SERIKALI YAJA NA MKAKATI MPYA WA KULINDA FEDHA ZA USHIRIKA

 


Na Jasmine Shamwepu, Dodoma. 

SERIKALI imezindua mkakati mpya wa kuimarisha usimamizi wa vyama vya ushirika nchini, ukiwa na lengo la kulinda fedha za wanachama na kuongeza uwajibikaji kwa viongozi.

Akizungumza jijini Dodoma katika Mkutano wa Wadau wa Maendeleo ya Ushirika, Waziri wa Kilimo, Mhe. Daniel Chongolo, amesema kuwa sekta ya ushirika ina mchango mkubwa katika uchumi wa taifa, ikizingatiwa kuwa inazungusha fedha zinazokadiriwa kufikia trilioni sita.

Amesema kuwa ili kuhakikisha fedha hizo zinalindwa ipasavyo, serikali inapanga kuimarisha mifumo ya ukaguzi, usimamizi na uwazi, sambamba na kuanzisha miundombinu maalum ya kushughulikia makosa yanayohusiana na vyama vya ushirika.

“Lengo letu ni kuona vyama vya ushirika vinakuwa salama, vinawanufaisha wanachama, na vinaendeshwa kwa uadilifu mkubwa,” amesema Chongolo.

Katika hatua nyingine, serikali imeweka mkazo katika matumizi ya teknolojia ya kidijitali ili kurahisisha ufuatiliaji wa shughuli za kifedha, kuongeza uwazi, na kubaini mapema viashiria vya ubadhirifu.

Mrajis na Mtendaji Mkuu wa Tume ya Maendeleo ya Ushirika Tanzania (TCDC), Dkt. Benson Ndiege, amesema kuwa juhudi hizo zinatekelezwa kupitia kampeni maalum ya “Linda Ushirika, Chagua Uadilifu” inayolenga kuimarisha utawala bora ndani ya vyama vya ushirika.

Amefafanua kuwa kampeni hiyo itadumu kwa miaka mitatu na itakuwa ikifanyiwa tathmini kila mwaka ili kupima mafanikio, kubaini changamoto, na kuweka mikakati ya maboresho zaidi.

Aidha, kampeni hiyo itahusisha ukaguzi wa mara kwa mara, utoaji wa elimu kwa wanachama, pamoja na kuanzishwa kwa mifumo ya kupokea taarifa kutoka kwa wadau na watoa taarifa (whistleblowers) ili kusaidia kudhibiti vitendo vya rushwa na ubadhirifu.

Pia, serikali inapanga kuanzisha maafisa uadilifu (integrity officers) ndani ya vyama vya ushirika ili kuongeza uwazi, kuimarisha nidhamu ya kifedha, na kujenga imani ya wanachama kwa viongozi wao.

Serikali inaamini kuwa kupitia mkakati huo mpya, vyama vya ushirika vitaimarika zaidi, vitaongeza tija kwa wanachama wake, na kuwa chachu muhimu ya maendeleo ya kiuchumi na kijamii nchini.











Maoni

Chapisha Maoni

Machapisho maarufu kutoka blogu hii

MWENYEKITI NAMALULU AWEKWA PEMBENI KUPISHA UCHUNGUZI

Picha
  Na Mwandishi wetu, Simanjiro MWENYEKITI wa kijiji cha Namalulu Wilayani Simanjiro, Mkoani Manyara, Marumai Kirikai amepumzishwa kazi kwa muda wa siku 28 ili kupisha uchunguzi wa matumizi mabaya ya madaraka katika kijiji hicho. Mkuu wa Wilaya ya Simanjiro, Fakii Raphael Lulandala ameunda kamati ya watu saba itakayofanya uchunguzi kwa muda wa siku 24 na baada ya siku 28 endapo  Mwenyekiti huyo atabainika hausiki na tuhuma hizo atarejea kwenye nafasi yake. Lulandala ameyasema hayo wakati akizungumza na wakazi wa kijiji cha Namalulu, baada ya kusikiliza kero, malalamiko na changamoto zao. Ameeleza kwamba hamsimamishi kazi Mwenyekiti huyo ila anapisha uchunguzi kwa muda wa siku 28 na endapo hatakuwa na makosa atarejea tena kwenye nafasi hiyo. "Hausimamishwi kaz ila unakaa pembeni kwa muda wa siku 28 ili kupisha uchunguzi na ofisa mtendaji wa kijiji cha Namalulu Sarafina Olotu ataongoza kijiji kwa kipindi hiki," amesema DC Lulandala. DC Lulandala amewataja wajumbe saba wa kamati ...
Read more »

IGUNGA YAIBUKA MSHINDI WA KWANZA NANENANE TABORA.

Picha
Na Mwandishi Wetu, Tabora.  HALMASHAURI ya Wilaya ya Igunga imeibuka mshindi wa kwanza katika kundi la Mamlaka za Serikali za Mitaa (Tabora na Kigoma) wakati wa Maonesho ya Nanenane mwaka 2025 ngazi ya kanda yaliyofanyika Uwanja wa Maonesho Ipuli - Tabora. Aidha, imeshika nafasi ya pili katika kundi la washindi wa jumla wa mikoa ya Tabora na Kigoma wakati wa Maonesho hayo. Akizungumza baada ya Halfa hiyo, Katibu Tawala wa Wilaya hiyo, Ndug. Elizabeth Rwegasira amempongeza Mkurugenzi wa Halmashauri hiyo, Selwa Hamid kwa ushirikiano mzuri na Mkuu wa Idara ya Kilimo, Mifugo na Uvuvi, Grace Nyamwanji kwa kufanikisha ushindi huo. Kwa upande wa Mkuu wa Idara ya Kilimo, Mifugo na Uvuvi wa Halamshauri hiyo, Grace Nyamwanji amewashukuru na kuwapongeza, Wakuu wa Idara na Vitengo, Watumishi na  Wadau wote waliyoshiriki maonesho hayo kwa sababu wao ndio chachu ya ushindi huo.
Read more »