MAGE NELSON MWENYEKITI MPYA TAWOMA MIRERANI

 




Na Mwandishi wetu, Mirerani 

MFANYABIASHARA maarufu wa kuongeza thamani madini ya Tanzanite wa mji mdogo wa Mirerani Wilayani Simanjiro Mkoani Manyara, Magreth Nelson amechaguliwa kuwa Mwenyekiti wa chama cha wanawake wanaojihusisha na shughuli za madini Tanzania (TAWOMA) Tawi la Mirerani.

Mage atatumikia kwa muda wa miaka mitano nafasi hiyo ya Mwenyekiti wa wanawake wafanyabiashara wa magonga ndani ya ukuta unaozunguka migodi ya madini ya Tanzanite mji mdogo wa Mirerani.

Katika uchaguzi huo uliofanyika chini ya Makamu Mwenyekiti wa TAWOMA, Rachel Joseph Njau na Katibu Mkuu wa TAWOMA, Salma Ernest Kundi na kusimamiwa na Mwenyekiti wa MAREMA Tawi la Komolo Swalehe Abdalah na mjumbe wa MAREMA Tawi la Mirerani Jafar Matimbwa na kushuhudiwa na Afisa maendeleo ya jamii mamlaka ya mji mdogo wa Mirerani Floriana Mcharo.

Mwenyekiti wa MAREMA Tawi la Komolo, Swalehe Abdalah akitangaza matokeo hayo amesema Magreth Nelson ambaye hakuwa na mpinzani alishinda nafasi hiyo kwa kupata kura 95.

Amesema Pendo Malifedha alichaguliwa kuwa Makamu Mwenyekiti kwa kura 93 na Chausiku Marwa alichaguliwa kuwa Katibu TAWOMA kwa kura 91.

Ameeleza kwamba nafasi ya Katibu msaidizi imeshikwa na Siana Mmasy aliyepata kura 69 dhidi ya Teddy Clement aliyepata kura 26.

Amesema Mweka hazina wa TAWOMA Tawi la Mirerani amechaguliwa Veronica Mwita kwa kura 93 na Mweka hazina msaidizi ni Khadija Ally aliyepata kura 92.

Amewataja wajumbe watano wa TAWOMA Tawi la Mirerani ni Mary Mnyawi, Mary Mdee, Halima Maganga, Adelfina Mboya na Zubeda Iddy.

Mwenyekiti mpya wa TAWOMA Tawi la Mirerani, Magreth Nelson amewashukuru wanawake hao kwa kumpa imani kubwa na kumchagua kwa kura zote kuwa kiongozi wao hivyo atawatumikia kwa moyo mmoja.

Mage amewapongeza wanawake 21 waliokata leseni kwa kila mmoja hivyo waendeleze umoja na mshikamano ili waliobaki nao wapate leseni ya kila mmoja wao.

Amewaahidi utumishi mwema na uliotukuka kwa kipindi chote atakachokuwa Mwenyekiti wao hivyo wampe ushirikiano wa kutosha katika kutumikia nafasi hiyo.

Makamu Mwenyekiti wa TAWOMA Taifa Rachel Njau ambaye pia ni Katibu wa MAREMA Tawi la Mirerani amewasihi wanawake hao waongeza thamani madini ya Tanzanite kupendana, kushirikisha na kuondokana na maneno uzushi au masengenyo.

"Tuleni keki iliyopo hapa Mirerani na tuachaneni na kelele zisizo na maana yoyote ile na vitisho kuwa kuna watu watafutiwa leseni ili hali wamepatiwa kihalali," amesema Rachel.

Diwani wa Kata ya Mirerani, Salome Mnyawi, ambaye ni mlezi wa kikundi hicho amewapongeza viongozi hao kwa kuchaguliwa na kuwaasa waendelee kutumikia jamii inayowazunguka.

