TANZANIA NA KENYA KUONDOA VIKWAZO VISIVYO VYA KIUSHURU KUIMARISHA BIASHARA.








Na Mwandishi Wetu, Dar Es Salaam.

TANZANIA na Kenya zimeahidi kuendelea kuondoa vikwazo visivyo vya kiushuru katika biashara baina yao na kuvigeuza kuwa fursa za kukuza uchumi. 

Hayo yameelezwa na Katibu Mkuu wa Wizara ya Viwanda na Biashara wa Tanzania, Dkt. Hashil Abdallah, wakati wa ufunguzi wa mkutano wa 9 wa Kamati ya Pamoja ya Biashara uliofanyika Dar es Salaam. 

Amesema biashara ndiyo msingi wa mahusiano kati ya nchi hizo, kupitia kuongeza ajira, kujenga viwanda na kuhamasisha ubunifu wa wajasiriamali ili kuboresha maisha ya wananchi.

Kwa upande wake, Katibu Mkuu wa Wizara ya Uwekezaji, Biashara na Viwanda ya Kenya, Bi. Regina Ombam, amesema Kenya na Tanzania zina mahusiano ya kihistoria, kitamaduni na kiuchumi.

Huku akibainisha kuwa, uchumi wa Tanzania unaendelea kukua kwa kasi hasa katika sekta za viwanda, ujenzi na utalii,  jambo linalofungua fursa kubwa kwa wafanyabiashara na wawekezaji wa Kenya. Aidha, amesisitiza kuwa nchi hizo mbili si majirani tu, bali ni mataifa ya kindugu na wanachama wa Jumuiya ya Afrika Mashariki yenye dira ya mshikamano, ustawi na amani.




Maoni

Chapisha Maoni

Machapisho maarufu kutoka blogu hii

MWENYEKITI NAMALULU AWEKWA PEMBENI KUPISHA UCHUNGUZI

Picha
  Na Mwandishi wetu, Simanjiro MWENYEKITI wa kijiji cha Namalulu Wilayani Simanjiro, Mkoani Manyara, Marumai Kirikai amepumzishwa kazi kwa muda wa siku 28 ili kupisha uchunguzi wa matumizi mabaya ya madaraka katika kijiji hicho. Mkuu wa Wilaya ya Simanjiro, Fakii Raphael Lulandala ameunda kamati ya watu saba itakayofanya uchunguzi kwa muda wa siku 24 na baada ya siku 28 endapo  Mwenyekiti huyo atabainika hausiki na tuhuma hizo atarejea kwenye nafasi yake. Lulandala ameyasema hayo wakati akizungumza na wakazi wa kijiji cha Namalulu, baada ya kusikiliza kero, malalamiko na changamoto zao. Ameeleza kwamba hamsimamishi kazi Mwenyekiti huyo ila anapisha uchunguzi kwa muda wa siku 28 na endapo hatakuwa na makosa atarejea tena kwenye nafasi hiyo. "Hausimamishwi kaz ila unakaa pembeni kwa muda wa siku 28 ili kupisha uchunguzi na ofisa mtendaji wa kijiji cha Namalulu Sarafina Olotu ataongoza kijiji kwa kipindi hiki," amesema DC Lulandala. DC Lulandala amewataja wajumbe saba wa kamati ...
Read more »

IGUNGA YAIBUKA MSHINDI WA KWANZA NANENANE TABORA.

Picha
Na Mwandishi Wetu, Tabora.  HALMASHAURI ya Wilaya ya Igunga imeibuka mshindi wa kwanza katika kundi la Mamlaka za Serikali za Mitaa (Tabora na Kigoma) wakati wa Maonesho ya Nanenane mwaka 2025 ngazi ya kanda yaliyofanyika Uwanja wa Maonesho Ipuli - Tabora. Aidha, imeshika nafasi ya pili katika kundi la washindi wa jumla wa mikoa ya Tabora na Kigoma wakati wa Maonesho hayo. Akizungumza baada ya Halfa hiyo, Katibu Tawala wa Wilaya hiyo, Ndug. Elizabeth Rwegasira amempongeza Mkurugenzi wa Halmashauri hiyo, Selwa Hamid kwa ushirikiano mzuri na Mkuu wa Idara ya Kilimo, Mifugo na Uvuvi, Grace Nyamwanji kwa kufanikisha ushindi huo. Kwa upande wa Mkuu wa Idara ya Kilimo, Mifugo na Uvuvi wa Halamshauri hiyo, Grace Nyamwanji amewashukuru na kuwapongeza, Wakuu wa Idara na Vitengo, Watumishi na  Wadau wote waliyoshiriki maonesho hayo kwa sababu wao ndio chachu ya ushindi huo.
Read more »