BODI YA MAJI BONDE LA ZIWA TANGANYIKA YABORESHA VYANZO VYA MAJI

 


Na Allan Kitwe, Kigoma. 

BODI ya Maji ya Bonde laZiwa Tanganyika imefanikiwa kuboresha uhifadhi na utunzaji wa vyanzo vya maji vilivyopo katika Mikoa 8 na Halmashauri 28 za Miji, Manispaa na Wilaya zilizopo katika Ukanda wa Magharibi mwa Tanzania.

Hayo yamebainishwa juzi na Kaimu Mkurugenzi wa Bodi ya Maji Bonde la Ziwa Tanganyika Bona Mremi alipokuwa akiongea na wanahabari Ofisini kwake Mkoani Kigoma.

Amefafanua shughuli zilizofanywa na Bodi hiyo katika Kanda hiyo kuwa ni kulinda, kuhifadhi na kutunza vyanzo vya maji ikiwemo mabwawa, mito, chemichemi, maziwa, maeneo oevu na fukwe za bahari.

Shughuli nyingine ni kufuatilia mwenendo wa maji katika vyanzo vyote na kugawa maji kwa matumizi mbalimbali, kuongeza idadi ya Jumuiya za Watumiaji Maji kutoka 8 hadi 12 na kupanda miti zaidi ya milioni 2 katika vyanzo vya maji.

‘Tunaishukuru sana Serikali ya Awamu ya Sita inayoongozwa na Rais Dkt Samia Suluhu Hassan kwa kutoa fedha zilizotuwezesha kutekeleza majukumu yetu ya kusimamia, kuhifadhi na kulinda vyanzo vya maji kikamilifu’, ameeleza.

Aidha aliishukuru Serikali kwa kuweka mazingira rafiki na wezeshi kwa wadau kushiriki kikamilifu katika usimamizi na uendelezaji rasilimali za maji katika maeneo mbalimbali.

Kaimu Mkurugenzi amedokeza kuwa kwa mwaka wa fedha 2025/2026 Bodi ilitenga kiasi cha shilingi bilioni 5.5 kwa ajili ya utekelezaji miradi ya maendeleo na shughuli za kiofisi ikiwemo uhifadhi wa vyanzo vya maji.

Amebainisha kuwa ndani ya siku 100 tangu Rais Dkt Samia aingie madarakani katika awamu yake ya pili, Bodi inajivunia kupata mafanikio makubwa ikiwemo kuongeza Jumuiya za Watumiaji Maji kutoka 8 hadi 12 za sasa.

Jumuiya hizo ni Churumwama, Mkama, Nyamagoma, Sagara Juu-Kaliua katika kidakio cha Ugalla na Malagarasi katika Wilaya za Kaliua Mkoani Tabora na Uvinza Mkoani Kigoma.

Mafanikio mengine ni kuongeza tafiti za maji chini ya ardhi kutoka 59 hadi 71, kukagua vituo vya kukusanyia takwimu za kihaidrolojia, kutenga bajeti ya kukarabati mabwawa 4 na kukabidhiwa seti 3 za mitambo ya kuchimba visima.






Maoni

Chapisha Maoni

Machapisho maarufu kutoka blogu hii

MWENYEKITI NAMALULU AWEKWA PEMBENI KUPISHA UCHUNGUZI

Picha
  Na Mwandishi wetu, Simanjiro MWENYEKITI wa kijiji cha Namalulu Wilayani Simanjiro, Mkoani Manyara, Marumai Kirikai amepumzishwa kazi kwa muda wa siku 28 ili kupisha uchunguzi wa matumizi mabaya ya madaraka katika kijiji hicho. Mkuu wa Wilaya ya Simanjiro, Fakii Raphael Lulandala ameunda kamati ya watu saba itakayofanya uchunguzi kwa muda wa siku 24 na baada ya siku 28 endapo  Mwenyekiti huyo atabainika hausiki na tuhuma hizo atarejea kwenye nafasi yake. Lulandala ameyasema hayo wakati akizungumza na wakazi wa kijiji cha Namalulu, baada ya kusikiliza kero, malalamiko na changamoto zao. Ameeleza kwamba hamsimamishi kazi Mwenyekiti huyo ila anapisha uchunguzi kwa muda wa siku 28 na endapo hatakuwa na makosa atarejea tena kwenye nafasi hiyo. "Hausimamishwi kaz ila unakaa pembeni kwa muda wa siku 28 ili kupisha uchunguzi na ofisa mtendaji wa kijiji cha Namalulu Sarafina Olotu ataongoza kijiji kwa kipindi hiki," amesema DC Lulandala. DC Lulandala amewataja wajumbe saba wa kamati ...
Read more »

IGUNGA YAIBUKA MSHINDI WA KWANZA NANENANE TABORA.

Picha
Na Mwandishi Wetu, Tabora.  HALMASHAURI ya Wilaya ya Igunga imeibuka mshindi wa kwanza katika kundi la Mamlaka za Serikali za Mitaa (Tabora na Kigoma) wakati wa Maonesho ya Nanenane mwaka 2025 ngazi ya kanda yaliyofanyika Uwanja wa Maonesho Ipuli - Tabora. Aidha, imeshika nafasi ya pili katika kundi la washindi wa jumla wa mikoa ya Tabora na Kigoma wakati wa Maonesho hayo. Akizungumza baada ya Halfa hiyo, Katibu Tawala wa Wilaya hiyo, Ndug. Elizabeth Rwegasira amempongeza Mkurugenzi wa Halmashauri hiyo, Selwa Hamid kwa ushirikiano mzuri na Mkuu wa Idara ya Kilimo, Mifugo na Uvuvi, Grace Nyamwanji kwa kufanikisha ushindi huo. Kwa upande wa Mkuu wa Idara ya Kilimo, Mifugo na Uvuvi wa Halamshauri hiyo, Grace Nyamwanji amewashukuru na kuwapongeza, Wakuu wa Idara na Vitengo, Watumishi na  Wadau wote waliyoshiriki maonesho hayo kwa sababu wao ndio chachu ya ushindi huo.
Read more »