WASIMAMIZI WA USAILI WAPEWA MAFUNZO MAALUM




Na Mwandishi Wetu, Dar Es Salaam.

KATIBU wa Sekretarieti ya Ajira Bw. Mick Kiliba ameongoza kikao kazi cha Mafunzo kwa wasimamizi wa usaili Mkoa wa Dar es Salaam jana tarehe 14 Desemba, 2025 katika Ukumbi wa Karimjee.

Mafunzo hayo ambayo yamefanyika katika kila mkoa Nchini yakiwa na lengo la kuwakumbusha wasimamizi wa usaili kuzingatia sheria, kanuni, na taratibu za uendeshaji wa mchakato wa ajira ili kuhakikisha haki inatendeka na wasailiwa wanapata kazi kulingana na uwezo na umahiri waliouonyesha katika saili hizo.

“Mwanzoni mwa mwezi wa kumi Rais wa Jamhuri ya Muungano wa Tanzania Mhe. Dkt. Samia Suluhu Hassan alitoa ahadi ya kuajiri nafasi 12,000 za kazi ndani ya siku 100 za kwanza baada ya kuapishwa, ambapo nafasi 5000 ni kwa kada za Afya na nafasi 7000 kwa kada za Elimu.

 Sekretarieti ya Ajira ilishaanza kazi ya kutekeleza Maagizo hayo na leo hii nyinyi mmeteuliwa kuhakikisha adhma ya Mhe. Rais inatekelezwa kwa wakati ili kabla ya siku 100 kufika tuwe tumekamilisha kupata wataalamu wenye sifa na weledi, Hivyo ninawaomba mkawatendee Haki Watanzania, msimpendelee wala kumuonea mtu, Hakikisheni Serikali inapata wataalamu bora kuingia katika Utumishi wa Umma.” Alisema Kiliba

Aidha, Kikao hicho kimeratibiwa na Ofisi ya Mkuu wa Mkoa wa Dar es Salaam, chini ya Katibu Tawala wa Mkoa huo ambapo Ndg. Laurence Malangwa Katibu Tawala Msaidizi, sehemu ya Utawala na Usimamizi wa Rasilimaliwatu kwa niaba ya Katibu Tawala alituma Salamu za Mkuu wa Mkoa wa Dar es Salaam akiwataka watumishi walioaminiwa kufanya kazi kwa weledi na uadilifu mkubwa kwa kuzingatia kanuni, sheria, na taratibu katika Utumishi wa Umma, kwa kuweka mbele maslahi ya Taifa letu ili kukamilisha ahadi ya Mhe. Rais kwa Watanzania.

Mafunzo hayo yalihudhuriwa na watumishi wa umma kutoka Ofisi mbalimbali za Umma ndani ya Mkoa wa Dar es Salaam ambao wameteuliwa kushiriki katika mchakato wa Ajira.






Maoni

Chapisha Maoni

Machapisho maarufu kutoka blogu hii

MWENYEKITI NAMALULU AWEKWA PEMBENI KUPISHA UCHUNGUZI

Picha
  Na Mwandishi wetu, Simanjiro MWENYEKITI wa kijiji cha Namalulu Wilayani Simanjiro, Mkoani Manyara, Marumai Kirikai amepumzishwa kazi kwa muda wa siku 28 ili kupisha uchunguzi wa matumizi mabaya ya madaraka katika kijiji hicho. Mkuu wa Wilaya ya Simanjiro, Fakii Raphael Lulandala ameunda kamati ya watu saba itakayofanya uchunguzi kwa muda wa siku 24 na baada ya siku 28 endapo  Mwenyekiti huyo atabainika hausiki na tuhuma hizo atarejea kwenye nafasi yake. Lulandala ameyasema hayo wakati akizungumza na wakazi wa kijiji cha Namalulu, baada ya kusikiliza kero, malalamiko na changamoto zao. Ameeleza kwamba hamsimamishi kazi Mwenyekiti huyo ila anapisha uchunguzi kwa muda wa siku 28 na endapo hatakuwa na makosa atarejea tena kwenye nafasi hiyo. "Hausimamishwi kaz ila unakaa pembeni kwa muda wa siku 28 ili kupisha uchunguzi na ofisa mtendaji wa kijiji cha Namalulu Sarafina Olotu ataongoza kijiji kwa kipindi hiki," amesema DC Lulandala. DC Lulandala amewataja wajumbe saba wa kamati ...
Read more »

IGUNGA YAIBUKA MSHINDI WA KWANZA NANENANE TABORA.

Picha
Na Mwandishi Wetu, Tabora.  HALMASHAURI ya Wilaya ya Igunga imeibuka mshindi wa kwanza katika kundi la Mamlaka za Serikali za Mitaa (Tabora na Kigoma) wakati wa Maonesho ya Nanenane mwaka 2025 ngazi ya kanda yaliyofanyika Uwanja wa Maonesho Ipuli - Tabora. Aidha, imeshika nafasi ya pili katika kundi la washindi wa jumla wa mikoa ya Tabora na Kigoma wakati wa Maonesho hayo. Akizungumza baada ya Halfa hiyo, Katibu Tawala wa Wilaya hiyo, Ndug. Elizabeth Rwegasira amempongeza Mkurugenzi wa Halmashauri hiyo, Selwa Hamid kwa ushirikiano mzuri na Mkuu wa Idara ya Kilimo, Mifugo na Uvuvi, Grace Nyamwanji kwa kufanikisha ushindi huo. Kwa upande wa Mkuu wa Idara ya Kilimo, Mifugo na Uvuvi wa Halamshauri hiyo, Grace Nyamwanji amewashukuru na kuwapongeza, Wakuu wa Idara na Vitengo, Watumishi na  Wadau wote waliyoshiriki maonesho hayo kwa sababu wao ndio chachu ya ushindi huo.
Read more »