoa huo Paul Matiko Chacha kama ishara ya kutambua na kuthamini mchango wake katika suala zima la kusimamia maendeleo ya Mkoa huo.

Tuzo hiyo imetolewa juzi kwenye Kikao cha Halmashauri Kuu ya CCM ngazi ya  Mkoa baada ya Wajumbe wa mkutano huo kuridhishwa na kazi nzuri inayofanywa na Kiongozi huyo hivyo kupendekeza apewa tuzo katika kikao hicho.

Awali, akielezea tuzo hiyo, Katibu wa CCM Mkoa Wilson Nkambaku amesema kuwa pendekezo la kutoa tuzo hiyo lilitolewa na Wajumbe katika Kikao kilichopita, hivyo chama kimelifanyia kazi na sasa wapo tayari kumkabidhi.

Ameongeza kuwa chama pia kitatoa tuzo kwa Mwenyekiti wa CCM Mkoa Mheshimiwa Said Juma Nkumba kama ishara ya kutambua kazi yake njema ya kuimarisha, kudumisha na kujenga mshikamano thabiti ndani ya chama.

Akikabidhi tuzo kwa Mkuu wa Mkoa, Mwenyekiti wa CCM Mkoa, Said Juma Nkumba amesema kuwa Chama kimeridhishwa na kazi yake, anatekeleza wajibu wake kwa vitendo, amebeba dhamana ya chama na serikali, hatuna mashaka naye.  

‘Hiki ni Kikao Maalumu cha Halmashauri Kuu ya CCM Mkoa ambacho mbali na mambo mengine kimeona umuhimu wa kutoa tuzo hii kwa Mkuu wetu wa Mkoa, tunajivunia uwepo wake katika Mkoa huu, anajali maslahi ya chama’, amesema.

Nkumba ameongeza kuwa RC na timu yake ya Watumishi wamekuwa chachu ya mafanikio makubwa tunayoyashuhudia katika Mkoa huu na Wilaya zake zote, wamekuwa mstari wa mbele kwenye utekelezaji wa ilani ya chama.

RC Chacha amemshukuru Mwenyekiti wa CCM Mkoa, Wajumbe wa Halmashauri Kuu na chama kwa ujumla kwa kuwaongoza vema katika utendaji wao na kuwapa ushirikiano ambao umeendelea kuleta tija kubwa kwa maendeleo ya wananchi.

‘Mimi na Ma-DC wote tunaheshimu dhamana tuliyopewa na serikali hii ya CCM, tutaendelea kujituma zaidi katika utumishi wetu ili kuharakisha maendeleo ya wananchi na kujitoa kwa chama pia’, ameeleza.   

Mjumbe wa Halmashauri Kuu ya CCM Taifa (MNEC) wa Mkoa huo Mohamed Nassoro Hamdan amesema kuwa kazi nzuri inayofanywa na Mkuu wa Mkoa na Mwenyekiti wa CCM Mkoa imeendelea kukiheshimisha Chama katika Mkoa huo.

Amewataka wanaCCM na Viongozi wote waliopewa dhamana  kuendelea kushirikiana kwa ukaribu zaidi ili kuhakikisha yale yote yanayotekelezwa na serikali yanawanufaisha wananchi.





Maoni

Chapisha Maoni

Machapisho maarufu kutoka blogu hii

MWENYEKITI NAMALULU AWEKWA PEMBENI KUPISHA UCHUNGUZI

Picha
  Na Mwandishi wetu, Simanjiro MWENYEKITI wa kijiji cha Namalulu Wilayani Simanjiro, Mkoani Manyara, Marumai Kirikai amepumzishwa kazi kwa muda wa siku 28 ili kupisha uchunguzi wa matumizi mabaya ya madaraka katika kijiji hicho. Mkuu wa Wilaya ya Simanjiro, Fakii Raphael Lulandala ameunda kamati ya watu saba itakayofanya uchunguzi kwa muda wa siku 24 na baada ya siku 28 endapo  Mwenyekiti huyo atabainika hausiki na tuhuma hizo atarejea kwenye nafasi yake. Lulandala ameyasema hayo wakati akizungumza na wakazi wa kijiji cha Namalulu, baada ya kusikiliza kero, malalamiko na changamoto zao. Ameeleza kwamba hamsimamishi kazi Mwenyekiti huyo ila anapisha uchunguzi kwa muda wa siku 28 na endapo hatakuwa na makosa atarejea tena kwenye nafasi hiyo. "Hausimamishwi kaz ila unakaa pembeni kwa muda wa siku 28 ili kupisha uchunguzi na ofisa mtendaji wa kijiji cha Namalulu Sarafina Olotu ataongoza kijiji kwa kipindi hiki," amesema DC Lulandala. DC Lulandala amewataja wajumbe saba wa kamati ...
Read more »

IGUNGA YAIBUKA MSHINDI WA KWANZA NANENANE TABORA.

Picha
Na Mwandishi Wetu, Tabora.  HALMASHAURI ya Wilaya ya Igunga imeibuka mshindi wa kwanza katika kundi la Mamlaka za Serikali za Mitaa (Tabora na Kigoma) wakati wa Maonesho ya Nanenane mwaka 2025 ngazi ya kanda yaliyofanyika Uwanja wa Maonesho Ipuli - Tabora. Aidha, imeshika nafasi ya pili katika kundi la washindi wa jumla wa mikoa ya Tabora na Kigoma wakati wa Maonesho hayo. Akizungumza baada ya Halfa hiyo, Katibu Tawala wa Wilaya hiyo, Ndug. Elizabeth Rwegasira amempongeza Mkurugenzi wa Halmashauri hiyo, Selwa Hamid kwa ushirikiano mzuri na Mkuu wa Idara ya Kilimo, Mifugo na Uvuvi, Grace Nyamwanji kwa kufanikisha ushindi huo. Kwa upande wa Mkuu wa Idara ya Kilimo, Mifugo na Uvuvi wa Halamshauri hiyo, Grace Nyamwanji amewashukuru na kuwapongeza, Wakuu wa Idara na Vitengo, Watumishi na  Wadau wote waliyoshiriki maonesho hayo kwa sababu wao ndio chachu ya ushindi huo.
Read more »