ENABEL YAWEZESHA MABINTI 200 KASULU KUPATA ELIMU

 



Na Allan Kitwe, Kasulu. 

SHIRIKA la Maendeleo la Ubelegiji (ENABEL) limeunga mkono juhudi za serikali kwa kuwezesha watoto wa kike zaidi ya 200 Wilayani Kasulu Mkoani Kigoma kupata mafunzo ya ujuzi katika Chuo Cha Maendeleo ya Wananchi Kasulu (FDC).

Hayo yamebainishwa jana na Mkuu wa Chuo hicho Fridegarda Mukyanuzi alipokuwa akiongea na waandishi wa habari Ofisini kwake ambapo ameeleza kufurahishwa na ujio wa mradi huo ili kuwezesha wasichana wasio na uwezo.

Amebainisha kuwa kupitia mradi huo Shirika limegharamia mahitaji yote ya Chuo kwa watoto hao na kuwawezesha kusoma fani mbalimbali za ufundi ikiwemo ushonaji nguo, ususi na urembo, umeme wa majumbani na ufundi bomba.

Fani nyingine ni ufundi magari, uchomeleaji na uungaji vyuma, umeme wa magari na wa majumbani na kila wanapohitimu Shirika huwawezesha vifaa vya kuanzia shughuli zao.

Amefafanua kuwa mradi huo wenye thamani ya zaidi ya shilingi milioni 600 umekuwa mkombozi kwa Chuo na kwa watoto hao kwani umesaidia kuboresha mazingira na miundombinu ya chuo kwa ujumla.

Mradi huu umewajengea uwezo wa kiufundi na ujasiriamali, hata wanapohitimu na kurudi nyumbani wanakuwa na uwezo wa kuendesha maisha yao, baadhi wanaajiriwa na wengine huamua kuanzisha shughuli zao za kuwaingizia kipato.

Kupitia programu hii, Shirika limeunga mkono juhudi za Serikali ya Awamu ya Sita za kupunguza tatizo la ukosefu wa ajira kwa vijana kwa kuwapatia ujuzi unaokidhi mahitaji ya soko la ajira.

'Lengo la mradi huu ni kuwezesha wasichana wanaotoka katika familia duni waweze kumudu maisha, kwa kuwapa ujuzi utakaowasaidia kujikwamua kiuchumi ili waweze kutimiza ndoto zao na kuwa msaada kwa familia zao', amesema.

Kupitia mradi huo amefafanua kuwa jumla ya wasichana 209 wameshanufaika na mafunzo mbalimbali, pia umewezesha kujengwa Kituo cha Jinsia, ukarabati wa karakana, vifaa vya mafunzo na ujenzi wa eneo la michezo ya watoto.





Maoni

Chapisha Maoni

Machapisho maarufu kutoka blogu hii

MWENYEKITI NAMALULU AWEKWA PEMBENI KUPISHA UCHUNGUZI

Picha
  Na Mwandishi wetu, Simanjiro MWENYEKITI wa kijiji cha Namalulu Wilayani Simanjiro, Mkoani Manyara, Marumai Kirikai amepumzishwa kazi kwa muda wa siku 28 ili kupisha uchunguzi wa matumizi mabaya ya madaraka katika kijiji hicho. Mkuu wa Wilaya ya Simanjiro, Fakii Raphael Lulandala ameunda kamati ya watu saba itakayofanya uchunguzi kwa muda wa siku 24 na baada ya siku 28 endapo  Mwenyekiti huyo atabainika hausiki na tuhuma hizo atarejea kwenye nafasi yake. Lulandala ameyasema hayo wakati akizungumza na wakazi wa kijiji cha Namalulu, baada ya kusikiliza kero, malalamiko na changamoto zao. Ameeleza kwamba hamsimamishi kazi Mwenyekiti huyo ila anapisha uchunguzi kwa muda wa siku 28 na endapo hatakuwa na makosa atarejea tena kwenye nafasi hiyo. "Hausimamishwi kaz ila unakaa pembeni kwa muda wa siku 28 ili kupisha uchunguzi na ofisa mtendaji wa kijiji cha Namalulu Sarafina Olotu ataongoza kijiji kwa kipindi hiki," amesema DC Lulandala. DC Lulandala amewataja wajumbe saba wa kamati ...
Read more »

IGUNGA YAIBUKA MSHINDI WA KWANZA NANENANE TABORA.

Picha
Na Mwandishi Wetu, Tabora.  HALMASHAURI ya Wilaya ya Igunga imeibuka mshindi wa kwanza katika kundi la Mamlaka za Serikali za Mitaa (Tabora na Kigoma) wakati wa Maonesho ya Nanenane mwaka 2025 ngazi ya kanda yaliyofanyika Uwanja wa Maonesho Ipuli - Tabora. Aidha, imeshika nafasi ya pili katika kundi la washindi wa jumla wa mikoa ya Tabora na Kigoma wakati wa Maonesho hayo. Akizungumza baada ya Halfa hiyo, Katibu Tawala wa Wilaya hiyo, Ndug. Elizabeth Rwegasira amempongeza Mkurugenzi wa Halmashauri hiyo, Selwa Hamid kwa ushirikiano mzuri na Mkuu wa Idara ya Kilimo, Mifugo na Uvuvi, Grace Nyamwanji kwa kufanikisha ushindi huo. Kwa upande wa Mkuu wa Idara ya Kilimo, Mifugo na Uvuvi wa Halamshauri hiyo, Grace Nyamwanji amewashukuru na kuwapongeza, Wakuu wa Idara na Vitengo, Watumishi na  Wadau wote waliyoshiriki maonesho hayo kwa sababu wao ndio chachu ya ushindi huo.
Read more »