UPENDO WELLA AONYA UBADHIRIFU KWENYE MIRADI




Na Allan Kitwe, Tabora

MKUU wa Wilaya ya Tabora Upendo Wella amewataka Wataalamu, Watendaji na Madiwani wa Halmashauri ya manispaa Tabora kuongeza umakini kwenye miradi ya maendeleo inayotekelezwa na serikali na kujiepusha na vitendo vya ubadhirifu.

DC ametoa onyo hilo juzi alipokuwa akiongea na Wakuu wa Idara, Watendaji na madiwani wa halmashauri ya manispaa hiyo ambapo aliwataka kuhakikisha miradi yote inasimamiwa ipasavyo ili ilete tija.

Amedokea kuwa serikali ya Awamu ya Sita inayoongozwa na Rais Dkt Samia Suluhu Hassan imeleta fedha nyingi sana kwa ajili ya utekelezaji miradi ili kuharakisha maendeleo ya wananchi.

Ametaja baadhi ya miradi inayotekelezwa na serikali ya Awamu ya Sita katika manispaa hiyo kuwa ni ujenzi wa stendi mpya ya kisasa, soko kuu, barabara za lami za mitaa zenye urefu wa km 10 na mingineyo.

‘Simamieni ipasavyo miradi yote inayotekelezwa katika maeneo yenu ili ikamilike kwa wakati na kwa ubora unaotakiwa, kinyume na hapo tutakuwa na mashaka na weledi wenu’, ameeleza. 

Wella amedokeza kuwa miradi yote inayotekelezwa na serikali ni ya wananchi, hivyo ikitekelezwa chini ya kiwango viongozi waliopewa dhamana kusimamia miradi hiyo watawajibika.

‘Ili miradi hii ikamilike kwa wakati, madiwani, wataalamu na watendaji hamna budi kushikamana, kinyume na hapo mtalaumiana na kuazimiana kwenye vikao vya baraza’, amesema.

Aidha amewataka kuongeza kasi ya ukusanyaji mapato ikiwemo kubuni vyanzo vipya ili kuharakisha maendeleo ya wananchi, huku akimtaka Mkurugenzi wa manispaa hiyo kutofumbia macho upotevu wa aina yoyote wa mapato.

Mbunge wa Jimbo hilo Hawa Mwaifunga ameunga mkono maelekezo hayo na kumhakikishia kuwa watafanya kazi kama timu 1 na kufuatilia kwa umakini mkubwa matumizi ya fedha zote zikiwemo zinazoletwa na serikali kuu.

Amesisitiza kuwa ilani ya uchaguzi ya Chama Cha Mapinduzi (CCM) haiwezi kutekelezwa kama hakuna usimamizi mzuri wa matumizi ya fedha za miradi, hivyo akaitaka timu ya mapato kufanya kazi kwa weledi mkubwa.




Maoni

Chapisha Maoni

Machapisho maarufu kutoka blogu hii

MWENYEKITI NAMALULU AWEKWA PEMBENI KUPISHA UCHUNGUZI

Picha
  Na Mwandishi wetu, Simanjiro MWENYEKITI wa kijiji cha Namalulu Wilayani Simanjiro, Mkoani Manyara, Marumai Kirikai amepumzishwa kazi kwa muda wa siku 28 ili kupisha uchunguzi wa matumizi mabaya ya madaraka katika kijiji hicho. Mkuu wa Wilaya ya Simanjiro, Fakii Raphael Lulandala ameunda kamati ya watu saba itakayofanya uchunguzi kwa muda wa siku 24 na baada ya siku 28 endapo  Mwenyekiti huyo atabainika hausiki na tuhuma hizo atarejea kwenye nafasi yake. Lulandala ameyasema hayo wakati akizungumza na wakazi wa kijiji cha Namalulu, baada ya kusikiliza kero, malalamiko na changamoto zao. Ameeleza kwamba hamsimamishi kazi Mwenyekiti huyo ila anapisha uchunguzi kwa muda wa siku 28 na endapo hatakuwa na makosa atarejea tena kwenye nafasi hiyo. "Hausimamishwi kaz ila unakaa pembeni kwa muda wa siku 28 ili kupisha uchunguzi na ofisa mtendaji wa kijiji cha Namalulu Sarafina Olotu ataongoza kijiji kwa kipindi hiki," amesema DC Lulandala. DC Lulandala amewataja wajumbe saba wa kamati ...
Read more »

IGUNGA YAIBUKA MSHINDI WA KWANZA NANENANE TABORA.

Picha
Na Mwandishi Wetu, Tabora.  HALMASHAURI ya Wilaya ya Igunga imeibuka mshindi wa kwanza katika kundi la Mamlaka za Serikali za Mitaa (Tabora na Kigoma) wakati wa Maonesho ya Nanenane mwaka 2025 ngazi ya kanda yaliyofanyika Uwanja wa Maonesho Ipuli - Tabora. Aidha, imeshika nafasi ya pili katika kundi la washindi wa jumla wa mikoa ya Tabora na Kigoma wakati wa Maonesho hayo. Akizungumza baada ya Halfa hiyo, Katibu Tawala wa Wilaya hiyo, Ndug. Elizabeth Rwegasira amempongeza Mkurugenzi wa Halmashauri hiyo, Selwa Hamid kwa ushirikiano mzuri na Mkuu wa Idara ya Kilimo, Mifugo na Uvuvi, Grace Nyamwanji kwa kufanikisha ushindi huo. Kwa upande wa Mkuu wa Idara ya Kilimo, Mifugo na Uvuvi wa Halamshauri hiyo, Grace Nyamwanji amewashukuru na kuwapongeza, Wakuu wa Idara na Vitengo, Watumishi na  Wadau wote waliyoshiriki maonesho hayo kwa sababu wao ndio chachu ya ushindi huo.
Read more »