IGUWASA YATATUA KERO YA MAJI SHULE YA MSINGI CHIPUKIZI B IGUNGA.

 



Na Lubango Mleka, Igunga

MAMLAKA ya Maji Safi na Usafi wa Mazingira Igunga (IGUWASA) imefanikiwa kutatua tatizo sugu la maji katika Shule ya Msingi Chipukizi B iliyopo eneo la Mtaa wa Sanzura, Wilaya ya Igunga, Mkoani Tabora.

Zaidi ya Wanafunzi 200 pamoja na Walimu na Wakazi wanaozunguka Shule hiyo  wameanza kunufaika na huduma ya maji safi na salama, hatua inayotarajiwa kusaidia kudhibiti milipuko ya magonjwa na kuboresha mazingira ya kujifunzia.



Wananchi waliozungumza na blogu ya Habari Kamili wakati wa zoezi la uchimbaji mtalo kwa ajili ya kulaza bomba la maji wamesema huduma hiyo ni faraja kubwa baada ya kusubiri kwa muda mrefu.

Maria Luhende, Rajabu Juma, Aisha Mussa, Elias Kishiwa na Paul Joseph, ni baadhi ya wakazi wa mtaa wa Sanzura waliojitokeza katika zoezi la uchimbaji wa mtalo wameipongeza IGUWASA kwa kufanikisha mradi huo.



Mwenyekiti wa Kitongoji cha Stoo, Phabian Lushindika, amesema hatua hiyo ni ya kupongezwa na amehamasisha wananchi kushiriki katika kulinda miundombinu ya maji ili idumu kwa muda mrefu.








Kwa upande wake, Mkurugenzi Mtendaji wa IGUWASA, Alexander Ntonge, amesema mradi huo ni sehemu ya maadhimisho ya wiki ya huduma kwa mteja ambapo mamlaka hiyo inatembelea maeneo mbalimbali yenye uhitaji wa huduma hiyo muhimu.















Maoni

Chapisha Maoni

Machapisho maarufu kutoka blogu hii

MWENYEKITI NAMALULU AWEKWA PEMBENI KUPISHA UCHUNGUZI

Picha
  Na Mwandishi wetu, Simanjiro MWENYEKITI wa kijiji cha Namalulu Wilayani Simanjiro, Mkoani Manyara, Marumai Kirikai amepumzishwa kazi kwa muda wa siku 28 ili kupisha uchunguzi wa matumizi mabaya ya madaraka katika kijiji hicho. Mkuu wa Wilaya ya Simanjiro, Fakii Raphael Lulandala ameunda kamati ya watu saba itakayofanya uchunguzi kwa muda wa siku 24 na baada ya siku 28 endapo  Mwenyekiti huyo atabainika hausiki na tuhuma hizo atarejea kwenye nafasi yake. Lulandala ameyasema hayo wakati akizungumza na wakazi wa kijiji cha Namalulu, baada ya kusikiliza kero, malalamiko na changamoto zao. Ameeleza kwamba hamsimamishi kazi Mwenyekiti huyo ila anapisha uchunguzi kwa muda wa siku 28 na endapo hatakuwa na makosa atarejea tena kwenye nafasi hiyo. "Hausimamishwi kaz ila unakaa pembeni kwa muda wa siku 28 ili kupisha uchunguzi na ofisa mtendaji wa kijiji cha Namalulu Sarafina Olotu ataongoza kijiji kwa kipindi hiki," amesema DC Lulandala. DC Lulandala amewataja wajumbe saba wa kamati ...
Read more »

IGUNGA YAIBUKA MSHINDI WA KWANZA NANENANE TABORA.

Picha
Na Mwandishi Wetu, Tabora.  HALMASHAURI ya Wilaya ya Igunga imeibuka mshindi wa kwanza katika kundi la Mamlaka za Serikali za Mitaa (Tabora na Kigoma) wakati wa Maonesho ya Nanenane mwaka 2025 ngazi ya kanda yaliyofanyika Uwanja wa Maonesho Ipuli - Tabora. Aidha, imeshika nafasi ya pili katika kundi la washindi wa jumla wa mikoa ya Tabora na Kigoma wakati wa Maonesho hayo. Akizungumza baada ya Halfa hiyo, Katibu Tawala wa Wilaya hiyo, Ndug. Elizabeth Rwegasira amempongeza Mkurugenzi wa Halmashauri hiyo, Selwa Hamid kwa ushirikiano mzuri na Mkuu wa Idara ya Kilimo, Mifugo na Uvuvi, Grace Nyamwanji kwa kufanikisha ushindi huo. Kwa upande wa Mkuu wa Idara ya Kilimo, Mifugo na Uvuvi wa Halamshauri hiyo, Grace Nyamwanji amewashukuru na kuwapongeza, Wakuu wa Idara na Vitengo, Watumishi na  Wadau wote waliyoshiriki maonesho hayo kwa sababu wao ndio chachu ya ushindi huo.
Read more »