LISHE BORA SHULENI YATAJWA KUWA MSINGI WA MAFANIKIO YA ELIMU

 


Na Jasmine Shamwepu, Dodoma

KAMISHINA wa Elimu Tanzania, Dk Lyabwene Mtahabwa, amesema mchakato wa ufundishaji na ujifunzaji hauwezi kufanikiwa bila kuwepo kwa huduma bora za chakula na lishe shuleni.

Amesisitiza kuwa wadhibiti ubora katika halmashauri zote wanapaswa kuhakikisha chakula kinachotolewa kwa wanafunzi kinazingatia viwango vya ubora ili kuepusha madhara ya kiafya ikiwemo viriba tumbo.

Dk Mtahabwa alitoa kauli hiyo jijini Dodoma wakati wa uzinduzi wa mradi wa CRISP unaotekelezwa na SwissAid kwa miaka mitatu katika mikoa ya Lindi, Mtwara na Dar es Salaam.

Amesema maboresho ya elimu hayawezi kuleta matokeo chanya kama hayatazingatia lishe ya wanafunzi, akibainisha kuwa serikali imeweka sera na miongozo kuhakikisha shule zinatoa huduma ya chakula.

“Mchakato wa ufundishaji na ujifunzaji hatuwezi kufanikiwa bila kuwa na huduma bora za chakula na lishe,” amesema Dk Mtahabwa.

Ameeleza kuwa serikali imechukua hatua mbalimbali kuimarisha lishe shuleni, ikiwemo waraka wa mwaka 2006 uliolenga kushirikisha jamii pamoja na mwongozo wa utoaji wa chakula mashuleni uliotolewa mwaka 2020 na kuzinduliwa 2021.

Aidha, amesema mwaka 2022 Rais Samia Suluhu Hassan alisaini mkataba wa lishe na wakuu wa mikoa ili kuboresha huduma za chakula shuleni kote nchini.

Kwa upande wake, Mkurugenzi Mkazi wa SwissAid Tanzania, Betty Malaki, amesema mradi wa CRISP utasaidia wanafunzi kupata lishe bora huku ukiwapatia wakulima soko la uhakika.

Naye Ofisa Programu wa Sera kutoka World Food Programme, Abiud Gamba, amesema lishe shuleni huongeza mahudhurio, umakini na ufaulu wa wanafunzi darasani.

Hata hivyo, amesema bado kuna changamoto ya upatikanaji wa lishe kamili, hususan vyakula vya protini, mboga na matunda, akisisitiza umuhimu wa ushirikiano ili kuboresha afya na maendeleo ya wanafunzi.





Maoni

Chapisha Maoni

Machapisho maarufu kutoka blogu hii

MWENYEKITI NAMALULU AWEKWA PEMBENI KUPISHA UCHUNGUZI

Picha
  Na Mwandishi wetu, Simanjiro MWENYEKITI wa kijiji cha Namalulu Wilayani Simanjiro, Mkoani Manyara, Marumai Kirikai amepumzishwa kazi kwa muda wa siku 28 ili kupisha uchunguzi wa matumizi mabaya ya madaraka katika kijiji hicho. Mkuu wa Wilaya ya Simanjiro, Fakii Raphael Lulandala ameunda kamati ya watu saba itakayofanya uchunguzi kwa muda wa siku 24 na baada ya siku 28 endapo  Mwenyekiti huyo atabainika hausiki na tuhuma hizo atarejea kwenye nafasi yake. Lulandala ameyasema hayo wakati akizungumza na wakazi wa kijiji cha Namalulu, baada ya kusikiliza kero, malalamiko na changamoto zao. Ameeleza kwamba hamsimamishi kazi Mwenyekiti huyo ila anapisha uchunguzi kwa muda wa siku 28 na endapo hatakuwa na makosa atarejea tena kwenye nafasi hiyo. "Hausimamishwi kaz ila unakaa pembeni kwa muda wa siku 28 ili kupisha uchunguzi na ofisa mtendaji wa kijiji cha Namalulu Sarafina Olotu ataongoza kijiji kwa kipindi hiki," amesema DC Lulandala. DC Lulandala amewataja wajumbe saba wa kamati ...
Read more »

IGUNGA YAIBUKA MSHINDI WA KWANZA NANENANE TABORA.

Picha
Na Mwandishi Wetu, Tabora.  HALMASHAURI ya Wilaya ya Igunga imeibuka mshindi wa kwanza katika kundi la Mamlaka za Serikali za Mitaa (Tabora na Kigoma) wakati wa Maonesho ya Nanenane mwaka 2025 ngazi ya kanda yaliyofanyika Uwanja wa Maonesho Ipuli - Tabora. Aidha, imeshika nafasi ya pili katika kundi la washindi wa jumla wa mikoa ya Tabora na Kigoma wakati wa Maonesho hayo. Akizungumza baada ya Halfa hiyo, Katibu Tawala wa Wilaya hiyo, Ndug. Elizabeth Rwegasira amempongeza Mkurugenzi wa Halmashauri hiyo, Selwa Hamid kwa ushirikiano mzuri na Mkuu wa Idara ya Kilimo, Mifugo na Uvuvi, Grace Nyamwanji kwa kufanikisha ushindi huo. Kwa upande wa Mkuu wa Idara ya Kilimo, Mifugo na Uvuvi wa Halamshauri hiyo, Grace Nyamwanji amewashukuru na kuwapongeza, Wakuu wa Idara na Vitengo, Watumishi na  Wadau wote waliyoshiriki maonesho hayo kwa sababu wao ndio chachu ya ushindi huo.
Read more »