Habari Kamili

  Na Mwandishi Wetu - Arusha. TAASISI ya Jiolojia na Utafiti wa Madini Tanzania (GST) kwa kushirikiana na wataalam wa jiosayansi kutoka Chuo Kikuu cha Goethe  cha nchini  Ujerumani wafanya utafiti wa jiosayansi katika Mlima Oldoinyo Lengai.  Akielezea kuhusu utafiti huo, Mkurugenzi wa Huduma za Jiolojia GST, Dkt. Ronald Massawe amesema kuwa, Mlima Oldoinyo Lengai ni moja ya milima ya volkano ambayo ipo hai, lakini pia ni mlima pekee duniani ambao volkano yake inatoa lava ya aina ya “natrocarbonatite” ambapo lava hii inapokauka na kugeuka vumbi, huweza kuwa na madhara ya kiafya kwa binadamu na wanyama, hasa inapovutwa kupitia hewa.  Akifafanua  kuhusu malengo  ya utafiti huo, Dkt. Massawe amesema kuwa, kulingana na mfumo wa kijiolojia ndani ya mlima, utafiti huo una malengo makubwa matatu ambayo ni: kuchunguza muundo wa ndani wa volkano, kubaini maeneo ya hifadhi ya magma na njia zake, pamoja na kutambua mabadiliko ya tabaka la miamba katika Ukanda wa Z...

  _ Na Mwandishi Wetu -Lindi. WAZIRI MKUU, Kassim Majaliwa ameiagiza Wizara ya Madini kufanya ufuatiliaji wa makampuni ya madini ambayo yameshilikilia maeneo kwa muda mrefu lakini hawajayaendeleza mpaka sasa yakiwemo makampuni matatu wilayani Ruangwa Mheshimiwa Majaliwa amesema kuwa makampuni ya Nachu, Uranex na Paco Gems Ltd yanapaswa kusema hatma ya maeneo waliyoyahodhi kwa muda mrefu vinginevyo ardhi hiyo itarudishwa kwa wananchi. Ametoa agizo hilo leo Jumanne (Oktoba 07, 2025) alipotembelea kampuni ya uchimbaji wa madini Huaer International Limited katika kijiji cha Ng’au Ruangwa mkoani Lindi. “Kampuni ya Paco Gems tangu 2009 mpaka leo hakuna maendeleo, tunatoka Utanex pale Chunyu, wameshalipa fidia tangu 2012 lakini mpaka leo hii hakuna maendeleo yoyote, ipo kampuni ya Nachu ambayo ilipata heshima ya kusaini mkataba mbele ya Rais wa Jamhuri ya Muungano wa Tanzania mpaka leo hii wamepotea na hakuna taarifa.” Mheshimiwa Majaliwa ameipongeza kampuni ya Huaer International Limited...

Na Hamida Ramadhan, Dodoma KATIKA  juhudi za kuibua na kutafuta suluhisho la changamoto zinazowakabili walimu wa kike wanaofundisha maeneo ya vijijini, Shirika la ActionAid Tanzania kwa kushirikiana na wadau wa elimu limeandaa kikao kazi maalum jijini Dodoma kujadili ripoti ya utafiti wa kazi zinazofanywa na walimu wakike katika shule za msingi za vijijini Tanzania Bara na Visiwani. Kikao hicho kimewakutanisha maafisa elimu wa shule za msingi na sekondari, walimu wa kike na wa kiume, wawakilishi wa vyama vya walimu kutoka ngazi ya wilaya Tanzania Bara na Zanzibar pamoja na wawakilishi kutoka Wizara ya Elimu, Ofisi ya Rais TAMISEMI, Utumishi na wadau wengine wa elimu kutoka taasisi mbalimbali huku kikihusisha walimu 12 kutoka mikoa 12 nchini ambao walishiriki moja kwa moja katika utafiti huo. Akizungumza katika kikao hicho Mratibu wa Programu za Vijana kutoka ActionAid Tanzania Arif Fazel alisema lengo kuu la kikao ni kufanya tathmini ya utekelezaji wa mapendekezo yaliyotolewa kupit...

