ASKOFU MEIVUKIE AASA JAMII KUCHUKUA TAHADHARI

 


Na Allan Kitwe, Tabora

WAKRISTO na jamii kwa ujumla wameaswa kuchukua tahadhari na kumwomba Mungu ainue wapatanishi dhidi ya mataifa ya Marekani, Israel na Iran ili vita inayoendelea sasa baina yao imalizike kwa amani ili kuepusha athari kwa jamii.

Wito huo umetolewa jana na Askofu Paul Meivukie wa Kanisa la TAG-Jimbo la Tabora Kati ambaye pia ni Mchungaji Kiongozi wa Kanisa la Kitete Christian Centre (KCC) alipokuwa akitoa salamu za pasaka kwenye ibada kanisani hapo.

Amesema kuwa athari za vita vinavyoendelea sasa katika mataifa hayo ni kubwa mno, na Tanzania sio kisiwa, haiwezi kujitegemea kwa kila kitu, hivyo ni muhimu sana kumwomba Mungu na kutumia vizuri chakula tulicho nacho.

Huu sio wakati wa kulaumu viongozi bali kuwaombea ili Mwenyezi Mungu awaongoze na kuwapa hekima ya kutoa maamuzi sahihi ili kuepusha bei za bidhaa kupanda zaidi hali inayoweza kuleta shida kwa wananchi.

‘Sote tunafahamu vita inayoendelea baina ya Marekani, Israel na Iran, naomba tuendelee kuchukua tahadhari, petroli inavyoendelea kupanda vitu vingine vitapanda pia, tutumie kwa uangalifu mkubwa chakula tulicho nacho,’ ameongeza.     

Akinukuu maandiko kutoka kitabu cha Wagalatia 4: 5 Askofu Meivukie ameasa waumini wa kanisa hilo na jamii kwa ujumla kuendelea kuliombea taifa amani, upendo, umoja, mshikamano na hekima kwa viongozi waliopewa dhamana.

Aidha amewataka kuendelea kuishi kama wana wa Mungu, kumtumaini katika kila jambo na kuombeana ili makusudi yake yatimizwe katika maisha yao na taifa kwa ujumla na lolote lililo kinyume na mapenzi yake lisipate nafasi.

Akihitimisha Semina ya siku 5 ya Pasaka katika ibada hiyo, Askofu Julius Tibuhinda wa Kanisa la TAG Biharamulo amewataka waumini wa Kanisa hilo kuheshimu ibada, maombi na kukubali kuongozwa na Roho wa Mungu.

Amedokeza kuwa kanisa la kwanza lilipata mafanikio makubwa kwa sababu liliishi misingi ya Yesu Kristo, ambayo ni kudumu hekaluni mwa Bwana, kumwomba Mungu na kuongozwa na Roho Mtakatifu.







Maoni

Chapisha Maoni

Machapisho maarufu kutoka blogu hii

MWENYEKITI NAMALULU AWEKWA PEMBENI KUPISHA UCHUNGUZI

Picha
  Na Mwandishi wetu, Simanjiro MWENYEKITI wa kijiji cha Namalulu Wilayani Simanjiro, Mkoani Manyara, Marumai Kirikai amepumzishwa kazi kwa muda wa siku 28 ili kupisha uchunguzi wa matumizi mabaya ya madaraka katika kijiji hicho. Mkuu wa Wilaya ya Simanjiro, Fakii Raphael Lulandala ameunda kamati ya watu saba itakayofanya uchunguzi kwa muda wa siku 24 na baada ya siku 28 endapo  Mwenyekiti huyo atabainika hausiki na tuhuma hizo atarejea kwenye nafasi yake. Lulandala ameyasema hayo wakati akizungumza na wakazi wa kijiji cha Namalulu, baada ya kusikiliza kero, malalamiko na changamoto zao. Ameeleza kwamba hamsimamishi kazi Mwenyekiti huyo ila anapisha uchunguzi kwa muda wa siku 28 na endapo hatakuwa na makosa atarejea tena kwenye nafasi hiyo. "Hausimamishwi kaz ila unakaa pembeni kwa muda wa siku 28 ili kupisha uchunguzi na ofisa mtendaji wa kijiji cha Namalulu Sarafina Olotu ataongoza kijiji kwa kipindi hiki," amesema DC Lulandala. DC Lulandala amewataja wajumbe saba wa kamati ...
Read more »

IGUNGA YAIBUKA MSHINDI WA KWANZA NANENANE TABORA.

Picha
Na Mwandishi Wetu, Tabora.  HALMASHAURI ya Wilaya ya Igunga imeibuka mshindi wa kwanza katika kundi la Mamlaka za Serikali za Mitaa (Tabora na Kigoma) wakati wa Maonesho ya Nanenane mwaka 2025 ngazi ya kanda yaliyofanyika Uwanja wa Maonesho Ipuli - Tabora. Aidha, imeshika nafasi ya pili katika kundi la washindi wa jumla wa mikoa ya Tabora na Kigoma wakati wa Maonesho hayo. Akizungumza baada ya Halfa hiyo, Katibu Tawala wa Wilaya hiyo, Ndug. Elizabeth Rwegasira amempongeza Mkurugenzi wa Halmashauri hiyo, Selwa Hamid kwa ushirikiano mzuri na Mkuu wa Idara ya Kilimo, Mifugo na Uvuvi, Grace Nyamwanji kwa kufanikisha ushindi huo. Kwa upande wa Mkuu wa Idara ya Kilimo, Mifugo na Uvuvi wa Halamshauri hiyo, Grace Nyamwanji amewashukuru na kuwapongeza, Wakuu wa Idara na Vitengo, Watumishi na  Wadau wote waliyoshiriki maonesho hayo kwa sababu wao ndio chachu ya ushindi huo.
Read more »