TANROADS YAPELEKA TABASAMU MWAMGONGO












Na Allan Kitwe, Kigoma. 

WAKAZI wa Kitongoji cha Mgazo, Mtaa wa Lubona katika Kijiji cha Mwamgongo Kata ya Mwamgongo Wilaya ya Kigoma wameishukuru Serikali ya Awamu ya Sita kwa kuanza kufungua barabara inayoingia kijijini kwao.

Wakizungumza mbele ya waandishi wa habari jana wameeleza kuwa tangu nchi ipate uhuru mwaka 1961 Kijiji hicho hakijui usafiri wa barabara kwa sababu kiko kwenye milima na usafiri pekee wanaotegemea ni wa mitumbwi na boti.

Mwenyekiti wa Serikali ya Mtaa wa Lubona, Elias Lutaha ameeleza kufurahishwa na hatua ya Rais Dkt Samia Suluhu Hassan kuipatia TANROADS Kigoma shilingi bilioni 3 kwa ajili ya kuchonga milima na kuanza kufungua barabara hiyo.

‘Tangu tumepata uhuru barabara hii indo imeanza kufunguliwa, kwa sasa ukitoka Kigoma Mjini kupitia Mkongoro unafika katika Kitongoji hiki kwa usafiri wa barabara lakini haifiki Mwamgongo Kijijini’, ameeleza.

‘Barabara yetu imefunguliwa kutoka Chankere hadi hapa Mganzo lakini haifiki Mwamgongo, chonde chonde, Mheshimiwa Rais, tunaomba utusaidie ili barabara hii ifike Mwamgongo hadi Kagunga ili kumaliza kero yetu’, ameomba.

Kaimu Meneja wa Wakala wa Barabara (TANROADS) Mkoa wa Kigoma Mhandisi Charo Kimata ameishukuru Serikali kwa kuwapatia kiasi hicho cha fedha kwani kimesaidia kufungua km 11 za barabara hiyo na tayari imeanza kutumika.

Amefafanua kuwa kutokana na milima hiyo kuwa na mawe mengi na miteremko mikali baadhi ya maeneo wamejenga barabara ya zege na changarawe, na watakapopata fedha nyingine wataendelea kufungua barabara hiyo hadi mwisho.

Mhandisi Kimata amedokeza kuwa wakazi wa Vijiji vya Mwamgongo na Kagunga wanapata adha kubwa ya usafiri kwa kuwa usafiri pekee wanaotumia ni wa boti na mitumbwi ndani ya ziwa Tanganyika, magari hayafiki huko hadi wapitie nchi jirani ya Burundi. 

Amebainisha kuwa wameshaomba kiasi kingine cha shilingi bilioni 5 ili kuendelea kufungua barabara hiyo hadi kufika Makao Makuu ya Kata, Mwamgongo na baadae wataendelea hadi Kagunga.






Maoni

Chapisha Maoni

Machapisho maarufu kutoka blogu hii

MWENYEKITI NAMALULU AWEKWA PEMBENI KUPISHA UCHUNGUZI

Picha
  Na Mwandishi wetu, Simanjiro MWENYEKITI wa kijiji cha Namalulu Wilayani Simanjiro, Mkoani Manyara, Marumai Kirikai amepumzishwa kazi kwa muda wa siku 28 ili kupisha uchunguzi wa matumizi mabaya ya madaraka katika kijiji hicho. Mkuu wa Wilaya ya Simanjiro, Fakii Raphael Lulandala ameunda kamati ya watu saba itakayofanya uchunguzi kwa muda wa siku 24 na baada ya siku 28 endapo  Mwenyekiti huyo atabainika hausiki na tuhuma hizo atarejea kwenye nafasi yake. Lulandala ameyasema hayo wakati akizungumza na wakazi wa kijiji cha Namalulu, baada ya kusikiliza kero, malalamiko na changamoto zao. Ameeleza kwamba hamsimamishi kazi Mwenyekiti huyo ila anapisha uchunguzi kwa muda wa siku 28 na endapo hatakuwa na makosa atarejea tena kwenye nafasi hiyo. "Hausimamishwi kaz ila unakaa pembeni kwa muda wa siku 28 ili kupisha uchunguzi na ofisa mtendaji wa kijiji cha Namalulu Sarafina Olotu ataongoza kijiji kwa kipindi hiki," amesema DC Lulandala. DC Lulandala amewataja wajumbe saba wa kamati ...
Read more »

IGUNGA YAIBUKA MSHINDI WA KWANZA NANENANE TABORA.

Picha
Na Mwandishi Wetu, Tabora.  HALMASHAURI ya Wilaya ya Igunga imeibuka mshindi wa kwanza katika kundi la Mamlaka za Serikali za Mitaa (Tabora na Kigoma) wakati wa Maonesho ya Nanenane mwaka 2025 ngazi ya kanda yaliyofanyika Uwanja wa Maonesho Ipuli - Tabora. Aidha, imeshika nafasi ya pili katika kundi la washindi wa jumla wa mikoa ya Tabora na Kigoma wakati wa Maonesho hayo. Akizungumza baada ya Halfa hiyo, Katibu Tawala wa Wilaya hiyo, Ndug. Elizabeth Rwegasira amempongeza Mkurugenzi wa Halmashauri hiyo, Selwa Hamid kwa ushirikiano mzuri na Mkuu wa Idara ya Kilimo, Mifugo na Uvuvi, Grace Nyamwanji kwa kufanikisha ushindi huo. Kwa upande wa Mkuu wa Idara ya Kilimo, Mifugo na Uvuvi wa Halamshauri hiyo, Grace Nyamwanji amewashukuru na kuwapongeza, Wakuu wa Idara na Vitengo, Watumishi na  Wadau wote waliyoshiriki maonesho hayo kwa sababu wao ndio chachu ya ushindi huo.
Read more »