WADAU WA KILIMO WAOMBA SERIKALI KUONDOA KODI YA ONGEZEKO (VAT)

 











Na Mwandishi Wetu, Dodoma. 

WADAU wa Kilimo wameiomba serikali kuondoka kodi ya ongezeko la thamani (VAT) ya asilimia 18 kwenye mifuko ya tabaka ya kuhifadhia mazao ya nafaka na mbegu ili kuwesha wakulima kuongeza kipato na usalama wa chakula.

Hayo yalielezwa Jijini Dodoma  na Afisa Mradi Jukwaa la Wadau wa Kilimo wasiokuwa wa Kiserikali (ANSAF)  Werner Hillary wakati akifungua warsha ya kujadili maboresho ya kisera ili kudhibiti changamoto za upotevu kwa wakulima wadogo kwa kushirikiana na Shirika la Helvetas.

" Warsha hii ilitohusisha wadau mbalimbali wa Kilimo ikiwemo Serikali, wazalishaji wadogo na Asasi za Kiraia ni sehemu ya mradi unaotekelezwa kwa ushirikiani wa Helvetas Tanzania, SAT, Chuo cha Kilimo SUA na Chuo Kikuu cha Zurich.

Afisa huyo amesema lengo la wadau kuiomba Serikali kuondoa kodi ya VAT ni kuwezesha wakulima wadogo kuwa na uwezo wa kununua na kutumia mifuko hiyo inayozuia wadudu waharibifu na upotevu wa nafaka.

"Matumizi ya mifuko ya tabaka husaidia wananchi kujikinga na njaa kwa kuhifadhi chakula kwa muda mrefu bila kuharibiwa na wadudu. Mifuko hii ni muhimu kwa afya ya binadamu na ubora wa bidhaa sokoni," alisema.

Naye Mhadhiri wa Chuo Kikuu Cha Kilimo (SUA), Dk. Ramadhani Majubwa ambaye ni mmoja wa watekelezaji wa mradi, amesema katika tafiti walizofanya walibaini muamko wa wakulima kutumia mifuko hiyo ni mdogo.

Amesema mradi huo a4unalenga kuhamasisha matumizi ya mbinu bora za uhifadhi wa mazao ndio maana wamekutanisha wadau ili kujadiliana na kupata muafaka wa pamoja juu ya mapendekezo ya maboresho ya kisera juu ya mifuko ya tabaka.

Dk. Majubwa amesema mradi huu ulifanya tafiti ambayo iliangalia mambo mawili; moja likiwa ni kuangalia athari za kuondoa VAT na pili ulipaji wa baadaye wakati mkulima ameshauza mazao yake.

"Mifuko hiyo inapunguza upotevu na uharibifu wa mazao baada ya kuvuna na kupunguza njaa kutokana na kuzuia uvamizi wa wadudu. Tafiti imedhihitisha kuwa serikali ikiondoa VAT ya 18% wakulima wengi wataweza kununua mifuko hiyo na kuhifadhi chakula kwa tija," alisisitiza.





Maoni

Chapisha Maoni

Machapisho maarufu kutoka blogu hii

MWENYEKITI NAMALULU AWEKWA PEMBENI KUPISHA UCHUNGUZI

Picha
  Na Mwandishi wetu, Simanjiro MWENYEKITI wa kijiji cha Namalulu Wilayani Simanjiro, Mkoani Manyara, Marumai Kirikai amepumzishwa kazi kwa muda wa siku 28 ili kupisha uchunguzi wa matumizi mabaya ya madaraka katika kijiji hicho. Mkuu wa Wilaya ya Simanjiro, Fakii Raphael Lulandala ameunda kamati ya watu saba itakayofanya uchunguzi kwa muda wa siku 24 na baada ya siku 28 endapo  Mwenyekiti huyo atabainika hausiki na tuhuma hizo atarejea kwenye nafasi yake. Lulandala ameyasema hayo wakati akizungumza na wakazi wa kijiji cha Namalulu, baada ya kusikiliza kero, malalamiko na changamoto zao. Ameeleza kwamba hamsimamishi kazi Mwenyekiti huyo ila anapisha uchunguzi kwa muda wa siku 28 na endapo hatakuwa na makosa atarejea tena kwenye nafasi hiyo. "Hausimamishwi kaz ila unakaa pembeni kwa muda wa siku 28 ili kupisha uchunguzi na ofisa mtendaji wa kijiji cha Namalulu Sarafina Olotu ataongoza kijiji kwa kipindi hiki," amesema DC Lulandala. DC Lulandala amewataja wajumbe saba wa kamati ...
Read more »

IGUNGA YAIBUKA MSHINDI WA KWANZA NANENANE TABORA.

Picha
Na Mwandishi Wetu, Tabora.  HALMASHAURI ya Wilaya ya Igunga imeibuka mshindi wa kwanza katika kundi la Mamlaka za Serikali za Mitaa (Tabora na Kigoma) wakati wa Maonesho ya Nanenane mwaka 2025 ngazi ya kanda yaliyofanyika Uwanja wa Maonesho Ipuli - Tabora. Aidha, imeshika nafasi ya pili katika kundi la washindi wa jumla wa mikoa ya Tabora na Kigoma wakati wa Maonesho hayo. Akizungumza baada ya Halfa hiyo, Katibu Tawala wa Wilaya hiyo, Ndug. Elizabeth Rwegasira amempongeza Mkurugenzi wa Halmashauri hiyo, Selwa Hamid kwa ushirikiano mzuri na Mkuu wa Idara ya Kilimo, Mifugo na Uvuvi, Grace Nyamwanji kwa kufanikisha ushindi huo. Kwa upande wa Mkuu wa Idara ya Kilimo, Mifugo na Uvuvi wa Halamshauri hiyo, Grace Nyamwanji amewashukuru na kuwapongeza, Wakuu wa Idara na Vitengo, Watumishi na  Wadau wote waliyoshiriki maonesho hayo kwa sababu wao ndio chachu ya ushindi huo.
Read more »