MWENYEKITI BODI YA NRH AZINDUA RASMI SHUGHULI ZA UJENZI JENGO LA GHOROFA IDARA YA MATERNITY.














Na Mwandishi Wetu, Igunga.

MWENYEKITI wa bodi ya Hospitali ya Rufaa ya Nkinga (NRH) iliyopo Kata ya Nkinga Wilaya ya Igunga Mkoani Tabora, Askofu Sixberth Kuzenza wiki hii amezindua rasmi shughuli za ujenzi wa jengo jipya lenye ghorofa katika Idara ya mama na mtoto zinazotazamiwa kuanza mapema mwaka huu 2026.

Tukio hilo la kihistoria limefanyika kwa ishara ya kuchimba udongo katika eneo ambalo litajengwa jengo hilo, ambapo hivi karibuni shughuli za ubomoaji wa majengo yanayotumika zitaanza rasmi baada ya huduma zitolewazo mahali hapo kuhamishiwa eneo lingine.

Askofu Kuzenza amesema; wanamshukuru Mungu kwakuwa hatua hiyo ni muendelezo wa utekelezaji wa mpango mkakati wa Hospitali wa miaka 5 kuhakikisha huduma na miundombinu ya taasisi inaboreshwa zaidi ili kuwapatia wananchi huduma katika mazingira bora.

"Tunamshukuru Mungu sana kwakuwa ni jambo lililokuwa kwenye mpango mkakati wa Hospitali, na sasa tunaanza kuona utekelezaji wake, tunamwamini Mungu litakamilika kwa wakati ili liweze kuwafaa akina mama" amesema Askofu Kuzenza.

Ameongeza, "Tumejiwekea malengo Hospitali yetu kuipandisha hadhi kutoka kuwa Hospitali ya Rufaa ngazi ya mkoa na kuwa ya Rufaa ngazi ya Kanda" amenukuliwa Askofu Kuzenza.

Mwakilishi wa bodi ya Nkinga Friends toka nchini Sweden ndg.Mattias Lägermo amesema, amejisikia vizuri kuwa Nkinga wakati historia mpya inaenda kuandikwa, na kubainisha kwamba hadi mwisho wa mwaka huu sehemu ya jengo hilo itakuwa imesimama.

Dkt.Tito Chaula ni Mganga Mfawidhi amesema, jengo linalotumika sasa lilijengwa mwaka 1948 hivyo limekuwa halikidhi mahitaji ya sasa, kwani halina huduma za mtoto karibu kama vile Premature UNIT na NICU.

Amesema, huduma za mtoto kwa miaka mingi zimekuwa zikipatikana umbali mrefu takribani mita 700 toka anapolqzwa mzazi, hali inayosababisha usumbufu mkubwa kwa mzazi anapohitaji kumuhudumia mtoto au kama amejifungua kwa njia ya Upasuaji.

Jengo jipya la ghorofa linalojengwa litakuwa na huduma zote muhimu za mama na mtoto ikiwemo, kitengo cha NICU, Premature, Vyumba vya kisasa vya kujifungulia, Wodi za kisasa, HDU ya kisasa, Theatre ya Mama mzazi na huduma zingine muhimu.





Maoni

Chapisha Maoni

Machapisho maarufu kutoka blogu hii

MWENYEKITI NAMALULU AWEKWA PEMBENI KUPISHA UCHUNGUZI

Picha
  Na Mwandishi wetu, Simanjiro MWENYEKITI wa kijiji cha Namalulu Wilayani Simanjiro, Mkoani Manyara, Marumai Kirikai amepumzishwa kazi kwa muda wa siku 28 ili kupisha uchunguzi wa matumizi mabaya ya madaraka katika kijiji hicho. Mkuu wa Wilaya ya Simanjiro, Fakii Raphael Lulandala ameunda kamati ya watu saba itakayofanya uchunguzi kwa muda wa siku 24 na baada ya siku 28 endapo  Mwenyekiti huyo atabainika hausiki na tuhuma hizo atarejea kwenye nafasi yake. Lulandala ameyasema hayo wakati akizungumza na wakazi wa kijiji cha Namalulu, baada ya kusikiliza kero, malalamiko na changamoto zao. Ameeleza kwamba hamsimamishi kazi Mwenyekiti huyo ila anapisha uchunguzi kwa muda wa siku 28 na endapo hatakuwa na makosa atarejea tena kwenye nafasi hiyo. "Hausimamishwi kaz ila unakaa pembeni kwa muda wa siku 28 ili kupisha uchunguzi na ofisa mtendaji wa kijiji cha Namalulu Sarafina Olotu ataongoza kijiji kwa kipindi hiki," amesema DC Lulandala. DC Lulandala amewataja wajumbe saba wa kamati ...
Read more »

IGUNGA YAIBUKA MSHINDI WA KWANZA NANENANE TABORA.

Picha
Na Mwandishi Wetu, Tabora.  HALMASHAURI ya Wilaya ya Igunga imeibuka mshindi wa kwanza katika kundi la Mamlaka za Serikali za Mitaa (Tabora na Kigoma) wakati wa Maonesho ya Nanenane mwaka 2025 ngazi ya kanda yaliyofanyika Uwanja wa Maonesho Ipuli - Tabora. Aidha, imeshika nafasi ya pili katika kundi la washindi wa jumla wa mikoa ya Tabora na Kigoma wakati wa Maonesho hayo. Akizungumza baada ya Halfa hiyo, Katibu Tawala wa Wilaya hiyo, Ndug. Elizabeth Rwegasira amempongeza Mkurugenzi wa Halmashauri hiyo, Selwa Hamid kwa ushirikiano mzuri na Mkuu wa Idara ya Kilimo, Mifugo na Uvuvi, Grace Nyamwanji kwa kufanikisha ushindi huo. Kwa upande wa Mkuu wa Idara ya Kilimo, Mifugo na Uvuvi wa Halamshauri hiyo, Grace Nyamwanji amewashukuru na kuwapongeza, Wakuu wa Idara na Vitengo, Watumishi na  Wadau wote waliyoshiriki maonesho hayo kwa sababu wao ndio chachu ya ushindi huo.
Read more »