MHUBIRI WA KIMATAIFA DKT DANA MOREY AWASHA MOTO WA INJILI TABORA

 


Na Allan Kitwe, Tabora. 

WAKAZI wa Manispaa ya Tabora na Mikoa jirani wamemiminika kwenye mkutano mkubwa wa injili unaohubiriwa na Mwinjilisti wa Kimataifa kutoka nchini Marekani Dkt Dana Morey ulioanza jana Mjini Tabora na kupokea baraka na uponyaji.

Wakizungumza baada ya kuombewa na Mwinjilisti huyo wameeleza kufurahishwa na uamuzi wa Serikali ya Mkoa kuruhusu mkutano huo uendelee baada ya awali kuuzuia kwa kile kilichoelezwa kuwa wanagwa vitu visivyo na maadili kwa jamii.

Mkazi wa kata ya Tambuka-Reli katika Manispaa hiyo Magreth Lutaha (60) amweleza kuwa alikuwa na tatizo la uoni hafifu kwa zaidi ya miaka 10 lakini baada ya kuombewa na Mwinjili huyo amepokea uponyaji na sasa anaona vizuri.

‘Namshukuru Mungu nilikuwa sioni vitu vya mbali na kichwa kilikuwa kinaniuma kwa muda mrefu sana ila baada ya maombi kichwa hakiumi tena na sasa naona hata vitu vya mbali’, amesema.

Mariam Mayani (40) mkazi wa Nzega na Furaha Jungu (30) mkazi wa Kiloleni katika manispaa ya Tabora wameeleza furaha yao baada ya kuponywa mapepo, maumivu ya kifua na mgongo yaliyowatesa kwa zaidi ya miaka 5. 

Naye Agness Lukumay (34) mjasiriamali mkazi wa Wilaya ya Sikonge ameeleza kuwa alikuwa na tatizo la mgongo lililomtesa kwa zaidi ya miaka 3 na hata akishika mimba zilikuwa zinatoka, lakini baada ya kuombewa maumivu yameisha.

Akihubiri mkutano huo katika uwanja wa shule ya msingi Kanyenye katika siku ya kwanza Mwinjilisti Dkt Dana amesema kuwa Yesu Kristu ndiye mponyaji, na yeyote atakaye sikia neno na kuliamini atapokea uponyaji wa mwili na roho.

‘Nimewaletea habari njema za Yesu Kristu mwana wa Mungu aliye hai, aliyetolewa kwa ajili ya wanadamu wote, ambaye ana uweza na mamlaka ya kuponya magonjwa yote na walio tasa kupata mimba kwa uweza wake’, amesema.

 Awali akifungua mkutano huo Mwakilishi wa Makanisa ya Kipentekoste, Askofu na Mkurugenzi wa Kituo cha Runinga cha Agape cha Jijini Dar es salaam Dkt Venon Fernandes ameeleza kuwa Mwinjilisti Dana ni Mtumishi wa Mungu aliyejishusha na Mungu anamtumia kwa namna ya kipekee sana.






Maoni

Chapisha Maoni

Machapisho maarufu kutoka blogu hii

MWENYEKITI NAMALULU AWEKWA PEMBENI KUPISHA UCHUNGUZI

Picha
  Na Mwandishi wetu, Simanjiro MWENYEKITI wa kijiji cha Namalulu Wilayani Simanjiro, Mkoani Manyara, Marumai Kirikai amepumzishwa kazi kwa muda wa siku 28 ili kupisha uchunguzi wa matumizi mabaya ya madaraka katika kijiji hicho. Mkuu wa Wilaya ya Simanjiro, Fakii Raphael Lulandala ameunda kamati ya watu saba itakayofanya uchunguzi kwa muda wa siku 24 na baada ya siku 28 endapo  Mwenyekiti huyo atabainika hausiki na tuhuma hizo atarejea kwenye nafasi yake. Lulandala ameyasema hayo wakati akizungumza na wakazi wa kijiji cha Namalulu, baada ya kusikiliza kero, malalamiko na changamoto zao. Ameeleza kwamba hamsimamishi kazi Mwenyekiti huyo ila anapisha uchunguzi kwa muda wa siku 28 na endapo hatakuwa na makosa atarejea tena kwenye nafasi hiyo. "Hausimamishwi kaz ila unakaa pembeni kwa muda wa siku 28 ili kupisha uchunguzi na ofisa mtendaji wa kijiji cha Namalulu Sarafina Olotu ataongoza kijiji kwa kipindi hiki," amesema DC Lulandala. DC Lulandala amewataja wajumbe saba wa kamati ...
Read more »

IGUNGA YAIBUKA MSHINDI WA KWANZA NANENANE TABORA.

Picha
Na Mwandishi Wetu, Tabora.  HALMASHAURI ya Wilaya ya Igunga imeibuka mshindi wa kwanza katika kundi la Mamlaka za Serikali za Mitaa (Tabora na Kigoma) wakati wa Maonesho ya Nanenane mwaka 2025 ngazi ya kanda yaliyofanyika Uwanja wa Maonesho Ipuli - Tabora. Aidha, imeshika nafasi ya pili katika kundi la washindi wa jumla wa mikoa ya Tabora na Kigoma wakati wa Maonesho hayo. Akizungumza baada ya Halfa hiyo, Katibu Tawala wa Wilaya hiyo, Ndug. Elizabeth Rwegasira amempongeza Mkurugenzi wa Halmashauri hiyo, Selwa Hamid kwa ushirikiano mzuri na Mkuu wa Idara ya Kilimo, Mifugo na Uvuvi, Grace Nyamwanji kwa kufanikisha ushindi huo. Kwa upande wa Mkuu wa Idara ya Kilimo, Mifugo na Uvuvi wa Halamshauri hiyo, Grace Nyamwanji amewashukuru na kuwapongeza, Wakuu wa Idara na Vitengo, Watumishi na  Wadau wote waliyoshiriki maonesho hayo kwa sababu wao ndio chachu ya ushindi huo.
Read more »