TAFITI ZAENDELEA KUTUMIKA KATIKA MAAMUZI YA SERA KUPITIA PORTAL MPYA YA SERIKALI

 


Na Jasmine Shamwepu,Dodoma

HATUA ya Serikali kuanzisha mfumo wa kidijitali wa kukusanya na kusambaza tafiti mbalimbali nchini, inatarajiwa kuleta mapinduzi katika matumizi ya ushahidi wa kisayansi kwenye maamuzi ya sera na mipango ya maendeleo.

Kupitia portal hiyo mpya, matokeo ya tafiti yaliyokuwa yakibaki kwenye makabrasha au kuhifadhiwa ndani ya taasisi, sasa yatapatikana kwa urahisi na kutumiwa moja kwa moja na watunga sera, wataalamu pamoja na wadau wa maendeleo.

Akizungumza Machi 23, 2026 jijini Dodoma wakati wa ufunguzi wa mkutano wa kitaifa wa taasisi za utafiti, Katibu Mkuu wa Ofisi ya Rais – Mipango na Katibu Mtendaji wa Tume ya Taifa ya Mipango, Dkt. Tausi Kida, amesema mfumo huo ni sehemu ya mageuzi ya kimkakati ya kuifanya Tanzania kuwa taifa linaloongozwa na ushahidi katika kufanya maamuzi.

Ameeleza kuwa portal hiyo itaongeza uwazi, kuimarisha ushirikishwaji wa wadau na kuhakikisha tafiti zinatumika kutatua changamoto halisi za wananchi.

“Mfumo huu utasaidia kuunganisha watafiti na watunga sera ili kuhakikisha tafiti zinakuwa na mchango wa moja kwa moja katika maendeleo ya taifa,” amesema.

Aidha, Dkt. Kida amesisitiza kuwa mpango huo unakwenda sambamba na utekelezaji wa Dira ya Taifa ya Maendeleo 2050, inayolenga kujenga uchumi imara na kuboresha maisha ya wananchi.

Kwa upande wake, Naibu Katibu Mtendaji wa Mipango ya Kitaifa, Dkt. Mursali Milanzi, amesema Tume ya Taifa ya Mipango itaendelea kusimamia mwelekeo wa uchumi kwa kuchambua masuala muhimu kama mfumuko wa bei, mapato na matumizi ya Serikali pamoja na kuhakikisha ukuaji endelevu.

Ameongeza kuwa uratibu wa mipango ya maendeleo katika ngazi zote utaimarishwa ili kuhakikisha utekelezaji wake unaendana na malengo ya taifa.

Mkutano huo wa siku mbili umezikutanisha taasisi za utafiti na Serikali kwa lengo la kuimarisha ushirikiano na kuhakikisha tafiti zinazofanyika zinajibu mahitaji ya maendeleo ya nchi.

Kwa ujumla, uzinduzi wa portal hiyo unaashiria hatua mpya kwa Tanzania katika kutumia tafiti kama nyenzo muhimu ya kuharakisha maendeleo ya kiuchumi na kijamii.




Maoni

Chapisha Maoni

Machapisho maarufu kutoka blogu hii

MWENYEKITI NAMALULU AWEKWA PEMBENI KUPISHA UCHUNGUZI

Picha
  Na Mwandishi wetu, Simanjiro MWENYEKITI wa kijiji cha Namalulu Wilayani Simanjiro, Mkoani Manyara, Marumai Kirikai amepumzishwa kazi kwa muda wa siku 28 ili kupisha uchunguzi wa matumizi mabaya ya madaraka katika kijiji hicho. Mkuu wa Wilaya ya Simanjiro, Fakii Raphael Lulandala ameunda kamati ya watu saba itakayofanya uchunguzi kwa muda wa siku 24 na baada ya siku 28 endapo  Mwenyekiti huyo atabainika hausiki na tuhuma hizo atarejea kwenye nafasi yake. Lulandala ameyasema hayo wakati akizungumza na wakazi wa kijiji cha Namalulu, baada ya kusikiliza kero, malalamiko na changamoto zao. Ameeleza kwamba hamsimamishi kazi Mwenyekiti huyo ila anapisha uchunguzi kwa muda wa siku 28 na endapo hatakuwa na makosa atarejea tena kwenye nafasi hiyo. "Hausimamishwi kaz ila unakaa pembeni kwa muda wa siku 28 ili kupisha uchunguzi na ofisa mtendaji wa kijiji cha Namalulu Sarafina Olotu ataongoza kijiji kwa kipindi hiki," amesema DC Lulandala. DC Lulandala amewataja wajumbe saba wa kamati ...
Read more »

IGUNGA YAIBUKA MSHINDI WA KWANZA NANENANE TABORA.

Picha
Na Mwandishi Wetu, Tabora.  HALMASHAURI ya Wilaya ya Igunga imeibuka mshindi wa kwanza katika kundi la Mamlaka za Serikali za Mitaa (Tabora na Kigoma) wakati wa Maonesho ya Nanenane mwaka 2025 ngazi ya kanda yaliyofanyika Uwanja wa Maonesho Ipuli - Tabora. Aidha, imeshika nafasi ya pili katika kundi la washindi wa jumla wa mikoa ya Tabora na Kigoma wakati wa Maonesho hayo. Akizungumza baada ya Halfa hiyo, Katibu Tawala wa Wilaya hiyo, Ndug. Elizabeth Rwegasira amempongeza Mkurugenzi wa Halmashauri hiyo, Selwa Hamid kwa ushirikiano mzuri na Mkuu wa Idara ya Kilimo, Mifugo na Uvuvi, Grace Nyamwanji kwa kufanikisha ushindi huo. Kwa upande wa Mkuu wa Idara ya Kilimo, Mifugo na Uvuvi wa Halamshauri hiyo, Grace Nyamwanji amewashukuru na kuwapongeza, Wakuu wa Idara na Vitengo, Watumishi na  Wadau wote waliyoshiriki maonesho hayo kwa sababu wao ndio chachu ya ushindi huo.
Read more »