COOP BANK YAJIVUNIA UTOAJI HUDUMA SEKTA YA KILIMO.

. Coop Bank yatangaza Ushiriki Mkubwa katika Maonesho ya Nanenane,

Na Mwandishi Wetu, Dodoma. 

BENKI ya Ushirika Tanzania (Coop Bank) imethibitisha kushiriki kikamilifu katika Maonesho ya Kitaifa na Kimataifa ya Nanenane 2025 yanayofanyika katika viwanja vya Nzuguni, jijini Dodoma, ikiwa ni miongoni mwa wa  dhamini wa maonesho hayo makubwa ya kilimo nchini.

Akizungumza na waandishi wa habari katika banda la benki hiyo, Mkurugenzi Mtendaji wa Coop Bank, Bw. Godfrey Ng’urah, amesema benki hiyo imejikita katika kutoa huduma za kifedha zenye kuleta mabadiliko chanya katika mnyororo mzima wa thamani wa kilimo-biashara, huku ikitoa kipaumbele kwa wakulima, vijana na wajasiriamali wa vijijini.

“Coop Bank ni benki ya ushirika kwa vitendo. Zaidi ya asilimia 51 ya umiliki wake upo mikononi mwa vyama vya ushirika hii ni benki ya wakulima, kwa wakulima,” amesema Bw. Ng’urah.

Ameeleza kuwa, Benki hiyo inashirikiana na vyama vya msingi (AMCOS) na vyama vikuu vya ushirika (UNION) nchini kote katika kusaidia wakulima wa mazao ya kimkakati kama kahawa, chai, korosho, ufuta, mbegu za mafuta, pamba na mazao mengine yanayouzwa kupitia mifumo rasmi ya ushirika.






 “Tunatoa huduma za kifedha kwa ukusanyaji wa mazao, usindikaji, masoko na usafirishaji ndiyo maana tunashiriki Nanenane kwa nguvu; ni jukwaa letu la kukutana na wanachama wetu na wakulima wapya,” akiongeza kusema. 

Bw. Ng’urah pia amesema kuwa benki hiyo, iliyozinduliwa rasmi na Rais wa Jamhuri ya Muungano wa Tanzania mwezi Aprili 2025, tayari ina matawi katika mikoa ya Kilimanjaro, Tabora, Moshi, Mtwara na Dodoma, ikiwa na makao yake makuu jijini Dodoma.

Katika Maonesho ya Nanenane, Coop Bank imejipanga kutoa elimu na huduma za kifedha kupitia mabanda mawili banda la wadhamini wakuu na banda la Kijiji cha Ushirika ambapo wananchi, wakulima, vijana na wanawake wataweza kupata taarifa kuhusu mikopo, akiba, huduma za kidigitali na bidhaa nyingine za benki hiyo.

 “Tunawaalika wananchi wote kutembelea mabanda yetu na kujifunza zaidi kuhusu huduma zetu. Tumejipanga kuhakikisha wakulima wanakuwa na benki inayowajali na kuwasaidia kufanikisha ndoto zao,” akisema.





Maoni

Chapisha Maoni

Machapisho maarufu kutoka blogu hii

MWENYEKITI NAMALULU AWEKWA PEMBENI KUPISHA UCHUNGUZI

Picha
  Na Mwandishi wetu, Simanjiro MWENYEKITI wa kijiji cha Namalulu Wilayani Simanjiro, Mkoani Manyara, Marumai Kirikai amepumzishwa kazi kwa muda wa siku 28 ili kupisha uchunguzi wa matumizi mabaya ya madaraka katika kijiji hicho. Mkuu wa Wilaya ya Simanjiro, Fakii Raphael Lulandala ameunda kamati ya watu saba itakayofanya uchunguzi kwa muda wa siku 24 na baada ya siku 28 endapo  Mwenyekiti huyo atabainika hausiki na tuhuma hizo atarejea kwenye nafasi yake. Lulandala ameyasema hayo wakati akizungumza na wakazi wa kijiji cha Namalulu, baada ya kusikiliza kero, malalamiko na changamoto zao. Ameeleza kwamba hamsimamishi kazi Mwenyekiti huyo ila anapisha uchunguzi kwa muda wa siku 28 na endapo hatakuwa na makosa atarejea tena kwenye nafasi hiyo. "Hausimamishwi kaz ila unakaa pembeni kwa muda wa siku 28 ili kupisha uchunguzi na ofisa mtendaji wa kijiji cha Namalulu Sarafina Olotu ataongoza kijiji kwa kipindi hiki," amesema DC Lulandala. DC Lulandala amewataja wajumbe saba wa kamati ...
Read more »

IGUNGA YAIBUKA MSHINDI WA KWANZA NANENANE TABORA.

Picha
Na Mwandishi Wetu, Tabora.  HALMASHAURI ya Wilaya ya Igunga imeibuka mshindi wa kwanza katika kundi la Mamlaka za Serikali za Mitaa (Tabora na Kigoma) wakati wa Maonesho ya Nanenane mwaka 2025 ngazi ya kanda yaliyofanyika Uwanja wa Maonesho Ipuli - Tabora. Aidha, imeshika nafasi ya pili katika kundi la washindi wa jumla wa mikoa ya Tabora na Kigoma wakati wa Maonesho hayo. Akizungumza baada ya Halfa hiyo, Katibu Tawala wa Wilaya hiyo, Ndug. Elizabeth Rwegasira amempongeza Mkurugenzi wa Halmashauri hiyo, Selwa Hamid kwa ushirikiano mzuri na Mkuu wa Idara ya Kilimo, Mifugo na Uvuvi, Grace Nyamwanji kwa kufanikisha ushindi huo. Kwa upande wa Mkuu wa Idara ya Kilimo, Mifugo na Uvuvi wa Halamshauri hiyo, Grace Nyamwanji amewashukuru na kuwapongeza, Wakuu wa Idara na Vitengo, Watumishi na  Wadau wote waliyoshiriki maonesho hayo kwa sababu wao ndio chachu ya ushindi huo.
Read more »