WANAFUNZI WATAKIWA KUDUMISHA AMANI NA MSHIKAMANO




Na Mwandishi Wetu, Mara.

AFISA Ushirikishwaji Jamii Mkoa wa Mara, Kamishna Msaidizi wa Polisi (ACP) Thomas Mapuli, Oktoba 22,2025 amekutana na wanafunzi wa Shule ya Sekondari Mshikamano iliyopo katika Manispaa ya Musoma, ambapo ametoa elimu juu ya ukatili wa kijinsia na umuhimu wa kutunza amani katika jamii.

Akizungumza na wanafunzi hao shuleni hapo ACP Mapuli aliwasisitiza vijana kuwa mabalozi wa amani na kuzingatia maadili mema, huku akiwataka kujiepusha na vitendo vya vurugu, ubaguzi, na ukatili wa aina yoyote, ikiwemo ule wa kijinsia.

Aidha, aliwahimiza wanafunzi kuzingatia masomo yao na kuepuka vishawishi vinavyoweza kuhatarisha ndoto zao za baadaye, akibainisha kuwa elimu ndiyo ngao kuu ya kupambana na changamoto mbalimbali za kijamii na kiuchumi.

“Jamii yenye amani huanza na mtu mmoja mmoja. Ninyi kama vijana mna wajibu wa kuwa mfano wa kuigwa, kujilinda na kuwalinda wengine dhidi ya ukatili wa kijinsia, na kushirikiana na vyombo vya dola kutoa taarifa za vitendo hivyo pindi vinapotokea,” alisema ACP Mapuli.

Wanafunzi na walimu wa shule hiyo wamelipongeza Jeshi la Polisi mkoa wa Mara kwa kuendelea kutoa elimu ya ulinzi na usalama wa jamii mashuleni, wakisema hatua hiyo inasaidia kuongeza uelewa na kupunguza vitendo vya ukatili vinavyowakumba hasa watoto na vijana.






Maoni

Chapisha Maoni

Machapisho maarufu kutoka blogu hii

MWENYEKITI NAMALULU AWEKWA PEMBENI KUPISHA UCHUNGUZI

Picha
  Na Mwandishi wetu, Simanjiro MWENYEKITI wa kijiji cha Namalulu Wilayani Simanjiro, Mkoani Manyara, Marumai Kirikai amepumzishwa kazi kwa muda wa siku 28 ili kupisha uchunguzi wa matumizi mabaya ya madaraka katika kijiji hicho. Mkuu wa Wilaya ya Simanjiro, Fakii Raphael Lulandala ameunda kamati ya watu saba itakayofanya uchunguzi kwa muda wa siku 24 na baada ya siku 28 endapo  Mwenyekiti huyo atabainika hausiki na tuhuma hizo atarejea kwenye nafasi yake. Lulandala ameyasema hayo wakati akizungumza na wakazi wa kijiji cha Namalulu, baada ya kusikiliza kero, malalamiko na changamoto zao. Ameeleza kwamba hamsimamishi kazi Mwenyekiti huyo ila anapisha uchunguzi kwa muda wa siku 28 na endapo hatakuwa na makosa atarejea tena kwenye nafasi hiyo. "Hausimamishwi kaz ila unakaa pembeni kwa muda wa siku 28 ili kupisha uchunguzi na ofisa mtendaji wa kijiji cha Namalulu Sarafina Olotu ataongoza kijiji kwa kipindi hiki," amesema DC Lulandala. DC Lulandala amewataja wajumbe saba wa kamati ...
Read more »

IGUNGA YAIBUKA MSHINDI WA KWANZA NANENANE TABORA.

Picha
Na Mwandishi Wetu, Tabora.  HALMASHAURI ya Wilaya ya Igunga imeibuka mshindi wa kwanza katika kundi la Mamlaka za Serikali za Mitaa (Tabora na Kigoma) wakati wa Maonesho ya Nanenane mwaka 2025 ngazi ya kanda yaliyofanyika Uwanja wa Maonesho Ipuli - Tabora. Aidha, imeshika nafasi ya pili katika kundi la washindi wa jumla wa mikoa ya Tabora na Kigoma wakati wa Maonesho hayo. Akizungumza baada ya Halfa hiyo, Katibu Tawala wa Wilaya hiyo, Ndug. Elizabeth Rwegasira amempongeza Mkurugenzi wa Halmashauri hiyo, Selwa Hamid kwa ushirikiano mzuri na Mkuu wa Idara ya Kilimo, Mifugo na Uvuvi, Grace Nyamwanji kwa kufanikisha ushindi huo. Kwa upande wa Mkuu wa Idara ya Kilimo, Mifugo na Uvuvi wa Halamshauri hiyo, Grace Nyamwanji amewashukuru na kuwapongeza, Wakuu wa Idara na Vitengo, Watumishi na  Wadau wote waliyoshiriki maonesho hayo kwa sababu wao ndio chachu ya ushindi huo.
Read more »