UWT TABORA WAMLILIA MUNDE TAMBWE

 


Na Allan Kitwe, Tabora.

UMOJA wa Wanawake Tanzania (UWT) Mkoani Tabora wamepokea kwa masikitiko makubwa kifo cha aliyekuwa Mbunge wa Viti Maalumu wa Mkoa huo kupitia Jumuiya hiyo Bi.Munde Tambwe aliyefariki dunia juzi jijini DSM.

Akizungumza na gazeti hili jana Katibu wa Jumuiya hiyo Mkoa wa Tabora Rhoda Madaha ameeleza kuwa marehemu alikuwa nguzo muhimu sana kwa maendeleo ya wanawake wote wa Mkoa huo.

‘Marehemu alikuwa mstari wa mbele kuhamasisha wanawake na Vijana wa Wilaya zote za Mkoa wetu kuanzisha miradi ya kiuchumi ili kujikwamua kimaisha na alikuwa anatenga bajeti yake kuwawezesha’, ameeleza.

Madaha amebainisha kuwa enzi za uhai wake, marehemu alikuwa karibu zaidi na wanawake na kila akirudi kutoka bungeni alikuwa na agenda moja tu ya kukutana na makundi mbalimbali ya akinamama na kusikiliza kero zao.

Ameongeza kuwa ukarimu na ukaribu wake kwa wanawake ulimpa kibali sana ndio maana amekuwa Mbunge wa Viti Maalumu kwa awamu nne za miaka mitano mitano na katika uchaguzi mkuu wa mwaka jana aligombea Jimbo la Sikonge.

Naye Mwenyekiti wa CCM Wilaya ya Tabora Mjini Mohamed Katete ameeleza kuwa marehemu Tambwe alikuwa Kiongozi hodari na mchapa kazi, aliyependwa sana na wananchi na alitumia rasilimali zake kuwainua kiichumi.  

‘Marehemu alikuwa mfano wa kuigwa, alikipenda sana Chama Cha Mapinduzi, alijitolea sana kwa mambo mengi ili kuhakikisha shughuli za chama zinatekelezwa  kama zilizopangwa na viongozi, hakika kifo chake ni pigo kubwa’, ameongeza.

Mbunge wa Viti Maalumu wa Mkoa huo aliyefanya kazi kwa karibu na marehemu Munde,  Jackiline Kainja amekiri kuwa wamepoteza mtu muhimu sana, aliyejua siasa vizuri na aliyekuwa mstari wa mbele kuhakikisha CCM inapata ushindi mnono katika chaguzi zote.







Maoni

Chapisha Maoni

Machapisho maarufu kutoka blogu hii

MWENYEKITI NAMALULU AWEKWA PEMBENI KUPISHA UCHUNGUZI

Picha
  Na Mwandishi wetu, Simanjiro MWENYEKITI wa kijiji cha Namalulu Wilayani Simanjiro, Mkoani Manyara, Marumai Kirikai amepumzishwa kazi kwa muda wa siku 28 ili kupisha uchunguzi wa matumizi mabaya ya madaraka katika kijiji hicho. Mkuu wa Wilaya ya Simanjiro, Fakii Raphael Lulandala ameunda kamati ya watu saba itakayofanya uchunguzi kwa muda wa siku 24 na baada ya siku 28 endapo  Mwenyekiti huyo atabainika hausiki na tuhuma hizo atarejea kwenye nafasi yake. Lulandala ameyasema hayo wakati akizungumza na wakazi wa kijiji cha Namalulu, baada ya kusikiliza kero, malalamiko na changamoto zao. Ameeleza kwamba hamsimamishi kazi Mwenyekiti huyo ila anapisha uchunguzi kwa muda wa siku 28 na endapo hatakuwa na makosa atarejea tena kwenye nafasi hiyo. "Hausimamishwi kaz ila unakaa pembeni kwa muda wa siku 28 ili kupisha uchunguzi na ofisa mtendaji wa kijiji cha Namalulu Sarafina Olotu ataongoza kijiji kwa kipindi hiki," amesema DC Lulandala. DC Lulandala amewataja wajumbe saba wa kamati ...
Read more »

IGUNGA YAIBUKA MSHINDI WA KWANZA NANENANE TABORA.

Picha
Na Mwandishi Wetu, Tabora.  HALMASHAURI ya Wilaya ya Igunga imeibuka mshindi wa kwanza katika kundi la Mamlaka za Serikali za Mitaa (Tabora na Kigoma) wakati wa Maonesho ya Nanenane mwaka 2025 ngazi ya kanda yaliyofanyika Uwanja wa Maonesho Ipuli - Tabora. Aidha, imeshika nafasi ya pili katika kundi la washindi wa jumla wa mikoa ya Tabora na Kigoma wakati wa Maonesho hayo. Akizungumza baada ya Halfa hiyo, Katibu Tawala wa Wilaya hiyo, Ndug. Elizabeth Rwegasira amempongeza Mkurugenzi wa Halmashauri hiyo, Selwa Hamid kwa ushirikiano mzuri na Mkuu wa Idara ya Kilimo, Mifugo na Uvuvi, Grace Nyamwanji kwa kufanikisha ushindi huo. Kwa upande wa Mkuu wa Idara ya Kilimo, Mifugo na Uvuvi wa Halamshauri hiyo, Grace Nyamwanji amewashukuru na kuwapongeza, Wakuu wa Idara na Vitengo, Watumishi na  Wadau wote waliyoshiriki maonesho hayo kwa sababu wao ndio chachu ya ushindi huo.
Read more »