TASAC YAKUSANYA MAONI YA MAREKEBISHO YA NAULI ZA MV. BIJLEE NA MV. NYEHUNGE

 



Na Lubango Mleka, Mwanza.

SHIRIKA la Uwakala wa Meli Tanzania (TASAC), leo tarehe 16 Desemba 2025 limefanya mkutano wa wadau jijini Mwanza kwa lengo la kukusanya maoni kuhusu maombi ya marekebisho ya nauli za meli za MV. Bijlee na MV. Nyehunge, zinazofanya safari kati ya Mwanza na Nansio- Ukerewe katika Ziwa Victoria.

Mkutano huo uliofanyika katika Ukumbi wa Dominic ulifunguliwa rasmi na Bw. Nahson Sigalla, mwakilishi wa Mkurugenzi Mkuu wa TASAC, na kuhudhuriwa na viongozi wa Serikali, waendeshaji wa meli, pamoja na wadau mbalimbali wa sekta ya usafiri wa majini jijini Mwanza. 

Akizungumza wakati wa ufunguzi, Bw. Sigalla amesema kuwa maombi ya marekebisho ya nauli yamewasilishwa na Kampuni ya Manoj V. Mehta Investments Ltd., waendeshaji wa MV. Bijlee, na Said Mohamed & Brothers Co. Ltd., waendeshaji wa MV. Nyehunge.

Alieleza kuwa kikao hicho kimeandaliwa kwa mujibu wa Kifungu cha 29 cha Sheria ya Uwakala wa Meli Tanzania, Sura ya 415, kinachotaka ushirikishwaji wa wadau kabla ya uridhiwaji wa tozo au marekebisho ya nauli. 

“Zoezi hili linalenga kuhakikisha uwazi, ushirikishwaji mpana, na maslahi ya watumiaji wa huduma za usafiri wa majini yanazingatiwa ipasavyo kabla ya uamuzi wowote kufanyika. Na maoni yote yatakusanywa na kuzingatiwa kabla ya kufanya maamuzi ya mwisho kuhusu idhini ya marekebisho ya nauli,” amesema Bw. Sigalla.

Katika mkutano huo, waendeshaji wa meli waliwasilisha mapendekezo ya marekebisho ya nauli pamoja na sababu zilizochochea maombi hayo, huku wadau wakichangia kuhusu mapendekezo hayo na kutoa maoni yao. 

TASAC imetoa wito kwa wadau ambao hawakupata nafasi ya kutoa maoni yao wakati wa mkutano kuwasilisha maoni kwa maandishi katika ofisi zake za Mwanza au Dar es Salaam kabla au ifikapo tarehe 30 Desemba 2025.











Maoni

Chapisha Maoni

Machapisho maarufu kutoka blogu hii

MWENYEKITI NAMALULU AWEKWA PEMBENI KUPISHA UCHUNGUZI

Picha
  Na Mwandishi wetu, Simanjiro MWENYEKITI wa kijiji cha Namalulu Wilayani Simanjiro, Mkoani Manyara, Marumai Kirikai amepumzishwa kazi kwa muda wa siku 28 ili kupisha uchunguzi wa matumizi mabaya ya madaraka katika kijiji hicho. Mkuu wa Wilaya ya Simanjiro, Fakii Raphael Lulandala ameunda kamati ya watu saba itakayofanya uchunguzi kwa muda wa siku 24 na baada ya siku 28 endapo  Mwenyekiti huyo atabainika hausiki na tuhuma hizo atarejea kwenye nafasi yake. Lulandala ameyasema hayo wakati akizungumza na wakazi wa kijiji cha Namalulu, baada ya kusikiliza kero, malalamiko na changamoto zao. Ameeleza kwamba hamsimamishi kazi Mwenyekiti huyo ila anapisha uchunguzi kwa muda wa siku 28 na endapo hatakuwa na makosa atarejea tena kwenye nafasi hiyo. "Hausimamishwi kaz ila unakaa pembeni kwa muda wa siku 28 ili kupisha uchunguzi na ofisa mtendaji wa kijiji cha Namalulu Sarafina Olotu ataongoza kijiji kwa kipindi hiki," amesema DC Lulandala. DC Lulandala amewataja wajumbe saba wa kamati ...
Read more »

IGUNGA YAIBUKA MSHINDI WA KWANZA NANENANE TABORA.

Picha
Na Mwandishi Wetu, Tabora.  HALMASHAURI ya Wilaya ya Igunga imeibuka mshindi wa kwanza katika kundi la Mamlaka za Serikali za Mitaa (Tabora na Kigoma) wakati wa Maonesho ya Nanenane mwaka 2025 ngazi ya kanda yaliyofanyika Uwanja wa Maonesho Ipuli - Tabora. Aidha, imeshika nafasi ya pili katika kundi la washindi wa jumla wa mikoa ya Tabora na Kigoma wakati wa Maonesho hayo. Akizungumza baada ya Halfa hiyo, Katibu Tawala wa Wilaya hiyo, Ndug. Elizabeth Rwegasira amempongeza Mkurugenzi wa Halmashauri hiyo, Selwa Hamid kwa ushirikiano mzuri na Mkuu wa Idara ya Kilimo, Mifugo na Uvuvi, Grace Nyamwanji kwa kufanikisha ushindi huo. Kwa upande wa Mkuu wa Idara ya Kilimo, Mifugo na Uvuvi wa Halamshauri hiyo, Grace Nyamwanji amewashukuru na kuwapongeza, Wakuu wa Idara na Vitengo, Watumishi na  Wadau wote waliyoshiriki maonesho hayo kwa sababu wao ndio chachu ya ushindi huo.
Read more »