WANANCHI RORYA WAHIMIZWA KUTUMIA NISHATI SAFI YA KUPIKIA







Na Mwandishi Wetu, Rorya Mara. 

KIONGOZI wa Mbio za Mwenge wa Uhuru Ndugu Ismail Ali Ussi amewahimiza wananchi wa Wilaya ya Rorya kutumia nishati safi ya kupikia katika maeneo yao kutokana na faida mbalimbali zinazopatikana kwa kutumia nishati safi. 

Akizungumza na wananchi katika Shule ya Sekondari Nyamunga, baada ya kutembelea mradi wa nishati safi wa shule hiyo, Ndugu Ussi amesema kwa kupikia nishati safi wananchi watapika kwa gharama nafuu na pia watakuwa wanatunza mazingira. 



“Nishati safi inasaidia sana kwani gharama zake ni nafuu, haiathiri afya ya mtumiaji kama ilivyo katika matumizi ya kuni na mkaa na inasaidia kutunza mazingira yanayotuzunguka, hivyo ni muhimu sisi sote kutumia nishati safi majumbani mwetu” amesema Ndugu Ussi. 

Ndugu Ussi ameipongeza Halmashauri ya Wilaya ya Rorya kwa kuwekeza fedha shilingi milioni 11 kwa ajili ya kutekeleza mradi huo katika Shule ya Sekondari Nyamunga ambao amesema unalinda afya za wapishi na mazingira ya Halmashauri hiyo na kuwataka wananchi kuiga mfano huo kuboresha maisha yao. 



Wakati huo huo, Mwenge wa Uhuru umeendelea na mbio zake katika Mkoa wa Mara ambapo leo tarehe 19 Agosti, 2025 umeingia katika Wilaya ya Rorya na kutembelea, kukagua, kuweka jiwe la msingi na kuzindua miradi saba ya maendeleo yenye thamani ya shilingi 2,531,470,759.63. 

Fedha zilizogharimia miradi hiyo zimetokana na mchango wa wananchi shilingi 6,920,000; fedha za Halmashauri shilingi 184,876,550; Serikali Kuu shilingi 2,286,594,209.63 katika sekta za mazingira, huduma za kiuchumi, mifugo, elimu, maendeleo ya jamii, miundombinu na afya. 

Mwenge umepokelewa katika Stendi ya Kinesi kutoka Wilaya ya Butiama na baadaye kuelekea Nyamunga Sekondari ambapo umeweka jiwe la msingi kwenye mradi wa maji Nyamunga na kukagua mradi wa nishati safi, kukagua klabu ya kuzuia na kupambana na rushwa katika Shule ya Sekondari Nyamunga. 

Aidha, Mwenge wa Uhuru umetembelea skimu ya umwagiliaji ya Rabour, umeweka jiwe la msingi katika uzio wa mnada Nyamaguku, kuweka jiwe la msingi katika Sekondari ya Jafari Chege, kutembelea gereji ya pikipiki ya kikundi cha vijana wazalendo katika eneo la Utegi. 

Katika Wilaya ya Rorya, Mwenge wa Uhuru umezindua daraja la mto Mabura na kalavati mbili za barabara ya Ryagoro-Saro, umeweka jiwe la msingi katika zahanati ya Randa na baadaye kuelekea katika mkesha katika uwanja wa Osogo eneo la Utegi. 

Katika eneo la mkesha, Mwenge umepokea Risala ya Utii na kukagua halaiki, kupokea taarifa mbalimbali kuhusiana na maandalizi ya uchaguzi mkuu, masuala ya afya, lishe na kuzuia madawa ya kulevya na rushwa. 

Kesho tarehe 20 Agosti, 2025 Mwenge wa Uhuru utaendelea na mbio zake katika Mkoa wa Mara ambapo utakimbizwa katika Halmashauri ya Mji wa Tarime na mapokezi ya Mwenge yanatarajiwa kufanyika katika uwanja wa Shule ya Msingi Gamasara.





Maoni

Chapisha Maoni

Machapisho maarufu kutoka blogu hii

MWENYEKITI NAMALULU AWEKWA PEMBENI KUPISHA UCHUNGUZI

Picha
  Na Mwandishi wetu, Simanjiro MWENYEKITI wa kijiji cha Namalulu Wilayani Simanjiro, Mkoani Manyara, Marumai Kirikai amepumzishwa kazi kwa muda wa siku 28 ili kupisha uchunguzi wa matumizi mabaya ya madaraka katika kijiji hicho. Mkuu wa Wilaya ya Simanjiro, Fakii Raphael Lulandala ameunda kamati ya watu saba itakayofanya uchunguzi kwa muda wa siku 24 na baada ya siku 28 endapo  Mwenyekiti huyo atabainika hausiki na tuhuma hizo atarejea kwenye nafasi yake. Lulandala ameyasema hayo wakati akizungumza na wakazi wa kijiji cha Namalulu, baada ya kusikiliza kero, malalamiko na changamoto zao. Ameeleza kwamba hamsimamishi kazi Mwenyekiti huyo ila anapisha uchunguzi kwa muda wa siku 28 na endapo hatakuwa na makosa atarejea tena kwenye nafasi hiyo. "Hausimamishwi kaz ila unakaa pembeni kwa muda wa siku 28 ili kupisha uchunguzi na ofisa mtendaji wa kijiji cha Namalulu Sarafina Olotu ataongoza kijiji kwa kipindi hiki," amesema DC Lulandala. DC Lulandala amewataja wajumbe saba wa kamati ...
Read more »

IGUNGA YAIBUKA MSHINDI WA KWANZA NANENANE TABORA.

Picha
Na Mwandishi Wetu, Tabora.  HALMASHAURI ya Wilaya ya Igunga imeibuka mshindi wa kwanza katika kundi la Mamlaka za Serikali za Mitaa (Tabora na Kigoma) wakati wa Maonesho ya Nanenane mwaka 2025 ngazi ya kanda yaliyofanyika Uwanja wa Maonesho Ipuli - Tabora. Aidha, imeshika nafasi ya pili katika kundi la washindi wa jumla wa mikoa ya Tabora na Kigoma wakati wa Maonesho hayo. Akizungumza baada ya Halfa hiyo, Katibu Tawala wa Wilaya hiyo, Ndug. Elizabeth Rwegasira amempongeza Mkurugenzi wa Halmashauri hiyo, Selwa Hamid kwa ushirikiano mzuri na Mkuu wa Idara ya Kilimo, Mifugo na Uvuvi, Grace Nyamwanji kwa kufanikisha ushindi huo. Kwa upande wa Mkuu wa Idara ya Kilimo, Mifugo na Uvuvi wa Halamshauri hiyo, Grace Nyamwanji amewashukuru na kuwapongeza, Wakuu wa Idara na Vitengo, Watumishi na  Wadau wote waliyoshiriki maonesho hayo kwa sababu wao ndio chachu ya ushindi huo.
Read more »