SERIKALI YAPONGEZWA KUHARAKISHA MAENDELEO YA WANANCHI

 


Na Allan Kitwe, Tabora

SERIKALI ya Awamu ya Sita inayoongozwa na Rais Dkt Samia Suluhu Hassan imepongezwa kwa kupeleka mabilioni ya fedha za miradi ya maendeleo katika halmashari ya manispaa Tabora ili kuchochea maendeleo ya wananchi.

Pongezi hizo zimetolewa na Mstahiki Meya wa Halmashauri ya manispaa hiyo Ghullan Remtullah Dewj (diwani wa Kata ya Kanyenye) alipokuwa akizungumza kwenye kikao cha baraza la madiwani wa halmashauri hiyo jana.

Ameeleza kuwa mabilioni yaliyoletwa katika halmashauri hiyo yamekuwa kichocheo kikubwa cha maendeleo ya wananchi ikiwemo kuboreshwa kwa miundombinu ya utoaji huduma za kijamii.

Ghullam amesema kuwa mabilioni hayo yameendelea kutekeleza miradi mikubwa ya kimkakati ikiwemo ujenzi wa stendi mpya ya kisasa eneo la Inala, soko jipya la kisasa na ujenzi wa km 10 za barabara za lami.

'Tunampongeza sana Mheshimiwa Rais kwa kuwajali wananchi wa manispaa ya Tabora na kutuletea mabilioni ya fedha ili miradi inayotekelezwa ilete tija kubwa kwa jamii,’ ameeleza.

Amesisistiza kuwa kila diwani aliyechaguliwa mwaka huu yupo tayari kuwatumikia wapiga kura wake na kubainisha kuwa mwaka huu wamekuja kivingine, kila mmoja anataka matokeo chanya katika kata yake.

Ameomba Watendaji na Wataalamu wote wa halmashauri hiyo kuwapa ushirikiano wa kutosha waheshimiwa madiwani ili kuhakikisha miradi yote inayotekelezwa na serikali katika kata zao inaleta matokeo chanya.

Aidha amemwagiza Mkurugenzi kuhakikisha miradi yote inakamilika kwa wakati na miradi viporo itengewe bajeti kupitia mapato ya ndani ili utekelezaji wake uendelee ili kunufaishawananchi.

Naye Naibu Mstahiki Meya wa Halmashauri hiyo Hadija Nassoro Bunduki aliwashukuru madiwani wenzake kwa kumwamini na kumpa kura zote za ndiyo ili amsaidie Mstahiki Meya kufanikisha utekelezaji majukumu yake. 




Maoni

Chapisha Maoni

Machapisho maarufu kutoka blogu hii

MWENYEKITI NAMALULU AWEKWA PEMBENI KUPISHA UCHUNGUZI

Picha
  Na Mwandishi wetu, Simanjiro MWENYEKITI wa kijiji cha Namalulu Wilayani Simanjiro, Mkoani Manyara, Marumai Kirikai amepumzishwa kazi kwa muda wa siku 28 ili kupisha uchunguzi wa matumizi mabaya ya madaraka katika kijiji hicho. Mkuu wa Wilaya ya Simanjiro, Fakii Raphael Lulandala ameunda kamati ya watu saba itakayofanya uchunguzi kwa muda wa siku 24 na baada ya siku 28 endapo  Mwenyekiti huyo atabainika hausiki na tuhuma hizo atarejea kwenye nafasi yake. Lulandala ameyasema hayo wakati akizungumza na wakazi wa kijiji cha Namalulu, baada ya kusikiliza kero, malalamiko na changamoto zao. Ameeleza kwamba hamsimamishi kazi Mwenyekiti huyo ila anapisha uchunguzi kwa muda wa siku 28 na endapo hatakuwa na makosa atarejea tena kwenye nafasi hiyo. "Hausimamishwi kaz ila unakaa pembeni kwa muda wa siku 28 ili kupisha uchunguzi na ofisa mtendaji wa kijiji cha Namalulu Sarafina Olotu ataongoza kijiji kwa kipindi hiki," amesema DC Lulandala. DC Lulandala amewataja wajumbe saba wa kamati ...
Read more »

IGUNGA YAIBUKA MSHINDI WA KWANZA NANENANE TABORA.

Picha
Na Mwandishi Wetu, Tabora.  HALMASHAURI ya Wilaya ya Igunga imeibuka mshindi wa kwanza katika kundi la Mamlaka za Serikali za Mitaa (Tabora na Kigoma) wakati wa Maonesho ya Nanenane mwaka 2025 ngazi ya kanda yaliyofanyika Uwanja wa Maonesho Ipuli - Tabora. Aidha, imeshika nafasi ya pili katika kundi la washindi wa jumla wa mikoa ya Tabora na Kigoma wakati wa Maonesho hayo. Akizungumza baada ya Halfa hiyo, Katibu Tawala wa Wilaya hiyo, Ndug. Elizabeth Rwegasira amempongeza Mkurugenzi wa Halmashauri hiyo, Selwa Hamid kwa ushirikiano mzuri na Mkuu wa Idara ya Kilimo, Mifugo na Uvuvi, Grace Nyamwanji kwa kufanikisha ushindi huo. Kwa upande wa Mkuu wa Idara ya Kilimo, Mifugo na Uvuvi wa Halamshauri hiyo, Grace Nyamwanji amewashukuru na kuwapongeza, Wakuu wa Idara na Vitengo, Watumishi na  Wadau wote waliyoshiriki maonesho hayo kwa sababu wao ndio chachu ya ushindi huo.
Read more »