MWILI ULIOKATIKA VIPANDE WAKUTWA KWENYE RELI, TABORA

 


Na Allan Kitwe, Tabora.

MWILI wa mwanaume ambaye hajafahamika jina lake umekutwa kwenye reli ya treni huku ukiwa umekatwa vipande katika Mtaa wa Kombomasai, Kata ya Malolo, Manispaa ya Tabora huku ikihisiwa kuwa umeburuzwa na treni iliyopita usiku.

Akizungumzia tukio hilo jana diwani wa Kata hiyo Naomi Kasanga ameeleza kuwa akiwa nyumbani kwake saa 2 asubuhi alipigiwa simu na wananchi wakimjulisha kuwepo mwili huo kwenye reli ya treni ukiwa umekatika vipande.

Ameeleza kuwa alipofika eneo la tukio alikuta mwili huo wa mwanaume ambao unadhaniwa kuwa umeburuzwa na treni iliyopita usiku wa kuamkia jana baada ya kugongwa ila haijafahamika ni nani na alikuwa anatokea wapi.

‘Baada ya kuona mwili huo nilitoa taarifa kituo cha polisi na askari walikuja mara moja eneo hilo na kuuchukua kwa ajili ya uchunguzi zaidi, nashukuru sana wananchi kwa ushirikiano wenu na kunipa taarifa mapema’, amesema.

Mheshimiwa diwani ameomba Wataalamu wa Shirika la Reli Tanzania (TRC) kuweka alama ya hatari katika eneo hilo la makutano ya reli na barabara ya Tabora-Kigoma kwa kuwa eneo hilo limekuwa na matukio mengi ya ajali ya treni.

Ameongeza kuwa eneo hilo zinapita treni za kutoka Kigoma na Katavi, lakini hakuna tahadhari yoyote inayochukuliwa na Shirika pindi treni inapokaribia kupita, jambo ambalo ni hatari sana, hata honi siku hizi treni hazipigi.

Mkazi wa Mtaa huo Moses Johari amesema kuwa eneo hilo ni hatarishi ndio maana ajali za treni zimekuwa zikitokea mara kwa mara na kusababisha madhara makubwa kwa vyombo vya moto na binadamu kupoteza maisha.

‘Tunaomba serikali kupitia Shirika la Reli wachukue hatua za haraka kujenga kizuizi eneo hilo ili kuepusha ajali za mara kwa mara, hapa kuna uzembe kwa wataalamu wetu, mbona zamani ajali zilikuwa hazitokei’, ameshauri.

Ofisa Mnadhimu wa Jeshi la Zimamoto na Uokoaji Mkoa wa Tabora Omari Simba amefafanua kuwa kulingana na mazingira ya mwili huo ni wazi kuwa marehemu atakuwa amegongwa na treni na kuburuzwa kwenye reli hiyo.

Amedokeza kuwa tayari wamepeleka mwili huo Hospitali ya Rufaa ya Mkoa wa Tabora, Kitete, kwa ajili ya uchunguzi zaidi, taratibu zingine zitafuata.




Maoni

Chapisha Maoni

Machapisho maarufu kutoka blogu hii

MWENYEKITI NAMALULU AWEKWA PEMBENI KUPISHA UCHUNGUZI

Picha
  Na Mwandishi wetu, Simanjiro MWENYEKITI wa kijiji cha Namalulu Wilayani Simanjiro, Mkoani Manyara, Marumai Kirikai amepumzishwa kazi kwa muda wa siku 28 ili kupisha uchunguzi wa matumizi mabaya ya madaraka katika kijiji hicho. Mkuu wa Wilaya ya Simanjiro, Fakii Raphael Lulandala ameunda kamati ya watu saba itakayofanya uchunguzi kwa muda wa siku 24 na baada ya siku 28 endapo  Mwenyekiti huyo atabainika hausiki na tuhuma hizo atarejea kwenye nafasi yake. Lulandala ameyasema hayo wakati akizungumza na wakazi wa kijiji cha Namalulu, baada ya kusikiliza kero, malalamiko na changamoto zao. Ameeleza kwamba hamsimamishi kazi Mwenyekiti huyo ila anapisha uchunguzi kwa muda wa siku 28 na endapo hatakuwa na makosa atarejea tena kwenye nafasi hiyo. "Hausimamishwi kaz ila unakaa pembeni kwa muda wa siku 28 ili kupisha uchunguzi na ofisa mtendaji wa kijiji cha Namalulu Sarafina Olotu ataongoza kijiji kwa kipindi hiki," amesema DC Lulandala. DC Lulandala amewataja wajumbe saba wa kamati ...
Read more »

IGUNGA YAIBUKA MSHINDI WA KWANZA NANENANE TABORA.

Picha
Na Mwandishi Wetu, Tabora.  HALMASHAURI ya Wilaya ya Igunga imeibuka mshindi wa kwanza katika kundi la Mamlaka za Serikali za Mitaa (Tabora na Kigoma) wakati wa Maonesho ya Nanenane mwaka 2025 ngazi ya kanda yaliyofanyika Uwanja wa Maonesho Ipuli - Tabora. Aidha, imeshika nafasi ya pili katika kundi la washindi wa jumla wa mikoa ya Tabora na Kigoma wakati wa Maonesho hayo. Akizungumza baada ya Halfa hiyo, Katibu Tawala wa Wilaya hiyo, Ndug. Elizabeth Rwegasira amempongeza Mkurugenzi wa Halmashauri hiyo, Selwa Hamid kwa ushirikiano mzuri na Mkuu wa Idara ya Kilimo, Mifugo na Uvuvi, Grace Nyamwanji kwa kufanikisha ushindi huo. Kwa upande wa Mkuu wa Idara ya Kilimo, Mifugo na Uvuvi wa Halamshauri hiyo, Grace Nyamwanji amewashukuru na kuwapongeza, Wakuu wa Idara na Vitengo, Watumishi na  Wadau wote waliyoshiriki maonesho hayo kwa sababu wao ndio chachu ya ushindi huo.
Read more »