CCM YATAKA WATENDAJI, WATAALAMU KUWAJIBIKA IPASAVYO

 



Na Gilbert Dioniz na Allan Kitwe, Ngara

CHAMA Cha Mapinduzi (CCM) Wilayani Ngara Mkoani  Kagera kimewataka Watendaji na Wataalamu waliopewa dhamana kusimamia miradi ya maendeleo kuwajibika ipasavyo katika nafasi zao ili kuharakisha maendeleo ya wananchi.

Kauli hiyo imetolewa jana na Mwenyekiti wa CCM Wilaya ya Ngara Vitalice Ndairagije kwenye ziara ya Wajumbe wa Kamati ya Siasa ya Wilaya ya kukagua miradi ya maendeleo.

Amesema kuwa kiu ya wananchi ni kuona miradi inayotekelezwa na serikali yao inakamilika kwa wakati na kwa ubora unaotakiwa, na hili haliwezi kufanikiwa kama Watendaji na Wataalamu waliopewa dhamana hawatafanya kazi kwa weledi.

‘Serikali ya Awamu ya Sita chini ya Rais Dkt Samia Suluhu Hassan, imeendelea kuleta mamilioni ya fedha hapa Ngara kwa ajili ya miradi ya maendeleo, fedha hizi tunataka zifanye kazi iliyokusudiwa na zisimamiwe ipasavyo’, amesema.

Mwenyekiti alidokeza kuwa miradi ikisimamiwa ipasavyo itakamilika kwa wakati na thamani ya fedha zilizotumika itaonekana, hivyo akaagiza Wakuu wa Idara kuongeza kasi ya usimamizi wa miradi yote inayotekelezwa katika idara zao.

Kila Mkuu wa idara akifanya kazi kwa weledi na kutanguliza uzalendo katika majukumu yake hakuna mradi utakaotekelezwa chini ya kiwango na wananchi wataendelea kuiamini serikali yao na Chama Cha Mapinduzi.

Ndairagije ameeleza kuwa anatamani miradi inayotekelezwa katika Wilaya hiyo iwe mfano kwa wilaya zingine hasa kutokana na ubora wake na kukamilika kwa wakati ili kunufaisha wananchi.

Naye Katibu wa Chama wa Wilaya hiyo Mariam Amiry amebainisha wazi kuwa wananchi wanaipenda sana serikali yao ya Chama cha Mapinduzi kwa kuwa inawajali na kuwaletea maendeleo kupitia miradi mbalimbali inayotekelezwa.  

Amesisitiza dhamira ya serikali ya CCM kuwa ni kuinua uchumi wa wananchi kutoka uchumi wa chini hadi wa kati ambao kiini chake ni miundo mbinu safi na ya kuvutia, ili jamii ipate huduma bora.

Mkuu wa wilaya hiyo Kanali Mathias Kahabi amewataka watendaji wa idara zote kusimamia vyema miradi hiyo huku akimtaka Meneja wa RUWASA Wilaya kuhakikisha mradi wa maji wa Kumubuga unakamilika haraka ili kumaliza kero iliyopo sasa.

Amefafanua kuwa miradi mingi inayotekelezwa katika Wilaya hiyo iko vizuri ila akamtaka Mkurugenzi Mtendaji wa Halmashauri hiyo kuchukua hatua stahiki kwa wakuu wa idara wasiotimiza wajibu wao ipasavyo.



Maoni

Chapisha Maoni

Machapisho maarufu kutoka blogu hii

MWENYEKITI NAMALULU AWEKWA PEMBENI KUPISHA UCHUNGUZI

Picha
  Na Mwandishi wetu, Simanjiro MWENYEKITI wa kijiji cha Namalulu Wilayani Simanjiro, Mkoani Manyara, Marumai Kirikai amepumzishwa kazi kwa muda wa siku 28 ili kupisha uchunguzi wa matumizi mabaya ya madaraka katika kijiji hicho. Mkuu wa Wilaya ya Simanjiro, Fakii Raphael Lulandala ameunda kamati ya watu saba itakayofanya uchunguzi kwa muda wa siku 24 na baada ya siku 28 endapo  Mwenyekiti huyo atabainika hausiki na tuhuma hizo atarejea kwenye nafasi yake. Lulandala ameyasema hayo wakati akizungumza na wakazi wa kijiji cha Namalulu, baada ya kusikiliza kero, malalamiko na changamoto zao. Ameeleza kwamba hamsimamishi kazi Mwenyekiti huyo ila anapisha uchunguzi kwa muda wa siku 28 na endapo hatakuwa na makosa atarejea tena kwenye nafasi hiyo. "Hausimamishwi kaz ila unakaa pembeni kwa muda wa siku 28 ili kupisha uchunguzi na ofisa mtendaji wa kijiji cha Namalulu Sarafina Olotu ataongoza kijiji kwa kipindi hiki," amesema DC Lulandala. DC Lulandala amewataja wajumbe saba wa kamati ...
Read more »

IGUNGA YAIBUKA MSHINDI WA KWANZA NANENANE TABORA.

Picha
Na Mwandishi Wetu, Tabora.  HALMASHAURI ya Wilaya ya Igunga imeibuka mshindi wa kwanza katika kundi la Mamlaka za Serikali za Mitaa (Tabora na Kigoma) wakati wa Maonesho ya Nanenane mwaka 2025 ngazi ya kanda yaliyofanyika Uwanja wa Maonesho Ipuli - Tabora. Aidha, imeshika nafasi ya pili katika kundi la washindi wa jumla wa mikoa ya Tabora na Kigoma wakati wa Maonesho hayo. Akizungumza baada ya Halfa hiyo, Katibu Tawala wa Wilaya hiyo, Ndug. Elizabeth Rwegasira amempongeza Mkurugenzi wa Halmashauri hiyo, Selwa Hamid kwa ushirikiano mzuri na Mkuu wa Idara ya Kilimo, Mifugo na Uvuvi, Grace Nyamwanji kwa kufanikisha ushindi huo. Kwa upande wa Mkuu wa Idara ya Kilimo, Mifugo na Uvuvi wa Halamshauri hiyo, Grace Nyamwanji amewashukuru na kuwapongeza, Wakuu wa Idara na Vitengo, Watumishi na  Wadau wote waliyoshiriki maonesho hayo kwa sababu wao ndio chachu ya ushindi huo.
Read more »