VIONGOZI WA DINI WAKEMEA WANAOTAKA KUANDAMANA




Na Allan Kitwe, Tabora.

VIONGOZI wa madhehebu ya dini kutoka Mikoa ya Tabora, Kigoma na Katavi wameiasa jamii kutojihusisha na vitendo vya uvunjifu amani ikiwemo kushiriki maandamano yanayolenga kuvuruga amani na utulivu wa nchi.

Wakiongea katika Kongamano Maalumu la Amani lililofanyika leo katika ukumbi wa Panasonic Mjini Tabora wameeleza kuwa maandamano na vurugu hayajengi bali yanabomoa misingi ya amani na kuongeza chuki na uhasama.

Akifungua Kongamano hilo Shehe wa Mkoa wa Tabora Ibrahimu Mavumbi ambaye pia ni Mwenyekiti Mwenza wa Kamati ya Maridhiano ya Amani ya Mkoa amesema kuwa amani ni tunu muhimu sana kwa maendeleo ya taifa lolote lile.

Amesisistiza kuwa ni muhimu sana jamii ikaelimishwa umuhimu wa kudumisha amani na upendo na kujiepusha na vitendo vyovyote vinavyoashiria uvunjifu wa amani katika kipindi hiki cha kuelekea kwenye uchaguzi mkuu Oktoba 29.

‘Watanzania tusikubali kuliingiza taifa kwenye machafuko, kipindi hiki tunapoelekea kwenye uchaguzi mkuu wa Rais, Wabunge na Madiwani ni kipindi muhimu sana, tunapaswa kuwa watulivu ili kupata viongozi bora’, amesema.

Shehe amebainisha kuwa hakuna dini inayoruhusu vurugu na machafuko, akadokeza kuwa kongamano hilo limekuja wakati mwafaka kwa kuwa halikubaliani na vitendo hivyo na linakemea wale wote wanaotaka kuandamana.

Wawezeshaji wa Kongamano hilo Shehe Ramadhan Khamis kutoka Mwanza na Askofu Denis Nkwera wa Kanisa la Pentekoste wameeleza kuwa vitabu vitakatifu vya korani na biblia vikataza mioyo iliyojaa roho ya machafuko.

Viongozi wa dini wana nafasi kubwa sana ya kujenga jamii iliyo na hofu ya Mungu na kukemea waumini wao wanaojiingizii katika matukio yaliyo kinyume na mpango wa Mungu ambayo hayajengi bali kubomoa amani na utulivu wa nchi.

‘Mtu yeyote anayechochea vurugu au kufanya jambo lolote linalopelekea uvunjifu wa amani, anaenda kinyume na maandiko matakatifu na Mwenyezi Mungu hapendezwi naye hata kidogo’, amesema Askofu Denis.  

Mchungaji Edward Kadanga wa kanisa la SDA Urambo na Shehe Idd Suleiman wa Igunga wametoa wito kwa waumini wa dini zote kumrudia Mungu na kujiepusha na vurugu, matusi na maandamano bali waheshimu Mamlaka iliyopo madarakani.






Maoni

Chapisha Maoni

Machapisho maarufu kutoka blogu hii

MWENYEKITI NAMALULU AWEKWA PEMBENI KUPISHA UCHUNGUZI

Picha
  Na Mwandishi wetu, Simanjiro MWENYEKITI wa kijiji cha Namalulu Wilayani Simanjiro, Mkoani Manyara, Marumai Kirikai amepumzishwa kazi kwa muda wa siku 28 ili kupisha uchunguzi wa matumizi mabaya ya madaraka katika kijiji hicho. Mkuu wa Wilaya ya Simanjiro, Fakii Raphael Lulandala ameunda kamati ya watu saba itakayofanya uchunguzi kwa muda wa siku 24 na baada ya siku 28 endapo  Mwenyekiti huyo atabainika hausiki na tuhuma hizo atarejea kwenye nafasi yake. Lulandala ameyasema hayo wakati akizungumza na wakazi wa kijiji cha Namalulu, baada ya kusikiliza kero, malalamiko na changamoto zao. Ameeleza kwamba hamsimamishi kazi Mwenyekiti huyo ila anapisha uchunguzi kwa muda wa siku 28 na endapo hatakuwa na makosa atarejea tena kwenye nafasi hiyo. "Hausimamishwi kaz ila unakaa pembeni kwa muda wa siku 28 ili kupisha uchunguzi na ofisa mtendaji wa kijiji cha Namalulu Sarafina Olotu ataongoza kijiji kwa kipindi hiki," amesema DC Lulandala. DC Lulandala amewataja wajumbe saba wa kamati ...
Read more »

IGUNGA YAIBUKA MSHINDI WA KWANZA NANENANE TABORA.

Picha
Na Mwandishi Wetu, Tabora.  HALMASHAURI ya Wilaya ya Igunga imeibuka mshindi wa kwanza katika kundi la Mamlaka za Serikali za Mitaa (Tabora na Kigoma) wakati wa Maonesho ya Nanenane mwaka 2025 ngazi ya kanda yaliyofanyika Uwanja wa Maonesho Ipuli - Tabora. Aidha, imeshika nafasi ya pili katika kundi la washindi wa jumla wa mikoa ya Tabora na Kigoma wakati wa Maonesho hayo. Akizungumza baada ya Halfa hiyo, Katibu Tawala wa Wilaya hiyo, Ndug. Elizabeth Rwegasira amempongeza Mkurugenzi wa Halmashauri hiyo, Selwa Hamid kwa ushirikiano mzuri na Mkuu wa Idara ya Kilimo, Mifugo na Uvuvi, Grace Nyamwanji kwa kufanikisha ushindi huo. Kwa upande wa Mkuu wa Idara ya Kilimo, Mifugo na Uvuvi wa Halamshauri hiyo, Grace Nyamwanji amewashukuru na kuwapongeza, Wakuu wa Idara na Vitengo, Watumishi na  Wadau wote waliyoshiriki maonesho hayo kwa sababu wao ndio chachu ya ushindi huo.
Read more »