"TAWOMA Tawi la Mirerani, imefanya mambo makubwa ikiwemo kujenga maabara ya shule ya sekondari Tanzanite na kununua nguo na viatu vya watoto yatima na kutoa mahindi kwa msaada wa maafa ya Hanang' na vitongoji vya mji mdogo wa Mirerani," amesema Salome.

Afisa maendeleo ya jamii mamlaka ya mji mdogo wa Mirerani, Floriana Mcharo amewapongeza viongozi hao na kuwaasa wachambgamkie fursa zilizopo serikalini kupitia vikundi.

Floriana amesema hivi sasa kila halmashauri ya mji, wilaya na manispaa, kupitia Serikali kuu wameweka utaratibu wa kutoa mikopo ya asilimia 10 ya mapato ya ndani, isiyo na riba ya riba, kwa wanawake, vijana na watu wenye ulemavu, hivyo wanawake hao wachangamkie fursa hiyo.



Maoni

Chapisha Maoni

Machapisho maarufu kutoka blogu hii

MWENYEKITI NAMALULU AWEKWA PEMBENI KUPISHA UCHUNGUZI

Picha
  Na Mwandishi wetu, Simanjiro MWENYEKITI wa kijiji cha Namalulu Wilayani Simanjiro, Mkoani Manyara, Marumai Kirikai amepumzishwa kazi kwa muda wa siku 28 ili kupisha uchunguzi wa matumizi mabaya ya madaraka katika kijiji hicho. Mkuu wa Wilaya ya Simanjiro, Fakii Raphael Lulandala ameunda kamati ya watu saba itakayofanya uchunguzi kwa muda wa siku 24 na baada ya siku 28 endapo  Mwenyekiti huyo atabainika hausiki na tuhuma hizo atarejea kwenye nafasi yake. Lulandala ameyasema hayo wakati akizungumza na wakazi wa kijiji cha Namalulu, baada ya kusikiliza kero, malalamiko na changamoto zao. Ameeleza kwamba hamsimamishi kazi Mwenyekiti huyo ila anapisha uchunguzi kwa muda wa siku 28 na endapo hatakuwa na makosa atarejea tena kwenye nafasi hiyo. "Hausimamishwi kaz ila unakaa pembeni kwa muda wa siku 28 ili kupisha uchunguzi na ofisa mtendaji wa kijiji cha Namalulu Sarafina Olotu ataongoza kijiji kwa kipindi hiki," amesema DC Lulandala. DC Lulandala amewataja wajumbe saba wa kamati ...
Read more »

IGUNGA YAIBUKA MSHINDI WA KWANZA NANENANE TABORA.

Picha
Na Mwandishi Wetu, Tabora.  HALMASHAURI ya Wilaya ya Igunga imeibuka mshindi wa kwanza katika kundi la Mamlaka za Serikali za Mitaa (Tabora na Kigoma) wakati wa Maonesho ya Nanenane mwaka 2025 ngazi ya kanda yaliyofanyika Uwanja wa Maonesho Ipuli - Tabora. Aidha, imeshika nafasi ya pili katika kundi la washindi wa jumla wa mikoa ya Tabora na Kigoma wakati wa Maonesho hayo. Akizungumza baada ya Halfa hiyo, Katibu Tawala wa Wilaya hiyo, Ndug. Elizabeth Rwegasira amempongeza Mkurugenzi wa Halmashauri hiyo, Selwa Hamid kwa ushirikiano mzuri na Mkuu wa Idara ya Kilimo, Mifugo na Uvuvi, Grace Nyamwanji kwa kufanikisha ushindi huo. Kwa upande wa Mkuu wa Idara ya Kilimo, Mifugo na Uvuvi wa Halamshauri hiyo, Grace Nyamwanji amewashukuru na kuwapongeza, Wakuu wa Idara na Vitengo, Watumishi na  Wadau wote waliyoshiriki maonesho hayo kwa sababu wao ndio chachu ya ushindi huo.
Read more »