TAKUKURU YAKABIDHI MSAADA WA VIFAA TIBA HOSPITALI YA RUFAA YA KANDA YA MBEYA.



Na Mwandishi Wetu, 

KATIKA juhudi za kuunga mkono Serikali ya Awamu ya Sita inayoongzwa na Mhe. Dkt. Samia Suluhu Hassan, Rais wa Jamhuri ya Muungano wa Tanzania katika maboresho makubwa yaliyofanyika kwenye sekta ya afya na kuimarishwa kwa huduma zinazotolewa kwa Wananchi, Watumishi wa Taasisi ya kuzuia na Kupambana na Rushwa nchini (TAKUKURU) leo imekabidhi mashine mbili za kisasa za huduma ya watoto wachanga wanaozaliwa kabla ya muda, maarufu kama watoto njiti katika Hospitali ya Rufaa ya Kanda Mbeya.

Akizungumza wakati wa hafla hiyo, Mkurugenzi Mkuu wa Taasisi ya Kuzuia na Kupambana na Rushwa (TAKUKURU), Crispin Chalamila alisema, “Hospitali zina mahitaji mengi na Serikali yetu inajukumu kubwa katika kuhakikisha wananchi wanapata huduma bora. Hivyo ni wajibu wa kila mwananchi mzalendo wa nchi hii kuchangia ili kuimarisha sekta ya afya na huduma nyingine muhimu.”

Chalamila amesema kuwa, Serikali ya Awamu ya Sita inayoongozwa na Mhe. Rais Dkt. Samia Suluhu Hassan imefanya mambo makubwa kuboresha huduma za afya nchini katika miundombinu, vifaa tiba, na watoa huduma. 

"Watumishi wa TAKUKURU tumeona ni wajibu wetu kuunga mkono juhudi hizo kwa kutoa msaada huu wa mashine mbili za kisasa ambazo zitasaidia kuokoa maisha ya watoto wanaozaliwa kabla ya wakati na uzito pungufu lengo ni kuhakikisha hospitali za rufaa za mikoa yote zinapata mashine kama hizo ili kuboresha huduma za kuokoa maisha ya watoto wachanga waliokwama kwa sababu ya ukosefu wa vifaa muhimu.

Kwa upande wake, Mkurugenzi Mtendaji wa Hospitali ya Rufaa ya Kanda Mbeya Dkt. Godlove Mbwanji amewashukuru watumishi hao wa TAKUKURU kwa msaada huo wa mashine za kisasa, akisema utaongeza nguvu katika huduma ya kuokoa maisha ya watoto wanaozaliwa mapema na kuwasaidia kuendelea kuishi na afya njema pia ametoa wito kwa wadau wengine kujitokeza kwani mahitaji ya hospitali hiyo ni makubwa katika kutoa huduma.

Naye Mkuu wa Idara ya Watoto, Dkt. Nazareth Mbilinyi, amesema kuwa zaidi ya nusu ya watoto wanaozaliwa hospitalini hapo huzaliwa wakiwa na uzito pungufu au kabla ya muda wao, huku wengine wakikumbwa na changamoto ya ugonjwa wa manjano. 

Ameongeza kuwa ujio wa mashine hizo ni faraja kubwa kwa timu ya madaktari na wauguzi wanaohudumia watoto hao kwani sasa watakuwa na uwezo wa kutoa huduma bora zaidi kwa wakati muafaka.







Maoni

Chapisha Maoni

Machapisho maarufu kutoka blogu hii

MWENYEKITI NAMALULU AWEKWA PEMBENI KUPISHA UCHUNGUZI

Picha
  Na Mwandishi wetu, Simanjiro MWENYEKITI wa kijiji cha Namalulu Wilayani Simanjiro, Mkoani Manyara, Marumai Kirikai amepumzishwa kazi kwa muda wa siku 28 ili kupisha uchunguzi wa matumizi mabaya ya madaraka katika kijiji hicho. Mkuu wa Wilaya ya Simanjiro, Fakii Raphael Lulandala ameunda kamati ya watu saba itakayofanya uchunguzi kwa muda wa siku 24 na baada ya siku 28 endapo  Mwenyekiti huyo atabainika hausiki na tuhuma hizo atarejea kwenye nafasi yake. Lulandala ameyasema hayo wakati akizungumza na wakazi wa kijiji cha Namalulu, baada ya kusikiliza kero, malalamiko na changamoto zao. Ameeleza kwamba hamsimamishi kazi Mwenyekiti huyo ila anapisha uchunguzi kwa muda wa siku 28 na endapo hatakuwa na makosa atarejea tena kwenye nafasi hiyo. "Hausimamishwi kaz ila unakaa pembeni kwa muda wa siku 28 ili kupisha uchunguzi na ofisa mtendaji wa kijiji cha Namalulu Sarafina Olotu ataongoza kijiji kwa kipindi hiki," amesema DC Lulandala. DC Lulandala amewataja wajumbe saba wa kamati ...
Read more »

IGUNGA YAIBUKA MSHINDI WA KWANZA NANENANE TABORA.

Picha
Na Mwandishi Wetu, Tabora.  HALMASHAURI ya Wilaya ya Igunga imeibuka mshindi wa kwanza katika kundi la Mamlaka za Serikali za Mitaa (Tabora na Kigoma) wakati wa Maonesho ya Nanenane mwaka 2025 ngazi ya kanda yaliyofanyika Uwanja wa Maonesho Ipuli - Tabora. Aidha, imeshika nafasi ya pili katika kundi la washindi wa jumla wa mikoa ya Tabora na Kigoma wakati wa Maonesho hayo. Akizungumza baada ya Halfa hiyo, Katibu Tawala wa Wilaya hiyo, Ndug. Elizabeth Rwegasira amempongeza Mkurugenzi wa Halmashauri hiyo, Selwa Hamid kwa ushirikiano mzuri na Mkuu wa Idara ya Kilimo, Mifugo na Uvuvi, Grace Nyamwanji kwa kufanikisha ushindi huo. Kwa upande wa Mkuu wa Idara ya Kilimo, Mifugo na Uvuvi wa Halamshauri hiyo, Grace Nyamwanji amewashukuru na kuwapongeza, Wakuu wa Idara na Vitengo, Watumishi na  Wadau wote waliyoshiriki maonesho hayo kwa sababu wao ndio chachu ya ushindi huo.
Read more »