KALEYA MOLLEL ACHAGULIWA KUWA MWENYEKITI MPYA SIMANJIRO

 



Na Mwandishi wetu, Simanjiro

DIWANI wa Kata ya Msitu wa Tembo, Kaleya Melita Mollel amechaguliwa kuwa Mwenyekiti wa Halmashauri ya Wilaya ya Simanjiro mkoani Manyara, kwa kura zote 24 za Madiwani waliohudhuria kikao.

Mwakilishi wa Katibu Tawala wa wilaya ya Simanjiro, Edosi Evaristi Ndikwiki amesema Mollel ambaye ni Diwani wa Kata ya Msitu wa Tembo, amepata kura zote 24 zilizopigwa 

Ndikwiki pia amesema, madiwani hao wamemchagua Diwani viti maalum wa Tarafa ya Terrat, Mwanjaa Jacob kuwa Makamu Mwenyekiti wa Halmashauri hiyo kwa kipindi cha mwaka mmoja kwa kura zote 24 za ndiyo.

Amesema katika uchaguzi huo uliofanyika  mji mdogo wa Orkesumet ulihusisha madiwani wote wanaotokana na CCM wa kata zote 18 na viti maalumu sita.

Ndikwiki amewaasa madiwani hao kutoa ushirikiano kwa wataalam wa halmashauri hiyo kwani wameshaapa kutumikia nafasi zao.

"Tuzingatie mahusiano mazuri na watumishi, tuwape ushirikiano na tuwe watatuzi wa migogoro tusiibue migogoro ambayo itaturudisha nyuma na kutuondoa katika lengo letu la kusuka mbele gurudumu la maendeleo," amesema.

Mwakilishi wa Katibu Tawala wa Mkoa wa Manyara, Jackson Kisaka amesema Diwani ni mwakilishi wa wananchi hivyo wasiende kuzua migogoro bali kutatua migogoro hasa ya ardhi.

"Leo mmekula kiapo mnapaswa kutambua kuwa ninyi ni viongozi ukiwa Mwenyekiti wa maendeleo wa kata unapaswa kutambua wajibu wako katika kutumikia nafasi hiyo ya uongozi," amesema Kisaka.

Mwenyekiti mpya wa halmashauri ya wilaya hiyo Kaleya Melita Mollel amewashukuru madiwani hao kwa kumpa kura zote za ndiyo 24.

"Naombeni ushirikiano kwani wote tunajifunza twendeni tukawatumikie wananchi waliotuchagua na kutatua kero zao kwa lengo la kufanikisha maendeleo," amesema Mollel.

Mwenyekiti Mollel amewataja wajumbe wa kamati ya fedha, uongozi na mipango ni Makamu Mwenyekiti Mwanjaa, Albert Msole, Taiko Kurian Laizer, Jackson Ole Materi na Rehema Laizer.

Amesema Diwani wa kata ya Naisinyai, Taiko Laizer amechaguliwa kuwa Mwenyekiti wa kamati ya maendeleo ya jamii ya elimu, afya na maji.

Amesema Diwani wa kata ya Ngorika Albert Msole amechaguliwa kuwa Mwenyekiti wa kamati ya uchumi, ujenzi na mazingira.

Amewataja wajumbe wa kamati ya ardhi ni Diwani wa kata ya Mirerani Salome Mnyawi na Diwani wa kata ya Terrat, Jackson Ole Materi.

Wajumbe wa kamati ya ALAT Mkoa wa Manyara ni Diwani wa Kata ya Emboreet, Yohana Shinini na Diwani wa viti maalum Tarafa ya Moipo, Paulina Makeseni.


Maoni

Chapisha Maoni

Machapisho maarufu kutoka blogu hii

MWENYEKITI NAMALULU AWEKWA PEMBENI KUPISHA UCHUNGUZI

Picha
  Na Mwandishi wetu, Simanjiro MWENYEKITI wa kijiji cha Namalulu Wilayani Simanjiro, Mkoani Manyara, Marumai Kirikai amepumzishwa kazi kwa muda wa siku 28 ili kupisha uchunguzi wa matumizi mabaya ya madaraka katika kijiji hicho. Mkuu wa Wilaya ya Simanjiro, Fakii Raphael Lulandala ameunda kamati ya watu saba itakayofanya uchunguzi kwa muda wa siku 24 na baada ya siku 28 endapo  Mwenyekiti huyo atabainika hausiki na tuhuma hizo atarejea kwenye nafasi yake. Lulandala ameyasema hayo wakati akizungumza na wakazi wa kijiji cha Namalulu, baada ya kusikiliza kero, malalamiko na changamoto zao. Ameeleza kwamba hamsimamishi kazi Mwenyekiti huyo ila anapisha uchunguzi kwa muda wa siku 28 na endapo hatakuwa na makosa atarejea tena kwenye nafasi hiyo. "Hausimamishwi kaz ila unakaa pembeni kwa muda wa siku 28 ili kupisha uchunguzi na ofisa mtendaji wa kijiji cha Namalulu Sarafina Olotu ataongoza kijiji kwa kipindi hiki," amesema DC Lulandala. DC Lulandala amewataja wajumbe saba wa kamati ...
Read more »

IGUNGA YAIBUKA MSHINDI WA KWANZA NANENANE TABORA.

Picha
Na Mwandishi Wetu, Tabora.  HALMASHAURI ya Wilaya ya Igunga imeibuka mshindi wa kwanza katika kundi la Mamlaka za Serikali za Mitaa (Tabora na Kigoma) wakati wa Maonesho ya Nanenane mwaka 2025 ngazi ya kanda yaliyofanyika Uwanja wa Maonesho Ipuli - Tabora. Aidha, imeshika nafasi ya pili katika kundi la washindi wa jumla wa mikoa ya Tabora na Kigoma wakati wa Maonesho hayo. Akizungumza baada ya Halfa hiyo, Katibu Tawala wa Wilaya hiyo, Ndug. Elizabeth Rwegasira amempongeza Mkurugenzi wa Halmashauri hiyo, Selwa Hamid kwa ushirikiano mzuri na Mkuu wa Idara ya Kilimo, Mifugo na Uvuvi, Grace Nyamwanji kwa kufanikisha ushindi huo. Kwa upande wa Mkuu wa Idara ya Kilimo, Mifugo na Uvuvi wa Halamshauri hiyo, Grace Nyamwanji amewashukuru na kuwapongeza, Wakuu wa Idara na Vitengo, Watumishi na  Wadau wote waliyoshiriki maonesho hayo kwa sababu wao ndio chachu ya ushindi huo.
Read more »