CCM: MAKAMPUNI YASIYOLIPA WAKULIMA YAPIGWE ‘STOP’

 


Na Allan Kitwe, Tabora

CHAMA Cha Mapinduzi (CCM) kimeitaka Bodi ya Tumbaku (TTB) nchini kuchukua hatua mara moja dhidi ya Makampuni yote yanayonunua zao la tumbaku na kushindwa kulipa wakulima kwa wakati, na kushauri wapigwe stop.

Ushauri huo umetolewa jana na Mwenyekiti wa CCM Mkoa wa Tabora Komredi Saidi Nkumba alipokuwa akitoa salamu za chama katika Mkutano Mkuu wa 33 wa Chama Kikuu cha Ushirika wa Wakulima wa Tumbaku (WETCU) Mkoani Tabora.

Amesema kuwa haingiii akilini kuona mkulima akihangaika kuandaa shamba lake mwaka mzima tena kwa gharama kubwa ili kuhakikisha anapata tumbaku nzuri inayokidhi viwango vya soko la ndani na nje lakini anapouza halipwi kwa wakati.

‘Chama Cha Mapinduzi hakifurahishwi na hali hii, Wanunuzi wote wanaokuja kununua mazao ya wakulima wanatambulika kisheria na wanapewa leseni, kama hawafanyi kile kinachotakiwa kuna haja gani ya kuwabembeleza’, ameeleza.

Komredi Nkumba ameitaka Bodi ya Tumbaku kusimamia ipasavyo zao hilo ili mkulima anufaike na jasho lake, aidha aliwataka kuweka utaratibu utakaowabana wanunuzi ili wasifanye kazi kwa mazoea na wanaponunua walipe kwa wakati.

Akiongea kwa niaba ya Mkuu wa Mkoa Paul Chacha, Mkuu wa Wilaya ya Kaliua Dk Gerald Mongela ameeleza kusikitishwa na utendaji wa Bodi ya Tumbaku (TTB) kwa kuwa imeshindwa kuwabana wanunuzi hali inayopelekea kulalamikiwa.

‘Kila mwaka tunakemea na kudhibiti vitendo vya utoroshwaji tumbaku ili isiuzwe kiholela na kuwakosesha wakulima mapato halali, lakini kama hawalipwi fedha zao kwa wakati tunawaonea, TTB mnatuchosha, badilikeni’, ameongeza.

Mheshimiwa DC ametumia mkutano huo kuagiza Makampuni yote ambayo hayajalipa fedha za wakulima za msimu uliopita kulipa mara moja vinginevyo hatua kali za kisheria zitachukuliwa dhidi yao ikiwemo kupigwa stop kabisa.

Awali Mwenyekiti wa Bodi ya WETCU Hassan Kitunga ameeleza kuwa Bodi hiyo imeaminiwa na wakulima kusimamia shughuli zao ili kilimo hicho kilete tija katika maisha yao na changamoto zilizopo zifanyiwe kazi mara moja.   

Amebainisha kuwa bei ya tumbaku kwa msimu huu imeshuka kidogo kuliko msimu uliopita kutokana na kuporomoka kwa bei ya soko la dunia ila akawataka kuwa watulivu wakati serikali ikiendelea na vikao vya majadiliano ili kuongeza bei hiyo.







Maoni

Chapisha Maoni

Machapisho maarufu kutoka blogu hii

MWENYEKITI NAMALULU AWEKWA PEMBENI KUPISHA UCHUNGUZI

Picha
  Na Mwandishi wetu, Simanjiro MWENYEKITI wa kijiji cha Namalulu Wilayani Simanjiro, Mkoani Manyara, Marumai Kirikai amepumzishwa kazi kwa muda wa siku 28 ili kupisha uchunguzi wa matumizi mabaya ya madaraka katika kijiji hicho. Mkuu wa Wilaya ya Simanjiro, Fakii Raphael Lulandala ameunda kamati ya watu saba itakayofanya uchunguzi kwa muda wa siku 24 na baada ya siku 28 endapo  Mwenyekiti huyo atabainika hausiki na tuhuma hizo atarejea kwenye nafasi yake. Lulandala ameyasema hayo wakati akizungumza na wakazi wa kijiji cha Namalulu, baada ya kusikiliza kero, malalamiko na changamoto zao. Ameeleza kwamba hamsimamishi kazi Mwenyekiti huyo ila anapisha uchunguzi kwa muda wa siku 28 na endapo hatakuwa na makosa atarejea tena kwenye nafasi hiyo. "Hausimamishwi kaz ila unakaa pembeni kwa muda wa siku 28 ili kupisha uchunguzi na ofisa mtendaji wa kijiji cha Namalulu Sarafina Olotu ataongoza kijiji kwa kipindi hiki," amesema DC Lulandala. DC Lulandala amewataja wajumbe saba wa kamati ...
Read more »

IGUNGA YAIBUKA MSHINDI WA KWANZA NANENANE TABORA.

Picha
Na Mwandishi Wetu, Tabora.  HALMASHAURI ya Wilaya ya Igunga imeibuka mshindi wa kwanza katika kundi la Mamlaka za Serikali za Mitaa (Tabora na Kigoma) wakati wa Maonesho ya Nanenane mwaka 2025 ngazi ya kanda yaliyofanyika Uwanja wa Maonesho Ipuli - Tabora. Aidha, imeshika nafasi ya pili katika kundi la washindi wa jumla wa mikoa ya Tabora na Kigoma wakati wa Maonesho hayo. Akizungumza baada ya Halfa hiyo, Katibu Tawala wa Wilaya hiyo, Ndug. Elizabeth Rwegasira amempongeza Mkurugenzi wa Halmashauri hiyo, Selwa Hamid kwa ushirikiano mzuri na Mkuu wa Idara ya Kilimo, Mifugo na Uvuvi, Grace Nyamwanji kwa kufanikisha ushindi huo. Kwa upande wa Mkuu wa Idara ya Kilimo, Mifugo na Uvuvi wa Halamshauri hiyo, Grace Nyamwanji amewashukuru na kuwapongeza, Wakuu wa Idara na Vitengo, Watumishi na  Wadau wote waliyoshiriki maonesho hayo kwa sababu wao ndio chachu ya ushindi huo.
Read more »