  Na Mwandishi Wetu, Rufiji- Pwani NAIBU Katibu Mkuu Ofisi ya Rais-TAMISEMI anayeshughulikia Miundombinu, Mhandisi Rogatus Mativila amemtaka Mkandarasi anayejenga daraja la Mohoro (MAC CONTRACTORS COMPANY LTD) lenye urefu wa mita 100 wilayani Rufiji mkoani Pwani kukamilisha ujenzi wa daraja hilo kwa wakati. Akizungumza wakati wa ziara ya kukagua maendeleo ya ujenzi wa daraja hilo, Mhandisi Mativila amesema fedha za mradi huo zipo hivyo, amemsisitiza Mhandisi Mshauri anayesimamia mradi huo kumsimamia Mkandarasi akamilishe kazi hiyo kwa wakati ili kutatua changamoto ya usafiri na usafirishaji kwa wananchi wa kata ya Mohoro. "Mliomba fedha kutokana na kazi hii kuongezeka, Serikali imeongeza fedha 50% ili kazi hii ikamilike, zipo kazi ndogondogo zinaweza kuendelea kufanyika, hivyo nasisitiza kazi hii ikamilike kwa wakati", amesema. Aidha, amewataka Wakandarasi wazawa wajitahidi kukamilisha miradi kwa wakati ili Serikali iendelee kufanya kazi nyingi na Wakandarasi wa Kitanzania ba...

*📌 Ni katika kikao kazi na Tume ya Taifa ya Mipango.* *📌Mradi wa usafirishaji umeme Chalinze–Dodoma ni miongoni mwa miradi ya kipaumbele kufanikisha Dira 2050,* *📌Wizara ya Nishati na Tume ya Mipango kushirikiana kwa karibu kusimamia miradi ya Nishati kufanikisha malengo ya Dira 2050.* Na Hamida Ramadhani, Dodoma. KATIBU Mkuu Wizara ya Nishati, Mhandisi Felchesmi Mramba, amekutana na wataalam kutoka Tume ya Taifa ya Mipango wakiongozwa na Naibu Katibu Mtendaji – Menejimenti ya Utendaji na Tathmini, Dkt. Linda  Ezekiel kwa lengo la kujadili namna ambavyo Wizara na Taasisi zake zimejipanga kutekeleza miradi ya kimkakati ya nishati inayochangia katika kufanikisha malengo ya Dira ya Taifa ya Maendeleo 2050. Msingi wa kikao hicho umetokana na  Sekta ya Nishati kuainishwa katika Dira 2050 kuwa ni moja ya  vichocheo vitano vitakavyoongeza kasi ya kufikia malengo ya Dira hiyo, ikielezwa kuwa Nishati ya uhakika ni nyenzo muhimu katika kuchochea maendeleo ya viwanda na shughuli ...

  Na Mwandishi Wetu, Dodoma. SERIKALI ya Jamhuri ya Muungano wa Tanzania, kupitia Wizara ya Mawasilianio na Teknolojia ya Habari, imesaini mkataba wa nyongeza na Kampuni ya Viettel Global Joint Stock, ya Vietnam wenye lengo la kufikisha huduma za mawasiliano katika maeneo ambayo bado hayajafikiwa na mtandao wa mawasiliano. Hafla ya utiaji saini wa mkataba huo imefanyika leo katika Ofisi za Wizara ya Mawasiliano na Teknolojia ya Habari, Mji wa Serikali Mtumba, ikishuhudiwa na Katibu Mkuu Ofisi ya Rais, Tawala za Mikoa na Serikali za Mitaa (TAMISEMI), Bw. Adolf Ndunguru, ambaye pia ni Mwenyekiti wa Kamati ya Taifa ya Majadiliano. Bw. Ndunguru ameeleza kuwa mkataba huu wa nyongeza unalenga kuimarisha utekelezaji wa makubaliano ya awali kwa kuhakikisha huduma za mawasiliano zinawafikia Watanzania wote, hususan walioko vijijini.  Aidha, amebainisha kuwa nyongeza hiyo pia inashughulikia changamoto zilizojitokeza awali, ikiwemo suala la kupeleka huduma za mawasiliano katika maeneo am...

Na Mwandishi Wetu, Simiyu. Wananchi wa Kijiji cha Shigela, Wilaya ya Busega mkoani Simiyu wametakiwa kuwa waangalifu na kuchukua tahadhari dhidi ya fisi wanaoripotiwa kuvamia makazi ya watu na kuleta hofu katika jamii. Rai hiyo imetolewa  Oktoba 6, 2025 na Afisa Uhifadhi kutoka Mamlaka ya Usimamizi wa Wanyamapori Tanzania (TAWA), Lusato Masinde, wakati wa mkutano wa hadhara uliofanyika kijijini hapo ambapo timu ya wataalamu kutoka Wizara ya Maliasili na Utalii, TAWA na Maafisa Wanyamapori wa Halmashauri inaendelea kutoa elimu ya uhifadhi mkoani humo ili kupunguza madhara yatokanayo na wanyamapori wakali na waharibifu.  “Tuchukue tahadhari kubwa, hatuko salama kwa sababu katika mazingira yetu hawa wanyamapori wapo na kuna vichaka na mapango mengi,” amesisitiza  Masinde. Ameongeza kuwa watoto ndio waathirika wakubwa wa mashambulizi ya fisi, hivyo wananchi wanapaswa kuwa makini na kuhakikisha wanawalinda ipasavyo, hasa wakati wa jioni na usiku. Kwa upande wake, Afisa Maliasi...

