MGOMBEA UBUNGE KUPITIA CHAMA CHA WANANCHI (CUF) AUAWA KWA KUCHOMWA NA KITU CHENYE NCHA KALI




Na Mwandishi Wetu, Siha -Kilimanjaro.

Mgombea ubunge wa Jimbo la Siha kupitia Chama cha Wananchi (CUF) mkoani Kilimanjaro, Daudi Wilbard Ntuyehabi, ameuawa na wananchi baada ya kudaiwa kumchoma kisu mtu mmoja aitwaye Abdul Issah Mohamed. 

Tukio hilo lilitokea usiku wa Oktoba 7, 2025 katika Kijiji cha Kilingi, wilayani Siha.

Kwa mujibu wa Kamanda wa Polisi wa Mkoa wa Kilimanjaro, Simon Maigwa, tukio hilo lilitokea majira ya saa 1:30 usiku, ambapo marehemu Daudi anadaiwa kumchoma kisu tumboni Abdul Issah Mohamed na kumsababishia utumbo kutoka Nike. 

Inadaiwa kuwa Abdul alikuwa anajaribu kuingilia ugomvi uliokuwa ukiendelea kati ya Daudi na kijana mwingine waliokuwa wakizozana kuhusu deni la fedha wakiwa kwenye baa ya pombe maarufu kama ‘grocery’.

Baada ya tukio hilo, wananchi waliokuwepo eneo hilo walimshambulia Daudi hadi kusababisha kifo chake.

Kufuatia tukio hilo Jeshi la Polisi linawashikilia watu nane kwa tuhuma za kujichukulia sheria mkononi,Kamanda Maigwa ametaja majina ya wanaoshikiliwa kuwa ni Hamadi Issah Mohamed, Alphonce Kinyaha, Rizik Amedeus, Frank Paulo Lutindi, Shedrack Emanuel, Jeremia Mnkondo, Zainab Elisha na Issah Mohamed.

Ameongeza kuwa uchunguzi wa tukio hilo bado unaendelea, huku akitoa wito kwa wananchi kuacha tabia ya kujichukulia sheria mikononi, kwani imekuwa ikisababisha madhara makubwa katika jamii.

Kwa upande wake, Katibu wa CUF Wilaya ya Siha, Adamu Ramadhani, amesema kuwa chama hicho kimesikitishwa na tukio hilo na kitaendelea kutoa taarifa zaidi kadri muda unavyoenda na uchunguzi unavyoendelea.


Maoni

Chapisha Maoni

Machapisho maarufu kutoka blogu hii

MWENYEKITI NAMALULU AWEKWA PEMBENI KUPISHA UCHUNGUZI

Picha
  Na Mwandishi wetu, Simanjiro MWENYEKITI wa kijiji cha Namalulu Wilayani Simanjiro, Mkoani Manyara, Marumai Kirikai amepumzishwa kazi kwa muda wa siku 28 ili kupisha uchunguzi wa matumizi mabaya ya madaraka katika kijiji hicho. Mkuu wa Wilaya ya Simanjiro, Fakii Raphael Lulandala ameunda kamati ya watu saba itakayofanya uchunguzi kwa muda wa siku 24 na baada ya siku 28 endapo  Mwenyekiti huyo atabainika hausiki na tuhuma hizo atarejea kwenye nafasi yake. Lulandala ameyasema hayo wakati akizungumza na wakazi wa kijiji cha Namalulu, baada ya kusikiliza kero, malalamiko na changamoto zao. Ameeleza kwamba hamsimamishi kazi Mwenyekiti huyo ila anapisha uchunguzi kwa muda wa siku 28 na endapo hatakuwa na makosa atarejea tena kwenye nafasi hiyo. "Hausimamishwi kaz ila unakaa pembeni kwa muda wa siku 28 ili kupisha uchunguzi na ofisa mtendaji wa kijiji cha Namalulu Sarafina Olotu ataongoza kijiji kwa kipindi hiki," amesema DC Lulandala. DC Lulandala amewataja wajumbe saba wa kamati ...
Read more »

IGUNGA YAIBUKA MSHINDI WA KWANZA NANENANE TABORA.

Picha
Na Mwandishi Wetu, Tabora.  HALMASHAURI ya Wilaya ya Igunga imeibuka mshindi wa kwanza katika kundi la Mamlaka za Serikali za Mitaa (Tabora na Kigoma) wakati wa Maonesho ya Nanenane mwaka 2025 ngazi ya kanda yaliyofanyika Uwanja wa Maonesho Ipuli - Tabora. Aidha, imeshika nafasi ya pili katika kundi la washindi wa jumla wa mikoa ya Tabora na Kigoma wakati wa Maonesho hayo. Akizungumza baada ya Halfa hiyo, Katibu Tawala wa Wilaya hiyo, Ndug. Elizabeth Rwegasira amempongeza Mkurugenzi wa Halmashauri hiyo, Selwa Hamid kwa ushirikiano mzuri na Mkuu wa Idara ya Kilimo, Mifugo na Uvuvi, Grace Nyamwanji kwa kufanikisha ushindi huo. Kwa upande wa Mkuu wa Idara ya Kilimo, Mifugo na Uvuvi wa Halamshauri hiyo, Grace Nyamwanji amewashukuru na kuwapongeza, Wakuu wa Idara na Vitengo, Watumishi na  Wadau wote waliyoshiriki maonesho hayo kwa sababu wao ndio chachu ya ushindi huo.
Read more »