NAIBU KATIBU MKUU CCM AONGOZA MAZISHI YA MNEC TABORA


Na Allan Kitwe, Tabora.

NAIBU Katibu Mkuu wa Chama Cha Mapinduzi (CCM) Tanzania Bara, John Mongella ameongoza umati wa wanaCCM na wakazi wa Tabora kumzika  aliyekuwa Mjumbe wa Halmashauri Kuu ya CCM Mzee Nassoro Hamdan Seif.

Akitoa salamu za chama kwenye ibada ya mazishi kwa niaba ya Katibu Mkuu wa CCM, Mongella amemwelezea Mzee Hamdan kuwa ni Kiongozi aliyekitumikia chama kwa moyo wake wote hali iliyopelekea kuaminiwa na wanaCCM wote.

‘Ndugu zangu wana Tabora nachukua nafasi hii kwa niaba ya Katibu Mkuu wa CCM Dkt Asha-Rose Migiro kuwapa pole nyingi kwa kuondokewa na Mzee wetu, aliyekuwa Kada mwaminifu na nguzo muhimu ya Chama chetu’, ameeleza.

Mongella amebainisha kuwa enzi za uhai wake marehemu amefanya kazi kubwa ya kukiimarisha Chama na kukiwezesha kuibuka kidedea katika chaguzi za Urais, Ubunge na Udiwani na Serikali za Mitaa.

Ametoa wito kwa wanaCCM kuyaenzi mazuri yote aliyoyafanya alipokuwa Kiongozi katika nafasi mbalimbali na kuongeza kuwa umati mkubwa uliojitokeza kumsindikiza leo ni ishara ya matendo mema aliyowafanyia.

Enzi za uhai wake, Mzee Hamdan ameshika nyadhifa mbalimbali ikiwemo Mjumbe wa Halmashauri Kuu ya CCM Taifa (MNEC), Mshauri wa Chama, Naibu Meya wa Manispaa Tabora, Diwani wa Kata na Mwenyekiti wa Serikali ya Mtaa.

Nyingine ni Mlezi wa Hospitali ya Rufaa ya Mkoa wa Tabora, Kitete na Mlezi wa Shule ya Watoto Wasioona ya Furaha iliyopo katika manispaa hiyo, pia alikuwa mdau mkubwa wa shughuli za maendeleo katika Mkoa huo na alijali sana watu.

Mwenyekiti wa CCM Mkoa wa Tabora Saidi Nkumba ameeleza kuwa marehemu ameacha pengo kubwa katika chama chao kwa kuwa alikitumikia kwa moyo wa dhati tangu akiwa kijana na kukiwezesha kupata mafanikio makubwa sana.

‘Mzee Hamdan amekuwa mstari wa mbele kuhakikisha shughuli zote za chama zinafanikiwa na alijitoa sana kwa wana Tabora wote pasipo kujali itikadi za vyama vyao wala dini, hakika tutamkumbuka sana Mzee wetu’, alisema.






Maoni

Chapisha Maoni

Machapisho maarufu kutoka blogu hii

MWENYEKITI NAMALULU AWEKWA PEMBENI KUPISHA UCHUNGUZI

Picha
  Na Mwandishi wetu, Simanjiro MWENYEKITI wa kijiji cha Namalulu Wilayani Simanjiro, Mkoani Manyara, Marumai Kirikai amepumzishwa kazi kwa muda wa siku 28 ili kupisha uchunguzi wa matumizi mabaya ya madaraka katika kijiji hicho. Mkuu wa Wilaya ya Simanjiro, Fakii Raphael Lulandala ameunda kamati ya watu saba itakayofanya uchunguzi kwa muda wa siku 24 na baada ya siku 28 endapo  Mwenyekiti huyo atabainika hausiki na tuhuma hizo atarejea kwenye nafasi yake. Lulandala ameyasema hayo wakati akizungumza na wakazi wa kijiji cha Namalulu, baada ya kusikiliza kero, malalamiko na changamoto zao. Ameeleza kwamba hamsimamishi kazi Mwenyekiti huyo ila anapisha uchunguzi kwa muda wa siku 28 na endapo hatakuwa na makosa atarejea tena kwenye nafasi hiyo. "Hausimamishwi kaz ila unakaa pembeni kwa muda wa siku 28 ili kupisha uchunguzi na ofisa mtendaji wa kijiji cha Namalulu Sarafina Olotu ataongoza kijiji kwa kipindi hiki," amesema DC Lulandala. DC Lulandala amewataja wajumbe saba wa kamati ...
Read more »

IGUNGA YAIBUKA MSHINDI WA KWANZA NANENANE TABORA.

Picha
Na Mwandishi Wetu, Tabora.  HALMASHAURI ya Wilaya ya Igunga imeibuka mshindi wa kwanza katika kundi la Mamlaka za Serikali za Mitaa (Tabora na Kigoma) wakati wa Maonesho ya Nanenane mwaka 2025 ngazi ya kanda yaliyofanyika Uwanja wa Maonesho Ipuli - Tabora. Aidha, imeshika nafasi ya pili katika kundi la washindi wa jumla wa mikoa ya Tabora na Kigoma wakati wa Maonesho hayo. Akizungumza baada ya Halfa hiyo, Katibu Tawala wa Wilaya hiyo, Ndug. Elizabeth Rwegasira amempongeza Mkurugenzi wa Halmashauri hiyo, Selwa Hamid kwa ushirikiano mzuri na Mkuu wa Idara ya Kilimo, Mifugo na Uvuvi, Grace Nyamwanji kwa kufanikisha ushindi huo. Kwa upande wa Mkuu wa Idara ya Kilimo, Mifugo na Uvuvi wa Halamshauri hiyo, Grace Nyamwanji amewashukuru na kuwapongeza, Wakuu wa Idara na Vitengo, Watumishi na  Wadau wote waliyoshiriki maonesho hayo kwa sababu wao ndio chachu ya ushindi huo.
Read more »