SERIKALI YAKIRI UHABA WA WATAALAMU, MALIPO YALALAMIKIWA

 



Na Jasmine Shamwepu, Dodoma. 

NAIBU Waziri wa Afya, Dkt. Florence Samizi, amesema serikali inatambua changamoto ya uhaba wa wataalamu wa usingizi na ganzi nchini, akibainisha kuwa kwa sasa kuna takribani wataalamu 2,950 wanaohudumia hospitali zaidi ya 800.

Amesema serikali imeanza kuchukua hatua za kukabiliana na upungufu huo kwa kuongeza nafasi za mafunzo, hususan katika ngazi ya stashahada, ili kuongeza idadi ya wataalamu na kuboresha utoaji wa huduma za afya.

“Lengo la serikali ni kuhakikisha tunakuwa na wataalamu wa kutosha watakaoweza kutoa huduma salama na kupunguza vifo vinavyotokana na upasuaji, hasa kwa mama na mtoto,” amesema.

Hata hivyo, wataalamu wa huduma ya usingizi na ganzi wameiomba serikali kuhakikisha wanalipwa kwa wakati malipo ya saa za ziada wanazofanya, wakisema kucheleweshewa stahiki hizo kunapunguza ari ya kazi na kuhatarisha ubora wa huduma kwa wagonjwa.

Akizungumza katika kongamano la nne la Chama cha Wataalamu wa Dawa za Usingizi, Ganzi na Upasuaji Tanzania (TANPA), rais

 wa chama hicho, Dkt. Julia Mahamba, amesema uhaba wa wataalamu hao unawalazimu kufanya kazi kwa saa nyingi zaidi ya kawaida, hasa katika kuhakikisha usalama wa mama na mtoto wakati wa upasuaji.

“Tunafanya kazi kwa muda mrefu ili kuhakikisha huduma zinaendelea, lakini hatupati malipo ya saa za ziada kwa wakati, hali inayopunguza morali ya kazi na inaweza kuathiri ubora wa huduma,” amesema.

Kwa upande wake, Dkt. Evans Pesa, amesema kongamano hilo limekuwa jukwaa muhimu la kujadili mikakati ya kuboresha huduma salama za usingizi na ganzi nchini ili kuhakikisha wagonjwa wanapata huduma bora zaidi.

Kwa ujumla, wataalamu hao wameisisitiza serikali kuzingatia ustawi wao ili waweze kutekeleza majukumu yao kwa ufanisi, wakiamini kuwa hatua hiyo itaimarisha sekta ya afya nchini.




Maoni

Chapisha Maoni

Machapisho maarufu kutoka blogu hii

MWENYEKITI NAMALULU AWEKWA PEMBENI KUPISHA UCHUNGUZI

Picha
  Na Mwandishi wetu, Simanjiro MWENYEKITI wa kijiji cha Namalulu Wilayani Simanjiro, Mkoani Manyara, Marumai Kirikai amepumzishwa kazi kwa muda wa siku 28 ili kupisha uchunguzi wa matumizi mabaya ya madaraka katika kijiji hicho. Mkuu wa Wilaya ya Simanjiro, Fakii Raphael Lulandala ameunda kamati ya watu saba itakayofanya uchunguzi kwa muda wa siku 24 na baada ya siku 28 endapo  Mwenyekiti huyo atabainika hausiki na tuhuma hizo atarejea kwenye nafasi yake. Lulandala ameyasema hayo wakati akizungumza na wakazi wa kijiji cha Namalulu, baada ya kusikiliza kero, malalamiko na changamoto zao. Ameeleza kwamba hamsimamishi kazi Mwenyekiti huyo ila anapisha uchunguzi kwa muda wa siku 28 na endapo hatakuwa na makosa atarejea tena kwenye nafasi hiyo. "Hausimamishwi kaz ila unakaa pembeni kwa muda wa siku 28 ili kupisha uchunguzi na ofisa mtendaji wa kijiji cha Namalulu Sarafina Olotu ataongoza kijiji kwa kipindi hiki," amesema DC Lulandala. DC Lulandala amewataja wajumbe saba wa kamati ...
Read more »

IGUNGA YAIBUKA MSHINDI WA KWANZA NANENANE TABORA.

Picha
Na Mwandishi Wetu, Tabora.  HALMASHAURI ya Wilaya ya Igunga imeibuka mshindi wa kwanza katika kundi la Mamlaka za Serikali za Mitaa (Tabora na Kigoma) wakati wa Maonesho ya Nanenane mwaka 2025 ngazi ya kanda yaliyofanyika Uwanja wa Maonesho Ipuli - Tabora. Aidha, imeshika nafasi ya pili katika kundi la washindi wa jumla wa mikoa ya Tabora na Kigoma wakati wa Maonesho hayo. Akizungumza baada ya Halfa hiyo, Katibu Tawala wa Wilaya hiyo, Ndug. Elizabeth Rwegasira amempongeza Mkurugenzi wa Halmashauri hiyo, Selwa Hamid kwa ushirikiano mzuri na Mkuu wa Idara ya Kilimo, Mifugo na Uvuvi, Grace Nyamwanji kwa kufanikisha ushindi huo. Kwa upande wa Mkuu wa Idara ya Kilimo, Mifugo na Uvuvi wa Halamshauri hiyo, Grace Nyamwanji amewashukuru na kuwapongeza, Wakuu wa Idara na Vitengo, Watumishi na  Wadau wote waliyoshiriki maonesho hayo kwa sababu wao ndio chachu ya ushindi huo.
Read more »