MWENYEKITI WA BODI YA ARAB CONTRACTORS AKAGUA MRADI WA BWAWA LA JULIUS NYERERE.




Mwenyekiti wa Bodi ya Arab Contractors akagua Mradi wa Bwawa la "Julius Nyerere" Nchini Tanzania Kuimarisha Ushirikiano kati ya Misri na Tanzania.

MHANDISI Ahmed Al-Assar, Mwenyekiti wa Bodi ya Kampuni ya Arab Contractors, na Mhandisi Wael Hamdy, Naibu Mwenyekiti wa Elsewedy Electric Group, wamefanya ziara ya kukagua maendeleo ya mradi wa bwawa na kituo cha umeme cha Julius Nyerere nchini Tanzania, unaotekelezwa na makampuni hayo mawili ya Misri kwa ushirikiano na serikali ya Tanzania. 

Ziara hii inakuja kama sehemu ya juhudi za kuimarisha mahusiano kati ya Misri na Tanzania, na kufuatilia utekelezaji wa mradi huu mkubwa unaoonesha ukina wa ushirikiano kati ya mataifa haya mawili na dhamira ya Misri ya uungaji mkono juhudi za maendeleo barani Afrika, hasa katika sekta za miundombinu na nishati.

Mradi huu ni miongoni mwa miradi mikubwa zaidi barani Afrika, wenye lengo la kuzalisha megawati 2115 za umeme na kudhibiti mafuriko ya Mto Rufiji, jambo litakalochangia kulinda mazingira na kuhakikisha upatikanaji wa maji kwa ajili ya kilimo, uvuvi na maisha ya wanyamapori.

Aidha Mradi huu umetengeneza fursa za ajira kwa zaidi ya wafanyakazi 1900, wengi wao ni Watanzania, na unaonesha uwezo wa makampuni ya Misri katika kutekeleza miradi mikubwa inayounga mkono maendeleo endelevu nchini Tanzania na pia, inaimarisha nafasi ya Misri kama mshirika wa kimkakati kwa ndugu wa kiafrika.

CHANZO ni Nasser International forum.





Maoni

Chapisha Maoni

Machapisho maarufu kutoka blogu hii

MWENYEKITI NAMALULU AWEKWA PEMBENI KUPISHA UCHUNGUZI

Picha
  Na Mwandishi wetu, Simanjiro MWENYEKITI wa kijiji cha Namalulu Wilayani Simanjiro, Mkoani Manyara, Marumai Kirikai amepumzishwa kazi kwa muda wa siku 28 ili kupisha uchunguzi wa matumizi mabaya ya madaraka katika kijiji hicho. Mkuu wa Wilaya ya Simanjiro, Fakii Raphael Lulandala ameunda kamati ya watu saba itakayofanya uchunguzi kwa muda wa siku 24 na baada ya siku 28 endapo  Mwenyekiti huyo atabainika hausiki na tuhuma hizo atarejea kwenye nafasi yake. Lulandala ameyasema hayo wakati akizungumza na wakazi wa kijiji cha Namalulu, baada ya kusikiliza kero, malalamiko na changamoto zao. Ameeleza kwamba hamsimamishi kazi Mwenyekiti huyo ila anapisha uchunguzi kwa muda wa siku 28 na endapo hatakuwa na makosa atarejea tena kwenye nafasi hiyo. "Hausimamishwi kaz ila unakaa pembeni kwa muda wa siku 28 ili kupisha uchunguzi na ofisa mtendaji wa kijiji cha Namalulu Sarafina Olotu ataongoza kijiji kwa kipindi hiki," amesema DC Lulandala. DC Lulandala amewataja wajumbe saba wa kamati ...
Read more »

IGUNGA YAIBUKA MSHINDI WA KWANZA NANENANE TABORA.

Picha
Na Mwandishi Wetu, Tabora.  HALMASHAURI ya Wilaya ya Igunga imeibuka mshindi wa kwanza katika kundi la Mamlaka za Serikali za Mitaa (Tabora na Kigoma) wakati wa Maonesho ya Nanenane mwaka 2025 ngazi ya kanda yaliyofanyika Uwanja wa Maonesho Ipuli - Tabora. Aidha, imeshika nafasi ya pili katika kundi la washindi wa jumla wa mikoa ya Tabora na Kigoma wakati wa Maonesho hayo. Akizungumza baada ya Halfa hiyo, Katibu Tawala wa Wilaya hiyo, Ndug. Elizabeth Rwegasira amempongeza Mkurugenzi wa Halmashauri hiyo, Selwa Hamid kwa ushirikiano mzuri na Mkuu wa Idara ya Kilimo, Mifugo na Uvuvi, Grace Nyamwanji kwa kufanikisha ushindi huo. Kwa upande wa Mkuu wa Idara ya Kilimo, Mifugo na Uvuvi wa Halamshauri hiyo, Grace Nyamwanji amewashukuru na kuwapongeza, Wakuu wa Idara na Vitengo, Watumishi na  Wadau wote waliyoshiriki maonesho hayo kwa sababu wao ndio chachu ya ushindi huo.
Read more »