 Na WAF-Dodoma MKUU wa Mkoa wa Dodoma, Mhe. Rosemary Senyamule, amesema kambi ya madaktari bingwa kupitia mafunzo kwa wataalam imewezesha kuokoa maisha ya wengi kutokana na uwezo waliojengewa wa kushughulikia wagonjwa wa dharura na majeruhi wa ajali kwa haraka na kwa ufanisi. Mhe. Senyamule ameyasema hayo leo Oktoba 06, 2025 wakati akiwapokea wataalam wa afya wabobezi 42 wakiwepo Madaktari Bingwa na Wauguzi Bobezi ambao watafanya kazi ya kutoa huduma kwenye halmashauri za wilaya saba (7) za mkoa wa Dodoma. “Ubunifu huu uliofanywa na Serikali wakuwajengea uwezo wataalam wetu ngazi ya msingi, lakini pia kuanzishwa kwa majengo ya dharura sisi tumeona matunda yake, kwani hivi karibuni tulipata ajali katika wilaya yetu ya Chemba kutokana na utaalam ambao mliwawezesha watu wetu, kuwahudumia  majeruhi wote na kuwafikisha ngazi ya RRH wakiwa salama,” amesema  Mhe. Senyamule. Kwa upande wake Mwakilishi wa Wizara ya Afya Bi. Subira Said, amesema shabaha ya zoezi hilo ni kusogeza hu...

Na Mwandishi Wetu, Dodoma. KATIBU Mkuu, Ofisi ya Rais, Menejimenti ya Utumishi wa Umma, Bw. Juma Mkomi ametoa wito kwa Watumishi wa Umma kuongeza uwajibikaji na kutoa huduma bora kwa Watumishi wa Umma kutoka katika taasisi mbalimbali, Wadau na Wananchi wanaohitaji kuhudumiwa kwenye masuala ya kiutumishi kwenye Wiki ya Huduma kwa Mteja iliyoanza tarehe 06 hadi 10 oktoba, 2025 yenye kaulimbiu isemayo 2025 Dhamira Inayowezekana.  Bw. Mkomi ametoa wito huo wakati akizungumza na watumishi wa ofisi yake katika eneo maalum la mafunzo kwa watumishi hao yanayofanyika kila siku ya Jumatatu Mtumba Jijini Dodoma kwa lengo la kuwajengea uwezo na kuimarisha utendaji kazi watumishi wa ofisi hiyo. “Hii ni Wiki ya Huduma kwa Mteja, ninatoa wito kwa kila mtumishi kuwajibika katika eneo lake la kazi hasa mnapotoa huduma kwa Watumishi wa Umma wenzenu, Wadau na Wananchi hakikisheni mnatimiza malengo ya Serikali katika kutoa huduma bora kwa kila Mtanzania.” amesema Bw. Mkomi. Kwa upande wake Mwezeshaji ...

Na Mwandishi Wetu, Konde - Kaskazini Pemba. MGOMBEA wa nafasi ya Rais wa Zanzibar kupitia Chama Cha Mapinduzi (CCM), ambaye pia ni Rais wa Zanzibar na Mwenyekiti wa Baraza la Mapinduzi, Mhe. Dkt. Hussein Ali Mwinyi, amesema kuwa amani ya nchi ndiyo hoja ya kwanza na ya msingi ya Chama Cha Mapinduzi, akisisitiza kuwa maendeleo hayawezi kupatikana bila kudumisha amani na umoja wa wananchi. Akihutubia mamia ya wanachama wa CCM na wananchi katika mkutano wa kampeni uliofanyika Uwanja wa Michezo wa Msuka, Jimbo la Konde, Mkoa wa Kaskazini Pemba, Dkt. Mwinyi alisema wananchi wana wajibu wa kuilinda amani iliyopo kwa manufaa ya vizazi vya sasa na vijavyo. Mkutano huo ulihudhuriwa na makundi mbalimbali ya wananchi wakiwemo wavuvi, wajasiriamali, mama lishe, waendesha bodaboda, akinamama na wajane. Aidha, Dkt. Mwinyi amesema kuwa CCM inajivunia mafanikio makubwa yaliyopatikana katika kuimarisha umoja na maridhiano ya Wazanzibari, jambo lililowezesha utekelezaji wa miradi ya maendeleo Unguja na ...