MABORESHO SEKTA YA AFYA YAGUSA WANANCHI TABORA

 






Na Allan Kitwe, TABORA.

VIONGOZI na Wadau mbalimbali Mkoani Tabora wamepongeza juhudi kubwa zilizofanywa na zinazoendelea kufanywa na serikali ya awamu ya Sita chini ya Uongozi wa Rais Dkt Samia Suluhu Hassan kuboresha huduma za afya.

Wakizungumza na gazeti hili kwa nyakati tofauti wameeleza kuwa maboresho makubwa ya miundombinu ya huduma za afya yaliyofanywa na serikali ya Awamu ya Sita yameleta na mageuzi makubwa katika sekta  hiyo.

Katibu wa Siasa na Uenezi wa CCM Mkoani hapa, Idd Moshi ameeleza kuwa ndoto ya Watanzania kupata huduma bora na za uhakika za afya imeanza kutimia baada ya maboresho makubwa ya miundombinu na ujenzi wa hospitali mpya za Wilaya, Vituo vya afya na zahanati katika Wilaya, Kata na Vijiji vyote..

Ameongeza kuwa hata kwenye mikutano ya kampeni za uchaguzi mkuu mwaka huu Rais Samia aliahidi kutekeleza mpango wa Huduma ya Bima ya Afya kwa wote ndani ya siku 100 tuu akiingia madarakani...

'Hii ni habari njema kwa Watanzania wote na inaonesha jinsi Rais wetu alivyo na dhamira ya dhati ya kumaliza kero ya upatikanaji huduma za afya za uhakika kwa wananchi wake', amesema.

Amefafanua kuwa Bima hii ni mkombozi kwa wananchi wote waishio vijijini na mijini kwa kuwa itawawezesha kupata matibabu mahali popote pale hakuna mwananchi yeyote atakaye achwa ateseke punde tu itakapoanza.

Mwenezi ameomba Wizara ya Afya na Halmashauri zote kusimamia kwa dhati upatikanaji huduma za afya na kutatua kwa dhati kero zote zinazokwaza wananchi..

Naye  mdau wa Maendeleo ambaye pia ni Mwenyekiti wa Kamati ya Ulinzi wa Jadi katika halmashauri ya manispaa Tabora Elisha Daud Mponeja ameeleza kufurahishwa na mazuri yote yaliyofanwa na serikali ya Awamu ya Sita..

Ameomba Maafisa wa serikali waliopewa dhamana ya kumsaidia Mheshimiwa Rais kuhakikisha wanawatendea haki wananchi ikiwemo kutozuia miili ya ndugu zao wanaopoteza maisha kwa kushindwa kulipia gharama zao za matibabu. 





Maoni

Chapisha Maoni

Machapisho maarufu kutoka blogu hii

MWENYEKITI NAMALULU AWEKWA PEMBENI KUPISHA UCHUNGUZI

Picha
  Na Mwandishi wetu, Simanjiro MWENYEKITI wa kijiji cha Namalulu Wilayani Simanjiro, Mkoani Manyara, Marumai Kirikai amepumzishwa kazi kwa muda wa siku 28 ili kupisha uchunguzi wa matumizi mabaya ya madaraka katika kijiji hicho. Mkuu wa Wilaya ya Simanjiro, Fakii Raphael Lulandala ameunda kamati ya watu saba itakayofanya uchunguzi kwa muda wa siku 24 na baada ya siku 28 endapo  Mwenyekiti huyo atabainika hausiki na tuhuma hizo atarejea kwenye nafasi yake. Lulandala ameyasema hayo wakati akizungumza na wakazi wa kijiji cha Namalulu, baada ya kusikiliza kero, malalamiko na changamoto zao. Ameeleza kwamba hamsimamishi kazi Mwenyekiti huyo ila anapisha uchunguzi kwa muda wa siku 28 na endapo hatakuwa na makosa atarejea tena kwenye nafasi hiyo. "Hausimamishwi kaz ila unakaa pembeni kwa muda wa siku 28 ili kupisha uchunguzi na ofisa mtendaji wa kijiji cha Namalulu Sarafina Olotu ataongoza kijiji kwa kipindi hiki," amesema DC Lulandala. DC Lulandala amewataja wajumbe saba wa kamati ...
Read more »

IGUNGA YAIBUKA MSHINDI WA KWANZA NANENANE TABORA.

Picha
Na Mwandishi Wetu, Tabora.  HALMASHAURI ya Wilaya ya Igunga imeibuka mshindi wa kwanza katika kundi la Mamlaka za Serikali za Mitaa (Tabora na Kigoma) wakati wa Maonesho ya Nanenane mwaka 2025 ngazi ya kanda yaliyofanyika Uwanja wa Maonesho Ipuli - Tabora. Aidha, imeshika nafasi ya pili katika kundi la washindi wa jumla wa mikoa ya Tabora na Kigoma wakati wa Maonesho hayo. Akizungumza baada ya Halfa hiyo, Katibu Tawala wa Wilaya hiyo, Ndug. Elizabeth Rwegasira amempongeza Mkurugenzi wa Halmashauri hiyo, Selwa Hamid kwa ushirikiano mzuri na Mkuu wa Idara ya Kilimo, Mifugo na Uvuvi, Grace Nyamwanji kwa kufanikisha ushindi huo. Kwa upande wa Mkuu wa Idara ya Kilimo, Mifugo na Uvuvi wa Halamshauri hiyo, Grace Nyamwanji amewashukuru na kuwapongeza, Wakuu wa Idara na Vitengo, Watumishi na  Wadau wote waliyoshiriki maonesho hayo kwa sababu wao ndio chachu ya ushindi huo.
Read more »